Աշոտ Մուրադյան (լուսանկարիչ)
- Վիքիպեդիայում կան հոդվածներ Մուրադյան ազգանունով այլ մարդկանց մասին։
Անվան այլ կիրառումների համար տե՛ս՝ Աշոտ Մուրադյան (այլ կիրառումներ)
Աշոտ Միհրանի Մուրադյան (մարտի 27, 1963[1], Երևան, Հայկական ԽՍՀ, ԽՍՀՄ), հայ լուսանկարիչ։
| Աշոտ Մուրադյան | |
|---|---|
 | |
| Ծնվել է | մարտի 27, 1963[1] (62 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  ԽՍՀՄ և  Հայաստան |
| Կրթություն | Հայկական պետական մանկավարժական համալսարան (1990) |
| Մասնագիտություն | լուսանկարիչ |
Կենսագրություն
խմբագրելԱշոտ Մուրադյանը ծնվել է 1963 թվականին, Երևանում։
Լուսանկարչական գործունեությունը սկսել է 1980-ականների կեսերին։ Կարճ ժամանակահատված աշխատել է «Երևան» հեռուստաֆիլմերի ստուդիայում։ 1990 թվականին ավարտել է Երևանի Խաչատուր Աբովյանի անվան մանկավարժական ինստիտուտի կինո-ֆոտո բաժինը։ 1990-ական թվականներին լուսանկարչություն է դասավանդել Գեղագիտական դաստիարակության հանրապետական կենտրոնում։ Հետագայում հիմնել է «Կոլլաժ» հրատարակչությունը։ 1980-ականներից Մուրադյանը թղթակցել է Հայաստանյան տարբեր պարբերականներին և թերթերին։ Մուրադյանի աշխատանքներն առանձնանում են ծանրակշիռ սիմվոլիզմով, ձգտում են դեպի ցայտուն արտաքին էֆեկտներ[2]։
Հայաստանի անկախացումից հետո զբաղվել է վավերագրական աշխատանքներով՝ ներկայացնելով Արցախյան պատերազմը ներկայացնող լուսանկարների շարքը, որը 2016 թվականին հրատարակվել է «Ճանապարհ դեպի հաղթանակ» խորագրով ֆոտոգրքում։
Ֆոտոգրքեր
խմբագրել- «Արմենիա», Երևան։ Կոլլաժ ՍՊԸ, 2016։
- «Սյունիք»
- «Տավուշը»
- «Ճանապարհ դեպի հաղթանակ», Երևան։ Կոլլաժ, 2016[3]։
- «Արցախ», Երևան։ Կոլլաժ, 2016
Ցուցահանդեսներ
խմբագրել- «Շուշիից Շուշի»[4]
Ծանոթագրություններ
խմբագրել- ↑ 1,0 1,1 Library of Congress Authorities — Library of Congress.
- ↑ «ՄՈՒՐԱԴՅԱՆ, ԱՇՈՏ | Հայ լուսանկարչական արվեստների հետազոտական շտեմարան». www.lusarvest.org. Վերցված է 2019 թ․ հունվարի 11-ին.
- ↑ AuroSystem (2016 թ․ մայիսի 28). «Մենք կարողացանք հաղթել առանց հաց, առանց վառելիք, առանց զենք». ՀՐԱՊԱՐԱԿ (անգլերեն). Վերցված է 2019 թ․ հունվարի 11-ին.
- ↑ «Արցախը՝ լուսանկարիչ Աշոտ Մուրադյանի աչքերով». Նորություններ Արցախից aparaj.am. Վերցված է 2019 թ․ հունվարի 11-ին.
Գրականություն
խմբագրել- Մուրադյան, Աշոտ։ Ճանապարհ դեպի հաղթանակ, Կոլաժ, Երևան, 2016։
- Քոչար, Վահան։ Հայ լուսանկարիչներ, հեղինակային հրատարակություն, 2007, էջ 255։