Վիքիպեդիա:Գնահատում/Պահոց/2019

↑	Խնդրում ենք նոր թեմաները ավելացնել վերևից։ Ավելացնել…

Արտաշեսյանների թագավորություն խմբագրել

Գնահատումն անցել է դրական: 26.09.2019-ից դրվում է քվեարկության:--Սիգմա (քննարկում) 12:37, 25 Սեպտեմբերի 2019 (UTC)[reply]

Հետևյալ քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

Գնահատման ժամկետները	Օգոստոսի 24, 2019 - Սեպտեմբերի 23, 2019

Ողջույն հարգելի վիքիհամայնք։ Գնահատման եմ ներկայացնում Արտաշեսյանների թագավորության մասին պատմող գրածս հոդվածը, որը գրել եմ օգտվելով մի շարք պատմական աղբյուրներից։ Հոդվածի մի մասը գրվել է 2019 թվականի ամառային վիքիճամբարի ընթացքում։ Գնահատման փուլից հետո այն հավակնում է դառնալ ընտրյալ հոդված։ Անհամբեր սպասում եմ փաստարկված քննադատությունների։ Կանխավ շնորհակալություն։ --Nooberella^💬 11:52, 24 Օգոստոսի 2019 (UTC)[reply]

Nooberella ջան, խնդրում եմ, մի անգամ էլ անցիր հոդվածի վրայով՝ շատ տառասխալներ կան (օր.՝ նտոնիոսին, նշում համար 6 և այլն)։--TonJ (քննարկում) 12:32, 24 Օգոստոսի 2019 (UTC)[reply]

Այսօրվա մեջ ամբողջովին տառասխալները կուղղեմ TonJ ջան:--Nooberella^💬 12:42, 24 Օգոստոսի 2019 (UTC)[reply]

ՀԳ․

Արված է--Nooberella^💬 17:10, 24 Օգոստոսի 2019 (UTC)[reply]

Nooberella ջան, հոդվածը իմ կարծիքով հնարավորինս կատարյալ է, որի համար մեծ շնորհակալություն եմ հայտնում: Կցանկանայի ուշադրություն դարձել «Այսօր մաս է կազմում» բաժնին, որում տեղեկությունը շատ քիչ է, և հավաստի աղբյուր գտնելու դեպքում խնդրում եմ բարելավել այդ բաժինը: Եվս մեկ անգամ շնորհակալություն եմ հայտնում:--Գևորգ^💬 19:59, 24 Օգոստոսի 2019 (UTC)[reply]

Այդ ենթավերնագիրը գրելիս քարտեզից եմ օգտվել Գև ջան։ Վաղը կտեղադրեմ հոդվածում, իսկ եթե կարողանամ աղբյուր գտնել դա էլ կնշեմ։ Շնորհակալ եմ լավ խոսքերի համար։ --Nooberella^💬 20:06, 24 Օգոստոսի 2019 (UTC)[reply]

Անկեղծ ասած՝ հոդվածը դեռևս ամբողջովին աչքի չեմ անցկացրել, սակայն մի բան նկատեցի․ «Մ․թ․ա․»-ի փոխարեն «Ք․ա» է նշված։ Խնդրում եմ դրանք ուղղել։ Մնացած դիտարկումներս կանեմ կարդալուց հետո ։) --ջեօ (✡) 20:49, 24 Օգոստոսի 2019 (UTC)[reply]

ջեօ ջան ամբողջովին փոխարինված է։ Շնորհակալություն։ --Nooberella^💬 03:52, 25 Օգոստոսի 2019 (UTC)[reply]

@Nooberella ջան, շնորհակալություն դիտարկումս հաշվի առնելու և հոդվածում փոփոխություններ մտցնելու համար։ Հաջորդ հարցս վերաբերում է ներքին հղումներին․ անզեն աչքով էլ երևում է, որ հոդվածում առհասարակ «կարմիր հղումներ» չկան։ Ինչո՞վ է պայմանավորված դրանց բացակայությունը։ --ջեօ (✡) 10:32, 25 Օգոստոսի 2019 (UTC)[reply]

Իրականում հոդվածում կան կարմիր հղումներ @GeoO ջան, ուղղակի քիչ են, տես օրինակ «Գիր և գրականություն» բաժինը կամ «Կրոն» բաժինը։ Հոդվածի մեջ կարմիր հղումների քչությունը հիմնականում բացատրվում է նրանով, որ թեման լավ է ներկայացված Հայերեն Վիքիպեդիայում, սակայն չեմ հերքում, որ ցանկույան դեպքում կարելի է ավելացնել նաև մի շարք այլ կարմիր հղումներ, որը այսօրվա ընթացքում կանեմ։--Nooberella^💬 10:42, 25 Օգոստոսի 2019 (UTC)[reply]

