Պոլոզ Մուկուչ (գարեջրատուն)
«Պոլոզ Մուկուչ» գարեջրատուն, նշանավոր գարեջրատուն Գյումրիում։ Բացվել է 1960-ական թվականներին, գտնվում է Կումայրի պատմական շրջանում։ Անվանվել է գյումրեցի հումորիստ Մկրտիչ Մելքոնյանի (1881-1931) պատվին, որը հայտնի է որպես «Պոլոզ Մուկուչ»։
Գարեջրատան շենքն ընդգրկված է Գյումրիի պատմության և մշակույթի անշարժ հուշարձանների ցանկում։
Պատմություն խմբագրել
Գարեջրատան շենքը նախկինում եղել է բնակելի կառույց, որը կառուցվել է 1860-1880 թվականներին և պատկանել է Սուքիաս Մելիքյանին, սակայն կուլակաթափության ժամանակ 1936-1937 թվականներին շենքը նրանից խլել են։ 1960-ականներից այն վերածվել է գարեջրատան և պատկանել Գյումրիի «Սննդառին»։
1990-ականների վերջերին գարեջրատունը սեփականաշնորհվել է և շարունակել իր գործունեությունը։ Շենքի մուտքի մոտ փակցված է Պոլոզ Մուկուչի ժպտացող քարե դիմանկարը[1][2]։
Պատկերասրահ խմբագրել
-
Գարեջրատունը Կումայրի պատմական շրջանում -
Շենքի ճակատային մասը -
Պոլոզ Մուկուչ գարեջրատան ճակատի արծվառյուծները -
Ընդհանուր տեսք -
Մկրտիչ Մելքոնյանը՝ հայտնի որպես «Պոլոզ Մուկուչ»
Ծանոթագրություններ խմբագրել
- ↑ ««Պոլոզը կրցել է խոսքն ընպես քաղցրցնէ, որ հաճելի էղնի լսողին» - Հետք - Լուրեր, հոդվածներ, հետաքննություններ». Վերցված է 2016 թ․ դեկտեմբերի 7-ին.
- ↑ Road, Black Sea Silk. «Օգտվել տեղեկատուից Պոլոզ Մուկուչ Գարեջրատուն - Հայաստան - Մետաքսի ճանապարհի սևծովյան միջանցք». hy.blackseasilkroad.com. Արխիվացված է օրիգինալից 2020 թ․ օգոստոսի 7-ին. Վերցված է 2016 թ․ դեկտեմբերի 7-ին.