Քուինսի Ֆաուս
Քուինսի Ֆաուս (անգլ.՝ Quincy Fouse, օգոստոսի 26, 1997, Ջեքսոնվիլ, Ֆլորիդա, ԱՄՆ), ամերիկացի դերասան, ռեփեր և հեղինակ-կատարող[1]։ Առավել հայտնի է «Վամպիրի օրագրերը» և «Առաջնածինները» հեռուստասերիալի սփին օֆում՝ «Ժառանգություն» հեռուստասերիալում կատարած Միլթոն Գրիզլիի դերով։ Դերակատարում է ունեցել նաև «Գոլդբերգները» սիթ–քոթմում (2016-2018) և «Լոգան» սուպերհերոսային ֆիլմում (2017)։
| Քուինսի Ֆաուս | |
|---|---|
| Ծննդյան թիվ՝ | օգոստոսի 26, 1997 (26 տարեկան) |
| Ծննդավայր՝ | Ջեքսոնվիլ, Ֆլորիդա, ԱՄՆ |
| Քաղաքացիություն՝ |  ԱՄՆ |
| Մասնագիտություն՝ | դերասան |
| IMDb։ | ID 7875835 |
Կենսագրություն խմբագրել
Ծնվել է 1997 թվականի օգոստոսի 26-ին Ֆլորիդա քաղաքում։ Տինիշա ԼաՇայե ՄաքՆիլ և Ռոբերտ Քլարկների առաջնեկն է։ Ունի կրտսեր եղբայր և քույր։
Կարիերա խմբագրել
Դերասանական կարիերան սկսել է 2016 թվականին՝ 19 տարեկան հասակում և դերակատարումը եղել է «Քեյ. Սի. Հետախույզ» հեռուստասերիալի մեկ էպիզոդում։ Հետո նկարահանվել է «Ամերիկյան ֆուտբոլ» հեռուստաֆիլմում և «Գոլդբերգները» սիթ-քոմում։
2017 թվականին նկարահանվել է «Լոգան» սուպերհերոսային ֆիլմում, որի ռեժիսորը եղել է Ջեյմս Մանգոլդը, իսկ Հյու Ջեքմանը՝ գլխավոր դերակատար։ 2018 թվականին էպիզոդիկ դեր է ստացել «Ամեն ինչ Վաշինգտոնի մասին» սիթ-քոմում, իսկ հետո ստացել է Միլթոն Գրիզլիի դերը՝ The CW հեռուստաալիքի «Ժառանգություն» հեռուստասերիալում՝ սկսած 2018 թվականի հոկտեմբերի 25-ից[2]։ 2018 թվականից սկսած՝ նկարահանումների համար ապրում է Ջորջիա նահանգի Ատլանտա քաղաքում։ 2018 թվականի հուլիսից՝ 2019 թվականի փետրվարն ընկած ժամանակահատվածում ապրել է Քայլի Բրայանտի հետ նույն բնակարանում։
Դերասանական կարիերայի հետ մեկտեղ նաև ռեփեր և երգերի հեղինակ է։ 2018 թվականին Soul Fro անվանումով թողարկել է Soulspace երգը։ 2019 թվականին թողարկել է Crush on You սինգլը՝ «Ժառանգություն» հեռուստասերիալի իր խաղընկերոջ՝ Քայլի Բրայանտի հետ։
Ֆիլմագրություն խմբագրել
Ֆիլմեր խմբագրել
| Տարի | Ֆիլմ | Դեր |
|---|---|---|
| 2016 | Ամերիկյան ֆուտբոլ | Էլդեն Փագ Թորքելսոն |
| 2017 | Լոգան | Նեյթ Մանսոն |
Հեռուստասերիալներ խմբագրել
| Տարի | Ֆիլմ | Դեր | Նշում |
|---|---|---|---|
| 2016 | Քեյ. Սի. Հետախույզ | Ջոշ Իքս | (2-րդ եթերաշրջանի 9-րդ սերիա) |
| 2016—2018 | Գոլդբերգներ | Թեյն Մանի | (13 սերիա) |
| 2017 | Կասկած | Հեյուարդ Թեյլոր | (1 եթերաշրջան 10-րդ էպիզոդ) |
| 2018 | Հարի Բոսխ | Մարտին Էլիաս | (4-րդ եթերաշրջանի 1 և 3 սերիա) |
| 2018 | Ամեն ինչ Վաշինգոտնի մասին | Մալիկ | (1 եթերաշրջանի 2-րդ, 5-րդ, 7-րդ, 8-րդ և 9-րդ սերիա) |
| 2018 — 2022 | Ժառանգություն | Միլտոն «ԷմՋի» Գրիզլի | (Գլխավոր դեր) |
Ծանոթագրություններ խմբագրել
- ↑ «Bio bei TVSerial.it». Արխիվացված է օրիգինալից 2020 թ․ սեպտեմբերի 27-ին. Վերցված է 2020 թ․ մարտի 2-ին.
- ↑ http://www.thefutoncritic.com/showatch/legacies/