@Nooberella ջան, շնորհակալ եմ շատ։ Իսկ Հայ ժողովրդի ամբողջական դիցապաշտական հին դիցարանի ցանկում Այլ անվանումների կարիք կա՞, առավել ևս, որ դրանց կեսը հայերեն է, մյուս կեսը՝ անգլերեն։ --ջեօ (✡) 10:57, 25 Օգոստոսի 2019 (UTC)[reply]

@GeoO ջան կարող ենք այդ մասում ներկայացնել թե հայկական այդ աստվածների համարժեքները որոնք են օրինակ հունական կամ պարսկական դիցարանում։ Հո դեմ չե՞ք։ :) --Nooberella^💬 11:05, 25 Օգոստոսի 2019 (UTC)[reply]

Շնորհակալություն եմ հայտնում -Nooberella մասնակցին՝ մեծ աշխատանքի և ջանասիրության համար։ Առանձնացնեմ դիտարկումներս՝ առանց բովանդակությանն անդրադառնալու (դեռ չեմ կարդացել):

Այսպիսի ընդհանրական հոդվածները պետք է լինեն մաքսիմալ օպտիմալացված և ընդհանրական՝ առանց խիստ մանրամասնությունների։ Պատմությունից բացի, բոլոր բաժինները բավականին կոմպակտ են և ծավալային առումով հասանելի են շարադրված։ Կարծում եմ օպտիմալացման խնդիր կա ներածությունում, ինչպես նաև պատմություն բաժնում․ մասնավորապես՝ չափազանց շատ է անդրադաձը Տիգրան Բ Մեծի և նրա որդիների գործունեությանը։ Ինձ թվում է, որ այդ բաժինները պետք է համապատասխան չափով (նաև ենթավերնագրերի քանակական առումով) կրճատվեն, քանի որ խիստ մանրամասներ են պարունակում։ Նաև մանրամասն է շարադրված հայ-հռոմեական պատերազմը, որը ըստ իս չպետք է գերազանցի առնվազն երկու-երեք պարբերությունը։ Մնացածը՝ հաջորդիվ։ --Օmıcrօn 22:04, 24 Օգոստոսի 2019 (UTC)[reply]

Օmıcrօn ջան, և՛ ներածությունը, և՛ հոդվածը հնարավորինս օպտիմալացրել եմ, ճիշտ է, չկարողացա հայ-հռոմեական պատերազմը երկու-երեք պարբերությամբ ներկայացնեմ, բայց երկրորդական դեպքերը հեռացրել եմ։ Շնորհակալ եմ թերությունները մատնանշելու համար։ --Nooberella^💬 06:44, 25 Օգոստոսի 2019 (UTC)[reply]

Nooberella ջան, շնորհակալություն ամենավերևում ասածս շտկելու համար: Խնդրում եմ ինձ չքարկոծեք, բայց ես կարծում եմ, որ հոդվածի հանրագիտարանային և չեզոք տեսակետը խախտված է, որի պատճառով ես քվեարկության ժամանակ կա՛մ դեմ եմ լինելու, կա՛մ չեմ մասնակցելու: Մի պահ հանդիպեցի «Հռոմը սկսեց իր հայացքը ուղղել նորից դեպի...», իրո՞ք, իրոք ուղղեց: Սա հանրագիտարանային ոճ չէ, սա դասագիրք է հիշեցնում, որտեղ, ինքդ էլ գիտես, չեզոք տեսակետի մասին երազել անգամ անհնար է: Հոդվածը լիքն է նման, արի ասենք, «վեհաշուք բառերով»: Մյուսը, որ նկատել եմ. խնդրում եմ, հոդվածում բայերը գրել վաղակատար ժամանակաձևով, այլ ոչ անցյալ կատարյալով (նորից, սա հանրագիտարան է): Շնորհակալություն:--TonJ (քննարկում) 15:26, 4 Սեպտեմբերի 2019 (UTC)[reply]

TonJ ջան, շնորհակալ եմ կարծիքի համար, սակայն կարծում եմ, որ քո նշած օրինակում հանրագիտարանային բովանդակությունից շեղում չկա, կցանկանամ այդ թեմայով լսել նաև այլ մասնակիցների կարծիքներ: Հնարավոր է ես սխալվում եմ, բայց մենք կարող ենք գոնե մի փոքր չափով գեղարվեստական տարր մտցնել հոդվածի մեջ և ոչ թե «չոր ու ցամաք» գրել «Հռոմը արշավեց Արևելք», այլ գրել «Հռոմը սկսեց իր հայացքը ուղղել նորից դեպի...»: Մյուս մասով արդեն ուշադիր կլինեմ հետագա խմբագրումների ժամանակ խորհուրդդ օգտագործելու համար: Շնորհակալություն:--Nooberella^💬 18:34, 4 Սեպտեմբերի 2019 (UTC)[reply]

Ես, այնուամենայիվ, չեզոքության խնդիր եմ տեսնում, բայց քանի որ պատմությունից գլուխ չեմ հանում, ես էլ կուզենամ լսել ուրիշներին :)--TonJ (քննարկում) 17:04, 5 Սեպտեմբերի 2019 (UTC)[reply]

