Արա Գոչունյան
Արա Սարգսի Գոչունյան (մարտի 13, 1973, Ստամբուլ, Թուրքիա), հայ խմբագիր, հասարակական գործիչ։
Արա Գոչունյան | |
---|---|
Ծնվել է | մարտի 13, 1973 (51 տարեկան) |
Ծննդավայր | Ստամբուլ, Թուրքիա |
Մասնագիտություն | խմբագիր |
Կենսագրություն խմբագրել
Արա Գոչունյանը ծնվել է 1973 թվականի մարտի 13-ին Ստամբուլում։ 1995 թվականին ավարտել է Ստամբուլի Գալաթասարայի լիցեյը, 1995-1996 թվականներին սովորել Ստամբուլի համալսարանի ֆրանսերեն լեզվի և գրականության բաժնում։ 1992 թվականից աշխատում է Ստամբուլի «Ժամանակ» օրաթերթի խմբագրությունում, 1996 թվականից՝ գլխավոր խմբագիր[1]։
Գոչունյանն իր հեղինակային՝ «Օրակարգի նյութերը» սյունակում հրապարակում է նաև հարցազրույցներ հայ ականավոր մտավորականների, արվեստագետների ու հասարակական գործիչների հետ՝ Հայրենիք-Սփյուռք հարաբերությունների և ազգային ինքնության հարցերի շուրջ։
1996-1998 թվականներին եղել է Արմենպրեսի թղթակիցը Ստամբուլում։ Գոչունյանը Թուրքիայում հայ-թուրքական հակամարտությունների մեկնաբանն է ու գլխավոր փորձագետը։ Նրա տեսակետներն ու վերլուծությունները հիշյալ հարցի վերաբերյալ տպագրվում են Հայաստանի և Սփյուռքի, նաև Թուրքիայի ԶԼՄ-ներում։ Որպես «Ժամանակի» հատուկ ներկայացուցիչ՝ մասնակցում է համահայկական բոլոր կարևոր իրադարձություններին Հայաստանում և արտերկրում։
Թուրքիայի ժուռնալիստների միության (1999) և ՀԺՄ (2004) անդամ։
2009 թվականին արժանացել է Համաշխարհային հայկական կոնգրեսի և ՀԺՄ-ի «Աշխարհի հետ մեր ինքնությամբ» մրցանակների։
Ծանոթագրություններ խմբագրել
Այս հոդվածի կամ նրա բաժնի որոշակի հատված վերցված է «Հայ գրատպություն և գրքարվեստ» հանրագիտարանից, որի նյութերը թողարկված են՝ Քրիեյթիվ Քոմմոնս Նշում-Համանման տարածում 3.0 (Creative Commons BY-SA 3.0) թույլատրագրի ներքո։ |