Քեյ Այվի
Քեյ Այվի (անգլ.՝ Kay Ellen Ivey, հոկտեմբերի 15, 1944[1], Camden, Ալաբամա, ԱՄՆ), ամերիկացի քաղաքական գործիչ, Հանրապետական կուսակցության ներկայացուցիչ։ Ալաբամայի 54-րդ նահանգապետը (2017 թվականից)։
| Քեյ Այվի անգլ.՝ Kay Ivey | |
.jpg)
| |
| Կուսակցություն՝ | ԱՄՆ Հանրապետական կուսակցություն |
|---|---|
| Կրթություն՝ | Օբերնի համալսարան |
| Մասնագիտություն՝ | քաղաքական գործիչ և դպրոցի դասատու |
| Դավանանք | քրիստոնեություն |
| Ծննդյան օր | հոկտեմբերի 15, 1944[1] (79 տարեկան) |
| Ծննդավայր | Camden, Ալաբամա, ԱՄՆ |
| Քաղաքացիություն |  ԱՄՆ
|
| Ի ծնե անուն | անգլ.՝ Kay Ellen Ivey |
| Կայք՝ | governor.alabama.gov/governor/ |
| Ինքնագիր | 
|
Կենսագրություն խմբագրել
Ծնվել է 1944 թվականի հոկտեմբերի 15-ին Քեմդեն (Ալաբամա) փոքրիկ քաղաքում, որտեղ նրա պապը անասնապահական ֆերմա էր ունեցել։ 1962 թվականին առաջին անգամ ներգրավվել է քաղաքականության մեջ՝ նահանգի մակարդակով ներկայացնելով Ուիլքոքսի շրջանի միջնակարգ դպրոցը՝ լինելով Alabama Girls State-ի ղեկավարի տեղակալ։ Այնուհետև ներկայացրել է Ալաբաման Վաշինգտոնում, որտեղ ծանոթացել է սենատոր Մարգարեթ Չեյզ Սմիթին՝ ԱՄՆ-ի պատմության մեջ առաջին կնոջը, որը տարբեր ժամանակներում Կոնգրեսի երկու պալատներում է եղել։ Այվին ավարտել է Բերնսկի համալսարանը՝ հանդիսանալով «Ալֆա Գամմա Դելտա» ընկերության նախագահ ուսուցման ողջ ընթացքում, բոլոր չորս տարիները նույնպես ներառվել են համալսարանի ուսանողական ինքնակառավարման մեջ։ Ակտիվորեն մասնակցել է Լեռլին Ուոլեսի նախընտրական քարոզարշավին, որը 1967 թվականին դարձել Է Ալաբամայի առաջին կին նահանգապետը։ Նույն թվականին Այվին ամուսնացել է և մեկնել Կալիֆորնիա։ Ավելի ուշ վերադարձել է իր հայրենի նահանգ և սկսել է աշխատել Merchants National Bank-ում, որտեղ նա վերահսկում էր ֆինանսական կրթության ծրագրերը՝ դպրոցներում[2]։ 1979 թվականին նա թողեց այդ աշխատանքը և վերադարձավ քաղաքականություն։
2010 թվականին ընտրվել է Ալաբամայի փոխնահանգապետ, 2014 թվականին վերընտրվել է այդ պաշտոնում[3].
Ալաբամայի նահանգապետ խմբագրել
2017 թվականի ապրիլի 10-ին Ալաբամայի նահանգապետ Ռոբերտ Բենթլին, որի դեմ իմպիչմենտի ընթացակարգ էր սկսվել ֆինանսական խախտումների և օգնականի հետ կապի պատճառով, պաշտոնաթող Է եղել, և նույն օրը նահանգապետի պաշտոնը ստանձնել Է Քեյ Այվին[4][5][6]։
2018 թվականի նոյեմբերի 6-ին առաջին անգամ հաղթել է նահանգապետի ընտրություններում, որտեղ նրա մրցակիցն Է դեմոկրատների թեկնածու Տասկալուսայի քաղաքապետ Ուոլթեր Մեդոքսը։ Դիտորդների կարծիքով՝ այս հաջողության մեջ զգալի դեր են խաղացել Ալաբամայում գործազրկության ցածր ցուցանիշները[7]։
2019 թվականի մայիսի 15-ին ստորագրել է նահանգի օրենքը՝ «մարդկային կյանքի պաշտպանության մասին ակտը», որը 1973 թվականից ի վեր ներառում է ԱՄՆ-ում աբորտների նկատմամբ ամենախիստ սահմանափակումները։ Ակտն աբորտ է թույլ տալիս բացառապես այն դեպքում, եթե հղիությունը մահացու վտանգ է ներկայացնում կնոջ համար, բացառություններ չի անում բռնաբարության և արյունապղծության զոհերի համար։ Ըստ օրենքի 99 տարվա ազատազրկում է սպասվում այն բժշկին, ով առանց թույլտվության աբորտ կիրականացնի[8]։
Ծանոթագրություններ խմբագրել
- ↑ 1,0 1,1 GeneaStar
- ↑ Kelsey Stein (2017 թ․ ապրիլի 11). «Who is Kay Ivey? First in line to replace Gov. Bentley has 'varied career' in politics, banking» (անգլերեն). al.com. Վերցված է 2017 թ․ ապրիլի 13-ին.
- ↑ Julie Turkewitz (2017 թ․ ապրիլի 10). «Who Is Kay Ivey? Facts About Alabama's New Governor» (անգլերեն). The New York Times. Վերցված է 2017 թ․ ապրիլի 13-ին.
- ↑ Eugene Scott (2017 թ․ ապրիլի 11). «Kay Ivey takes Alabama governor's seat after Bentley scandal» (անգլերեն). CNN Politics. Վերցված է 2017 թ․ ապրիլի 13-ին.
- ↑ Amber Phillips (2017 թ․ փետրվարի 9). «Meet Luther Strange, the man replacing Jeff Sessions in the Senate» (անգլերեն). The Washington Post. Վերցված է 2017 թ․ դեկտեմբերի 11-ին.
- ↑ «Governor Ivey Moves US Senate Special Election to Adhere with State Law» (անգլերեն). Office of the Governor of Alabama. 2017 թ․ ապրիլի 18. Վերցված է 2017 թ․ դեկտեմբերի 11-ին.
- ↑ Brian Lyman (2018 թ․ նոյեմբերի 6). «Voters make it official: Kay Ivey is governor» (անգլերեն). Montgomery Advertiser. Վերցված է 2018 թ․ նոյեմբերի 9-ին.
- ↑ Kate Smith (2019 թ․ մայիսի 15). «Alabama governor signs near-total abortion ban» (անգլերեն). CBS News. Վերցված է 2019 թ․ մայիսի 16-ին.
 | Վիքիպահեստն ունի նյութեր, որոնք վերաբերում են «Քեյ Այվի» հոդվածին։ |