Այս քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

Գեորգ Կանտոր խմբագրել

Հոդվածը գնահատման փուլում անարձագանք է. քվեարկության փուլ չի անցնում:--Սիգմա (քննարկում) 13:46, 18 Սեպտեմբերի 2019 (UTC)[reply]

։'( --ԱշոտՏՆՂ (քննարկում) 16:49, 18 Սեպտեմբերի 2019 (UTC)[reply]

Հետևյալ քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

Գնահատման ժամկետները	Օգոստոսի 17, 2019 - Սեպտեմբեր 16, 2019

Գնահատման եմ ներկայացնում ամենամաթեմատիկոսներից մեկի մասին հոդվածը։ Հոդվածը դեռ 2012 թվականին ստեղծել է WikiTatik մասնակիցը։ Վերջերս այն բարելավել եմ՝ թարգմանելով Անգլերեն Վիքիպեդիայի համանուն հոդվածից։ Հոդվածը անգլերենում ընտրյալ է և կարծում եմ, որ մեզ մոտ էլ կարգավիճակ ստանալու իրավունք ունի՝ հաշվի առնելով այն, որ Կանտորի կենսագրության մասին բավական քիչ տեղեկություններ են պահպանվել և հոդվածը բավական ամբողջական է։ --ԱշոտՏՆՂ (քննարկում) 11:17, 17 Օգոստոսի 2019 (UTC)[reply]

Այս քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

Արտավազդ Բ խմբագրել

Ներկայացվում է քվեարկության:--Օmıcrօn 21:00, 8

Հետևյալ քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

Գնահատման ժամկետները	Օգոստոսի 8, 2019 - Սեպտեմբերի 8, 2019

Գնահատման եմ ներկայացնում հայոց մեծագույն արքաներից Արտավազդ Բ-ի մասին պատմող հոդվածը (հավակնում է դառնալ լավ հոդված): Կարծում եմ Արտավազդ Բ-ն արժանի է hy.wiki-ում ունենալ արժանավայել հոդված դրա համար շատ կցանկանայի լսել այլոց կարծիքները։ Շնորհակալություն--Օmıcrօn 08:42, 9 Օգոստոսի 2019 (UTC)[reply]

Սամվել ջան, քո արձագանքը կցանկանամ լսել։ Ժամանակ ունենալու պարագայում կխնդրեմ անդրադառնալ։ Շնորհակալություն!--Օmıcrօn 06:39, 10 Օգոստոսի 2019 (UTC)[reply]

Նորայր ջան, շնորհակալություն իհարկե ինձ վստահելու համար, սակայն ես պատմաբան չեմ և խորը դատել չեմ կարող, այնուամենայնիվ ունեմ որոշ նկատառումներ.

Նախևառաջ-հոդվածը իմ կարծիքով ավելի շատ նման է դասագրքային պատմվածքի, քան հանրագիտարանային հոդվածի: Անչափ շատ են ավելորդ հուզական մակդիրները, որոնք հանրագիտարանային չեն, օրինակ` «անփառունակ մահվան դատապարտվում հենց ինքը՝ Հռոմի եռապետը», ինչի անփառունակ? ճակատամարտում զոհվելը անփառունակ է?:
Երկրորդը և ամենակարևորը-աղբյուրների բացակայությունը կամ եղածների վստահելի լինելու ոչ միանշանակ լինելը: Քանի որ խոսվում է 2000-ից ավելի տարի առաջ եղած դեպքերի մասին ըստ իս պետք է օգտագործել միայն ստույգ պատմական տվյալներ, սակայն հոդվածում կան այնպիսի մանրամասնություններ, որոնց հավատալս չի գալիս, ստուգել էլ չեմ կարող, քանի որ աղբյուր չեմ գտնում: Օրինակ` «Որոդես Բ-ն Արտավազդի այս որոշումն ընդունում է մեծ ոգևորությամբ»: Որտեղից են մեզ հասել տվյալներ, որ մեծ ոգևորությամբ է ընդունել, կամ օրինակ` «Արտավազդը շատ լավ գիտակցում էր, որ եթե չներկայանա Անտոնիոսին, վերջինս պատերազմ կսկի և սրի կմատնի հայերին։»
Հոդվածում օգտագործված են աղբյուրներ, որոնց ստուգելիությունը ինձ համար խնդիր է, օրինակ ««Տիգրան Մեծ․ գահակալության 2100 ամյակ» միջազգային գիտաժողով, զեկուցումների հիմնադրույթներ, Աշտարակ, 2005», սա ինչ է գիրք, գիտական հոդված, պարզ չէ, ինչպես կարող եմ այն կարդալ նորից պարզ չէ: Կամ orum.armedu.am ինչպես կարող է համարվել վստահելի աղբյուր?--Սամվել^{քննարկում} 12:25, 13 Օգոստոսի 2019 (UTC)[reply]

