Աշխարհի մեծագույն վաճառականը
Աշխարհի մեծագույն վաճառականը Օգ Մանդինոյի գիրքը, որը ծառայում է որպես առևտրի հմտության և հաջողության փիլիսոփայության ուղեցույց՝ պատմելով Հաֆիդի պատմությունը, մի աղքատ ուղտապանի պատմություն, որը դառնում է հարուստ վաճառական։
Աշխարհի մեծագույն վաճառականը | |
|---|---|
 | |
| Հեղինակ | Օգ Մանդինո |
| Տեսակ | գրական ստեղծագործություն |
| Բնօրինակ լեզու | անգլերեն |
| Էջեր | 111 |
| Երկիր | ԱՄՆ |
| Հրատարակիչ | Bantam Books |
| Հրատարակման տարեթիվ | 1968 |
| Թարգմանիչ հայերեն | Արաքսյա Կլիշ |
| OCLC | 27780187 |
Գիրքն առաջին անգամ լույս է տեսել 1968-ին և վերահրատարակվել 1983-ին Բենթըմ հրատարակչության կողմից։ Կոշտ կազմով տարբերակը լույս է տեսել Բաքքենիըր Բուքս հրատարակչությունում 1993-ի հունիսին։ 1970-ին Success Motivation ինստիտուտը իրավունք ձեռք բերեց արտադրելու աուդիո ձայնագրությունը։
Եթե պահպանվի Մանդինոյի առաջարկած ընթերցանության կարգը, ապա գիրքը կարդալու համար ավելի քան տասը ամիս կպահանջվի։
Հրահանգն է կարդալ Գալար I-ը (Գլուխ 8) ուղիղ երեսուն օր՝ օրական երեք անգամ։ Առաջին գալարի երեսունօրյա ընթերցումն ավարտելուց հետո միայն կարելի է կարդալ Գալար II-ը (Գլուխ 9) և այսպես մինչև Գալար X (Գլուխ 17)։
Գրքի փիլիսոփայությունը
խմբագրելՄանդինոն սստեղծել է Տասը Գալարների լեգենդը։ Դրանք են՝
- Գալար I - Ես լավ սովորություններ կձևավորեմ ու կդառնամ դրանց ստրուկը
- Գալար II - Ողջունի՛ր յուրաքանչյուր օր սիրով լի սրտով
- Գալար III - Ես կդիմակայեմ այնքան, մինչև հաջողության հասնեմ
- Գալար IV - Ես բնության մեծագույն հրաշքն եմ
- Գալար V - Ապրի՛ր յուրաքանչյուր օր՝ ասես այն վերջինն է լինելու
- Գալար VI - Տիրապետի՛ր զգացմունքներիդ
- Գալար VII - Ծիծաղի ուժը
- Գալար VIII - Հարյուրապատկի՛ր քո արժեքն ամեն օր
- Գալար IX - Ամեն բան անարժեք է առանց համապատասխան գործողությունների
- Գալար X - Աղոթի՛ր Աստծուն օգնության համար
Նրա հիմնական մեսիջը «արա դա հիմա»-ն է։ Իններորդ Գալարում «Ես կգործեմ հիմա» նախադասությունն օգտագործված է 18 անգամ։ Դերասան Մեթյու Մակքոնահին նշել է, որ այս գիրքը փոխել է իր կյանքը[1]։ Թարիք Ջամիլը նույնպես խորհուրդ է տալիս գիրքը՝ ասելով, որ յուրաքանչյուր ոք, ով հաջողություն է փնտրում, պետք է կարդա այս գիրքը։
Մեջբերումներ
խմբագրել- Դու ստեղծված չես անգործ կյանքի համար։ Դու չես կարող արևածագից մինչև արևամուտ ուտել կամ խմել կամ սիրով զբաղվել։ Աշխատանքը քո ընկերն է, ոչ թե թշնամին[2][3]։
- Որևէ բան սովորելու և դրան տիրապետելու համար պետք է ժամանակին գին ու ուշադրություն վճարել, մինչև այն կդառնա անհատականություն և կենսական սովորույթ։
- Ոչ մի այլ արհեստ կամ մասնագիտություն մարդու համար չունի ավելի շատ հնարավորություն աղքատությունից մեծ հարստության հասնելու, քան վաճառականի մասնագիտությունը։
- Հաջողության հասնելու դեպքում պարգևները շատ մեծ են, սակայն պարգևները մեծ են, քանի որ շատ քչերն են հաջողության հասնում։
- Խոչընդոտներն անհրաժեշտ են հաջողության հասնելու համար, որովհետև վաճառքի մեջ, ինչպես բոլոր կարևոր մասնագիտություններում, հաղթանակը գալիս է միայն բազմաթիվ ճակատամարտերից և անթիվ պարտություններից հետո։ Սակայն ամեն ճակատամարտ, ամեն պարտություն բարելավում է հմտությունները և դարձնում ավելի ուժեղ, ավելի քաջ և դիմացկուն, ավելի կարող և վստահ։
Աշխարհի մեծագույն վաճառականը մաս երկու և պատմության վերջը
խմբագրելՍա Մանդինոյի 1968-ի բեսթսելլեր գրքի շարունակությունն է՝ հրատարակված 1988 թվականին։ Գործողությունները տեղի են ունենում առաջին ամսից քառասուն տարի առաջ․ գլխավոր հերոսը՝ Հաֆիդը, վշտալի դրության մեջ է՝ սգալով իր կնոջ՝ Լիշայի մահը։ Պատմությունը սկսվում է Հաֆիդի մենության տարիներից, երբ երազում տեսնում է մի անծանոթի, որը հայտնվում է նրա շեմին և Հաֆիդին դուրս է հանում ծերությունից՝ սկսելու նոր արկածախնդրություն[4]։
Ծանոթագրություններ
խմբագրել- ↑ «2017 - Issue Archives - The Austin Chronicle». Austinchronicle.com. Վերցված է 2017 թ․ դեկտեմբերի 11-ին.
- ↑ «Ten Commandments of Success». Oocities.org. Վերցված է 2017 թ․ դեկտեմբերի 11-ին.
- ↑ Mandino, Og (1984 թ․ հունվարի 1). «The Greatest Success in the World». Amazon.com. Bantam. Վերցված է 2017 թ․ դեկտեմբերի 11-ին.
- ↑ Nicola de Corato. «The Greatest Salesman in the World part II, the end of the story». Tobetravelagent.com. Արխիվացված է օրիգինալից 2017 թ․ հուլիսի 30-ին. Վերցված է 2017 թ․ դեկտեմբերի 10-ին.