Արմինե Հայրապետյան
- Վիքիպեդիայում կան հոդվածներ Հայրապետյան ազգանունով այլ մարդկանց մասին։
Արմինե Հայրապետյան (օգոստոսի 31, 1976, Երևան, Հայկական ԽՍՀ, ԽՍՀՄ), հայ երգահան, երգչուհի, հնագետ։
| Արմինե Հայրապետյան | |
|---|---|
| Ծնվել է | օգոստոսի 31, 1976 (47 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Կրթություն | Երևանի պետական համալսարան (1998) |
| Մասնագիտություն | երգչուհի և հնագետ |
| Աշխատավայր | Երևանի պետական համալսարան |
Կենսագրություն խմբագրել
Ծնվել է 1976 թվականի օգոստոսի 31-ին Երևանում, Հայկական ԽՍՀ։ Ավարտել է Գրիգոր Նարեկացու անվան թիվ 137 միջնակարգ դպրոցը[1]։
1993-1998 թվականներին սովորել է ԵՊՀ պատմության ֆակուլտետում[1]։
Հեռուստատեսային առաջին բեմելն ունեցել է տակավին 5 տարեկանում, հանրային հեռուստատեսության եթերում մեներգելով մանկական «Ոսկե ձկնիկը» օպերետի գլխավոր դերում։ Դպրոցական տարիներից սկսած մասնակցել է բազմաթիվ հանրապետական և համամիութենական փառատոների և համերգների, արժանացել գլխավոր մրցանակների[1]։
Հեղինակային ստեղծագործություններով սկսել է հանդես գալ 1992 թվականից։ 1994 թվականից ի վեր մասնակցել է հանրապետական հեղինակային երգի մի շարք փառատոների, համերգների և մրցույթների[1]։
1999 թվականին ճանաչվել է «Լավագույն երիտասարդ ստեղծագործող կատարող»[1]։
2006 թվականին՝ «Նարեկացի» երիտասարդ ստեղծագործողների մրցույթում հաղթող «հեղինակային երգ» անվանակարգում։
Արմինե Հայրապետյանի որոշ երգեր ընդգրկվել են վավերագրական այնպիսի ֆիլմերում, ինչպես Մաիտե Ժարդենի «Հիշողության խոռոչները» (Ֆրանսիա) և Վրույր Թադևոսյանի «Պատերազմից հետո» կինոնկարները[1]։
Արմինե Հայրապետյանի ձայներիզներում տեղ է գտել հեղինակի երգերի միայն փոքր մասը, քանի որ նա նախընտրում է հանդես գալ առավելապես կենդանի կատարումներով՝ ինչպես փոքրածավալ փակ, այնպես էլ բացօթյա համերգներում[1]։
Ստեղծագործական գործունեությանը զուգընթաց զբաղվում է նաև մասնագիտությամբ՝ հետազոտություններ իրականացնելով Հայաստանի հնագիտական մի շարք վաղագույն հուշարձաններում, դասավանդում է ԵՊՀ-ում[1]։
Ընտանիք խմբագրել
Ունի երկու զավակ։
Սկավառակագրություն խմբագրել
- «Ես ետ կգամ» (2005)
- «Բարև» (2011)
- «Հեղինակային երգի հավաքածու» N1
- «Հեղինակային երգի հավաքածու» N2
Պարգևներ և մրցանակներ խմբագրել
- «Խաղաղության փառատոն», Արտեկ, 1991, գլխավոր և «Հանդիսատեսի համակրանք» 1-ին մրցանակ
- «Նոր Անուններ», Երևան -1991, 1-ին մրցանակ
Ծանոթագրություններ խմբագրել
- ↑ 1,0 1,1 1,2 1,3 1,4 1,5 1,6 1,7 «Կենսագրություն. Արմինե Հայրապետյան». Արխիվացված է օրիգինալից 2013 թ․ օգոստոսի 15-ին. Վերցված է 2014 թ․ փետրվարի 25-ին.