Շնորհակալություն նկատառումների համար, Սամվել ջան։

Ա) Առաջին կետի կապակցությամբ այդքան էլ համաձայն չեմ, քանզի հոդվածը գրելիս փորձել եմ ձեր մնալ մակդիրների կիրառությունից, իսկ որոշ ածականներ պարզապես ներկայացնում են օբյեկտիվ իրականությունը։ Անտոնիոսի մահվան գնահատականը տվել է պատմությունը․ վերջինս Ակտիումում կորցրել է իր բանակը, ապա՝ ինքնասպան եղել։ Սա իրապես անփառունակ մահ է, հաշվի առնելով այն հանգամանքը, որ զորավարի համար փառքով նահատակվել նշանակում է «մահանալ սուրը ձեռքին»։ Սա պատմագիտական տեսանկյունից։

Բ) Մակդիրներ կարծես թե չեմ նկատում։ Եթե դժվար չէ, կխնդրեի մատնանշել։

Հոդվածում նշվել են այն աղբյուրները, որոնցից օգտվել եմ (հնարավորինս զերծ եմ մնացել արհեստականորեն աղբյուրներ ավելացնելուց): Նշածդ հատվածների աղբյուրը ևս եղել է ծանոթագրութունների ցանկում․ տե՛ս այստեղ:
Որքանով որ գիտեմ առանց հղում գրքեր ևս կարող ենք օգտագործել որպես աղբյուր :)--Օmıcrօn 23:06, 13 Օգոստոսի 2019 (UTC)[reply]

Նորայր ջան, կարելի է առանց հղում գրքեր, սակայն այդ դեպքում կխնդրեմ լրացնես {{գիրք}} կաղապարը` հստակ նշելով հեղինակներին և էջերը, որտեղ զետեղված է տվյալ տեղեկատվությունը: Կրասոսի ինքնասպան լինելու վերաբերյալ առաջին անգամ եմ լսում, բացի այդ թշնամու ձեռքը չընկնելու համար ինքնասպան լինելը երևի թե անփառունակ չի, ինչևէ կխնդրեի բերել որևէ աղբյուր, որով նշված է, որ Կրասոսը «անփառունակ» ինքնասպան է եղել: Աղբյուրների մասով ինձ համար հեղինակավոր են տվյալ ժամանակի պատմագիրների գրվածքները, մնացածը պետք է լինեն դրանց վերարտադրությունը կամ ինչ-որ մեկի ենթադրությունները, քանզի նորից եմ կրկնում անցել է 2000-ից ավել տարի և այդպիսի մանրամասնորեն իմանալ իրականում ինչ է կատարվել հնարավոր չէ, բացի այդ պարսիկ պատմիչը կարող է դեպքերը այլ կերպ նկարագրել հայը` այլ:--Սամվել^{քննարկում} 05:17, 14 Օգոստոսի 2019 (UTC)[reply]

Կներես, Սամվել ջան։ Պարզապես մենք տարբեր անձանց մասին ենք խոսում (կոնկրետ ես Անտոնիոսին նկատի ունեի)․ Կրասոսի պարագայում «անփառունակ» մահվան հանգամանքը իրապես կարելի է պնդել, հաշվի առնելով, որ նա գլխատվել է, իսկ կոկորդի մեջ հալեցված ոսկի է լցվել։ Աղբյուրների մասին՝ մենք հոդվածում գրում ենք այն, ինչն ընդունված է մերօրյա պատմագիտության մեջ։ Ինչքանով տեղյակ եմ՝ Վիքիպեդիան հետազոտական հարթակ չէ և մենք պարտավոր չենք վերծանել պատմական իրողությունները։ Համենայն դեպս հոդվածում շարադրված է այն, ինչը հասանելի է մեզ և ընդունված է ճիշտ համարել։--Օmıcrօn 21:44, 14 Օգոստոսի 2019 (UTC)[reply]

Նորայր ջան, ինքդ ես որոշել, որ այդ մահը «անփառունակ» է, թե՞ կա ինչ որ մասնագիտական կարծիք, որ այս մահերը հերոսական են, սրանք անփառունակ: Աղբյուրների մասով չհասկացա ինչ է նշանակում ընդունված է, ում կողմից է ընդունված: Ես չեմ ասում վերծանենք, ես ասում եմ գրենք ճիշտը, ամեն տեղեկություն չպետք է համարել ճիշտը:--Սամվել^{քննարկում} 05:12, 15 Օգոստոսի 2019 (UTC)[reply]

