Վադիմ Բրազովսկի
Վադիմ Միխայլովիչ Բրազովսկի (բելառուս․՝ Вадзім Міхайлавіч Бразоўскі, փետրվարի 1, 1968, Նովոկուզնեցկ, Կեմերովոյի մարզ, ՌԽՖՍՀ, ԽՍՀՄ), բելառուս նախկին ֆուտբոլիստ, մարզիչ։
Վադիմ Բրազովսկի բելառուս․՝ Вадзім Бразоўскі | |||
---|---|---|---|
Անձնական տվյալներ | |||
Ազգությունը | բելառուս | ||
Քաղաքացիությունը | ԽՍՀՄ և Բելառուս | ||
Ծննդյան ամսաթիվ | փետրվարի 1, 1968 (56 տարեկան) | ||
Ծննդավայր | Նովոկուզնեցկ, Կեմերովոյի մարզ, ՌԽՖՍՀ, ԽՍՀՄ | ||
Դիրք | պաշտպան | ||
| |||
Մասնագիտական կարիերա* | |||
Տարի | Ակումբ | Խաղ | (Գոլ) |
| |||
Մարզչական կարիերա | |||
* Մասնագիտական կարիերայում ընդգրկված են միայն առաջնության խաղերը և գոլերը: |
Ակումբային կարիերա խմբագրել
Ֆուտբոլ խաղալ սկսել է Մոզիրում, իսկ խորհրդային տարիներին խաղացել է Ժոդինոյի «Տորպեդո» ակումբում։ Հետո հանդես է եկել Բելառուսի ֆուտբոլի առաջնության բարձրագույն լիգայի տարբեր ակումբներում, որոշ ժամանակ խաղացել է Լատվիայում։ 1999 թվականին նա վերադարձել է «Տորպեդո», որն այդ ժամանակ հանդես էր գալիս Բելառուսի առաջին լիգայում։ Նա ավարտել է իր կարիերան 2002 թվականին «ՄՏԶ-ՌԻՊՕ» ակումբում։
Մարզչական կարիերա խմբագրել
2003 թվականից Վադիմ Բրազովսկին աշխատել է «Դարիդա» ակումբում։ Եղել է երկրորդ կազմի մարզիչ, երկրորդ մարզիչը, երկու անգամ կատարել է գլխավոր մարզչի պարտականությունները (2006 թվականի հոկտեմբեր-նոյեմբեր և 2007 թվականի հունիս)։ 2008 թվականի հունվարին նշանակվել է «Դարիդայի» գլխավոր մարզիչ։
2008 թվականին «Դարիդան», որ ֆինանսական լուրջ խնդիրներ ուներ, վերջին տեղն է զբաղեցնում Բելառուսի առաջնությունում դադարեցնում իր գոյությունը, իսկ Բրազովսկին նախ տեղափոխվում է Սլոնիմի «Կոմունալնիկ», իսկ 2011 թվականին՝ Ժոդինոյի «Տորպեդո» ակումբ։
2012 թվականի մարտին Վադիմ Բրազովսկին գլխավորել է Ժոդինոյի երկրորդ կազմը, 2012 թվականի մայիսին՝ Սերգեյ Գուրենկոյի հրաժարականից հետո, նշանակվել է գլխավոր մարզչի պաշտոնակատար, իսկ հետագայում գլխավոր մարզիչ։ Սկզբում Բրազովսկու գլխավորությամբ «Տորպեդո-ԲԵԼԱԶ» ակումբը միավորներ է վաստակել, սակայն հետո հայտնվել է սանդղակի վերջին հորիզոնականում, իսկ 2012 թվականի նոյեմբերին (առաջնության ավարտից երկու տուր առաջ) Բրազովսկին ազատվել է պաշտոնից։
2013 թվականի հունվարից աշխատել է որպես «Տորպեդո-ԲԵԼԱԶ» ակումբի երիտասարդական բաժնի վարիչ[1]։