Սամվել ջան, forum.armedu.am-ը ՀՀ ԿԳՆ-ի ենթակայության տակ գտնվող Կրթական տեխնոլոգիաների ազգային կենտրոնի պաշտոնական կայքն է, ինչպե՞ս կարող է հեղինակավոր աղբյուր չլինել։ Կրասոսի «անփառունակ» մահվան կապակցությամբ կասեմ հետևյալը․ եթե կան փաստեր՝ դրանց շրջանակներում կարելի է տալ ընդհանրական բնորոշումներ։ Հռոմեացու համար հանրապետական շրջանում գլխատումը և անարգումը (նրա գլուխը նետվում է թագավորների առջև) հիրավի անփառունակ պահ է։ Բացի այդ, կարծես թե միևնույն կերպ է Կրասոսի մահը բնութագրել նաև Պլուտարքոսը։ Տե՛ս Խառանի ճակատամարտ հոդվածը։--Օmıcrօn 10:07, 16 Օգոստոսի 2019 (UTC)[reply]

Փորձեցի մուտք գործել forum.armedu.am կայքը, գրեց «Կայքը կվերագործարկվի ուսումնական տարվա սկզբին», այսինքն տեղեկությունը ստուգելու համար պետք է սպասենք ուսումնական տարվա սկբին, անփառունակի մասով Պլատոնի մեջբերման հետ կապված սպասում եմ հղմանը համապատասխան աշխատության համապատասխան էջին:--Սամվել^{քննարկում} 10:42, 16 Օգոստոսի 2019 (UTC)[reply]

Կայքն աշխատում է, իսկ Պլատոնից ես չեմ օգտվել։--Օmıcrօn 12:30, 16 Օգոստոսի 2019 (UTC)[reply]

Կներես, Պլուտարքոսին ի նկատի ունեի:--Սամվել^{քննարկում} 13:42, 16 Օգոստոսի 2019 (UTC)[reply]

Ես կարող է շփոթվում եմ, որևէ մեկին կխնդրեմ հավաքել https://forum.armedu.am, բերում է «Կայքը կվերագործարկվի ուսումնական տարվա սկզբին», սա էլ մեր հեղինակավոր աղբյուրը։--Սամվել^{քննարկում} 17:02, 16 Օգոստոսի 2019 (UTC)[reply]

Նույն բանն էլ ինձ մոտ է: Բացի այդ, այո՛, կայքը ԿԳՍՄ նախարարության ենթակայության տակ է, սակայն չի կարող լինել հեղինակավոր, քանի որ նախ ֆորում է, երկրորդ մշտական հասանելիություն չունի, բացի այդ, ֆորումում ո՛վ ի՛նչ ուզի, կգրի, դա մեզ համար հիմք չի կարող լինել: Միանշանակ կողմ եմ աղբյուրը հեռացնելուն կամ բնօրինակին դիմելուն:--Սիգմա (քննարկում) 17:13, 16 Օգոստոսի 2019 (UTC)[reply]

Արված է--Օmıcrօn 19:22, 2 Սեպտեմբերի 2019 (UTC)[reply]

Այս քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

Բոսնիա և Հերցեգովինա խմբագրել

Գնահատումն անցավ: Ներկայացվում է քվեարկության որպես լավ հոդված:--Սիգմա (քննարկում) 19:31, 8 Սեպտեմբերի 2019 (UTC)[reply]

Հետևյալ քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

Գնահատման ժամկետները	Օգոստոսի 8, 2019 — սեպտեմբերի 7, 2019

Ողջույն: Գնահատման եմ ներկայացնում իմ կողմից ամբողջապես ձևափոխված հոդվածը (թարգմանված է ռուսերեն, անգլերեն և որոշ հատված վերցված են բոսնիերեն տարբերակից): Կարծում եմ, որ հոդվածը գնահատումից հետո կարող է հավակնել լավ հոդվածի կարգավիճակին: --Գևորգ^💬 16:15, 6 Օգոստոսի 2019 (UTC)[reply]

Շնորհակալություն -Գևորգին, ահռելի աշխատանք է կատարված, սակայն իմ կարծիքով դեռ շատ աշխատանք կա լավ կարգավիճակ ստանալու համար, հերթով նշեմ նկատածքս թերությունները.

ամենաառաջին, չեմ հասկանում ինչի պետք է գրել երկրի անվանումը թուրքերեն, ոչ Թուրքիայի մաս է կազմում, ոչ էլ թուրքերենը պետական լեզու է,
դարերը որոշ տեղերում հռոմեական են որոշ տեղերում արաբական, պետք է բերել բոլորը արաբական տեսքի, օրինակ 1-ին դար, ոչ թե I դար,
ներածական մասը կիսատ է, շեշտը դրված է միայն պատմության վրա, չկա խոսք երկրի կառուցվածքի, տնտեսության, մշակույթի, արտաքին հարաբերությունների մասին, կարելի է մեկ երկու նախադասությամբ անդրադառնալ:
ծագումնաբանություն հատվածում չի խոսվում ծագումնաբանության մասին, չկա խոսք ինչ է նշանակում Բոսնիա կամ Հերցեգովինա,
կան բազմաթիվ պնդումներ, որոնք չունեն հղումներ աղբյուրներին, օրինակ` «Բոսնիա և Հերցեգովինայի համայնքի մի մասը հույս ուներ Ավստրո-Հունգարիայի տիրապետության տակից ազատմանը և Սերբիայի գլխավորությամբ նոր հանրապետության ստեղծմանը։», պարզ է որ ռուսերենից է թարգմանվել, այնտեղ աղբյուրներ չկան, սակայն ըստ մեր կանոնների ցանկացած պնդում պետք է լինի ստուգելի: Ես բոլոր այդպիսի պնդումների վրա կդնեմ {{փաստ}} կաղապարը, որպեսզի այստեղ հերթով չնշեմ,
որոշ պնդումներ անգամ ռուսերենում չկան, չկան նաև աղբյուրները, կխնդրեի հեղինակին մատնանշել աղբյուրները և համեմատական թվերի մեծ նշել ինչի համեմատ, օրինակ` «1998 թվականին երկրի ՀՆԱ-ն նվազել է ավելի քան 75% -ով», ռուսերենում նման բան չտեսա, բացի այդ անհրաժեշտ է նշել ինչի համեմատ: Նաև օրինակ` «Երկրորդ համաշխարհային պատերազմից ի վեր երկրում գործազրկության մակարդակը ամենաբարձրն է:» ամենաբարձրն է աշխարհում, Եվրոպայում, թե՞ բալկանյան թերակղզում:
Առայժմ այսքանը, հաճելի խմբագրումներ:--Սամվել^{քննարկում} 09:58, 7 Օգոստոսի 2019 (UTC)[reply]

Սամվել ջան, շնորհակալ եմ արձագանքի համար: Ներածությունը համարյա ամբողջությամբ փոխեցի, ծագումնաբանությում նոր տեղեկություններ ավելացրեցի և ևս մի քանի մանր մունր բաներ: Ինչ կապված է {{փաստ}} կաղապարի հետ, հոդվածում ես որևէ տեղ չնկատեցի այդ կաղապարից: Եթե որևէ սխալներ կամ ուրիշ բաներ գտնեք, կխնդրեմ ինձ տեղեկացնել, որպեսզի հոդվածը կարողանամ հնարավորինս կատարյալ սարքեմ: Շնորհակալություն: --Գևորգ^💬 11:31, 7 Օգոստոսի 2019 (UTC)[reply]

Գևորգ ջան, որոշ շտկումներ կատարեցի, մի երկու տեղ դրեցի կաղապարը, ժամանակի ընթացքում էլի թերություններ տեսնեմ կնշեմ: Մի կարևոր նկատառում ևս, հոդվածում որոշ ներքին հղումներ կարևոր աշխարհագրական օբյեկտներին, նշանավոր անձանց և իրադարձություններին բացակայում են, կխնդրեի ավելացնես` հաշվի չառնելով որ դրանք կարմիր հղումներ կլինեն, քանզի կարմիր հղումները նույնպես Վիքիպեդիայի կարևոր մասն են:--Սամվել^{քննարկում} 05:58, 8 Օգոստոսի 2019 (UTC)[reply]

Արված է--Գևորգ^💬 20:18, 9 Օգոստոսի 2019 (UTC)[reply]

Գևորգ ջան, շնորհակալ եմ այսպիսի կարևոր թեման լավ զարգացնելու համար։ Մի բան եմ ուզում խնդրել։ Եթե ազատ ժամանակ ունենաս խնդրում եմ առանձին ենթավերնագրի տակ կարճ անդրադարձիր հենց Բոսնիական պատերազմին, քանի որ պատերազմի արդյունքում կնքված պայմանագրի մասին հոդված չունենք Վիքիում և ընթերցողը ցանկության դեպքում տեղեկություն չի գտնի Դեթրոյթյան պայմանագրի վերաբերյալ: Մաղթում եմ հաճելի խմբագրումներ ։) --Nooberella^💬 05:40, 27 Օգոստոսի 2019 (UTC)[reply]

Nooberella ջան, շնորհակալ եմ արձագանքի համար: Մոտակա ժամանակներս կավելացնեմ այդ ենթավերնագիրը և հնարավորության դեպքում կստեղծեմ պայմանագրի մասին հոդվածը: --Գևորգ^💬 06:52, 27 Օգոստոսի 2019 (UTC)[reply]

Շնորհակալ եմ Գևորգ ջան։ --Nooberella^💬 06:56, 27 Օգոստոսի 2019 (UTC)[reply]

Գևորգ ջան, արդյո՞ք կատարել ես Nooberella մասնակցի խնդրանքը, և բավարարվա՞ծ է արդյոք վերջնարդյունքից Nooberella մասնակիցը: Հարցնում եմ, որովհետև գնահատումը մոտենում է ավարտին:--Սիգմա (քննարկում) 12:15, 6 Սեպտեմբերի 2019 (UTC)[reply]

Այո, հոդվածը իմ հսկացանկում է և ես հետևել եմ կատարված փոփոխություններին։ Ամբողջովին բարարված եմ։ Շնորհակալ եմ Գևորգ ջան։ --Nooberella^💬 12:24, 6 Սեպտեմբերի 2019 (UTC)[reply]

Այս քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

Գևորգ ջան, մի դիտարկում. այս գնահատման սկզբում գրել ես, որ հոդվածը «թարգմանված է ռուսերեն, անգլերեն և որոշ հատված վերցված են բոսնիերեն տարբերակից», սակայն հոդվածի քննարկման էջում տեսնում ենք միայն մեկ ԹՀ կաղապար, խնդրում եմ շտկել:--Սիգմա (քննարկում) 19:47, 8 Սեպտեմբերի 2019 (UTC)[reply]

Սիգմա ջան,

Արված է:--Գևորգ^💬 19:50, 8 Սեպտեմբերի 2019 (UTC)[reply]

Քսավյե Դոլան խմբագրել

Գնահատումը համարվում է անցած:--Սիգմա (քննարկում) 21:57, 5 Օգոստոսի 2019 (UTC)[reply]

Հետևյալ քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

Գնահատման ժամկետները	Հուլիսի 6, 2019 — օգոստոսի 5, 2019

Ողջույն: Գնահատման եմ ներկայացնում իմ կողմից ամբողջապես ձևափոխված հոդվածը (թարգմանված է անգլերեն և մասամբ ֆրանսերեն տարբերակից): Կարծում եմ, որ հոդվածը գնահատումից հետո կարող է հավակնել լավ հոդվածի կարգավիճակին: --Արամ Հարությունյան (քննարկում) 21:47, 5 Հուլիսի 2019 (UTC)[reply]

անձնական կյանք թեմայով էլ նյութեր ավելացրեք, եթե այլ լեզուներով վիքիում չկա, ապա ուրեմն այլ տեղից փորձեք գտնել: --ERJANIK (քննարկում) 07:07, 8 Հուլիսի 2019 (UTC)[reply]

Արված է --Արամ Հարությունյան (քննարկում) 10:25, 8 Հուլիսի 2019 (UTC)[reply]

@Арутюнян, Арам Суренович, ցանկալի կլիներ գոնե ֆիլմերի մասին հոդվածները լինեին, որովհետև կարմիր հղումները կարծես մի փոքր շատ են:--Սիգմա (քննարկում) 16:49, 9 Հուլիսի 2019 (UTC)[reply]

Հարգելի @Sigma'am, կարծում եմ ռեժիսորի գործունեության լուսաբանման իմաստով ֆիլմերին վերաբերող տեղեկատվությունը հոդվածում անհրաժեշտ և միանգամայն բավարար չափով ներկայացված է: Որքանով տեղյակ եմ՝ կարմիր հղումների քանակի վրա որևէ սահմանափակում դրված չէ: Ժամանակի ընթացքում կփորձեմ գրել նաև ֆիլմերի մասին հոդվածները: --Արամ Հարությունյան (քննարկում) 17:48, 9 Հուլիսի 2019 (UTC)[reply]

Այս քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

Բեսլանի ահաբեկչական հարձակում խմբագրել

Գնահատումն ավարտված է. ներկայացվում է քվեարկության:--Սիգմա (քննարկում) 06:34, 3 Օգոստոսի 2019 (UTC)[reply]

Հետևյալ քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

Գնահատման ժամկետները	Հուլիսի 3, 2019- օգոստոսի 2, 2019

Ողջույն, հարգելի համայնք։ Երկար մտորումներից հետո որոշել եմ գնահատման ներկայացնել Բեսլանի ահաբեկչական հարձակում հոդվածը։ Այս հոդվածի վրա դեռ 2017 թվականին ծախսել եմ ավելի քան մեկ տարի։ Միշտ այն համոզմանն եմ եղել, որ հոդվածի կարգավիճակ ունենալը ոչինչ չի նշանակում, սակայն որոշեցի այս անգամ դեմ գնալ իմ մոտեցումներին և գնահատման, իսկ հետագայում արդեն, ընտրյալ հոդվածի կարգավիճակ ստանալու հայտ ներկայացնեմ։ Հուսամ հոդվածը կհետաքրքրի շատ մասնակիցների և իրենց դիտարկումները կանեն ստորև։ Շնորհակալություն։--Armen (քննարկում) 20:18, 2 Հուլիսի 2019 (UTC)[reply]

Armen ջան, շնորհակալություն նման մեծ ծավալով և կարևոր թեմայով հոդված գրելու համար: Ես գիտեմ, այն հեշտ չի եղել: Մի հարց ունեմ. առաջին ծանոթագրությունով ուզեցի ստուգեմ՝ «Երկուսուկես օրվա ընթացքում ահաբեկիչները պատանդ են վերցրել 1128 մարդու, որոնք պահվել են դպրոցի ականապատ շենքում» միտքը, սակայն աղբյուրը իմ մոտ չբացեց: Իսկ անգլերենում գտա նմանատիպ (բայց ոչ նույնը) միտք՝ «...Երկուսուկես օրվա ընթացքում ահաբեկիչները պատանդ են վերցրել 1128 մարդու, որոնք պահվել են դպրոցի ականապատ շենքում» «...lasted three days, involved the illegal imprisonment of over 1,100 people as hostages (including 777 children),»՝ աղբյուրով, որն իմ մոտ բացվել էր: Խնդրում եմ ստուգես՝ արդյոք ռուսերեն աղբյուրի իմ մոտ չբացելը իմ համակարգչից/բրաուզերից/ինտերնետից է գալիս, թե քեզ մոտ էլ է տենց: Եթե այո, ապա տվյալները պետք է փոխել և միտքը վերաշարադրել կամ գտնել նոր/վստահելի աղբյուր: Դարձյալ շնորհակալ եմ հոդվածի համար:--տօնջ^½ 10:37, 8 Հուլիսի 2019 (UTC)[reply]

TonJ ջան, շնորհակալ եմ կարծիք արտահայտելու համար։ Ես էլ ստուգեցի ու տեսա, որ այդ հղումը չի աշխատում, ավելին կան նմանատիպ այլ արխիվացված հղումներ ևս, որոնք չեն աշխատում։ Առաջիկա օրերին հերթով կուղղեմ այդ հղումները։ Ճիշտն ասած չհասկացա տարբերությունը քո և իմ գրածների միջև, բայց ենթադրում եմ, որ ի նկատի ունես, որ երկուսուկես օրվա ընթացքում ոչ թե վերցրել են, այլ պահել 1128 պատանդներ։ Եթե ի նկատի ունես իմ ենթադրածը, ապա ճիշտ նկատառում է, որովհետև ահաբեկիչները պատանդ են վերցրել միայն սեպտեմբերի 1-ին։ Մյուս օրերին նման դեպքեր չեն արձանագրվել (այս պահին գոնե նման դեպք չեմ հիշում)։ Հիմա հենց դրան նոր հղում կդնեմ, իսկ մյուս հղումները, ինչպես նշեցի, կուղղեմ առաջիկա օրերի ընթացքում։ Եվս մեկ անգամ շատ շնորհակալ եմ տեսակետի համար։--Armen (քննարկում) 11:04, 8 Հուլիսի 2019 (UTC)[reply]

Armen ջան, ներողություն եմ խնդրում տեխնիկական սխալի համար, ուղղել եմ, այն ժամանակ անգլերեն տեքստը պետք է գրեի (paste չէր եղել): Ոնց որ այդտեղ վստահելի աղբյուր կա: Քեզ եմ շնորհակալ արագ արձագանքի համար:--տօնջ^½ 13:56, 8 Հուլիսի 2019 (UTC)[reply]

Շնորհակալություն հոդվածը գնահատման ներկայացնելու համար: Իմ կարծիքով հոդվածի ամենասկիզբը կարիք ունի փոքր ինչ փոփոխության, որպեսզի ունենանք առավել հանրագիտարանային ոճ: Ինքս կարող եմ անել, եթե դեմ չես:--Գարդմանահայ (քննարկում) 19:52, 9 Հուլիսի 2019 (UTC)[reply]

Ողջույն։ Շնորհակալ եմ կարծիքի համար, Գարդմանահայ ջան։ Հա, իհարկե դեմ չեմ, ուղղակի հետաքրքիր է՝ ո՞ր հատվածը։--Armen (քննարկում) 06:19, 10 Հուլիսի 2019 (UTC)[reply]

Արմեն ջան, մեկ էլ կարծում եմ ներքին հղումների պակաս կա: Ներքևում շատ պետք է ջանաս, որ հղում գտնես:--տօնջ^½ 10:52, 10 Հուլիսի 2019 (UTC)[reply]

տօնջ ջան, կրկնվող ներքին հղումները ես սովորաբար չեմ ավելացնում։ Այնպես չի որ ընդհանրապես չկան, բայց քիչ են, որովհետև կամ կրկնվող հղումներ են, կամմ ոչ այդքան նշանակալի անձինք։--Armen (քննարկում) 13:37, 10 Հուլիսի 2019 (UTC)[reply]

Այս քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

Վարդանանց պատերազմ խմբագրել

Գնահատումն անցել է դրական: Ներկայացվում է քվեարկության:--Սիգմա (քննարկում) 06:51, 2 Օգոստոսի 2019 (UTC)[reply]

Հետևյալ քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

Գնահատման ժամկետները	Հուլիսի 1, 2019 - Հուլիսի 31, 2019

Ողջույն սիրելի վիքիհամայնք: Գնահատման եմ ներկայացնում Վարդանանց պատերազմի մասին պատմող հոդվածս, որը գրելիս հիմնականում օգտվել եմ Լեոյից, Փարպեցուց և Եղիշեից: Ժամանակաշրջանը շատ վիճելի է, այդ պատճառով կցանկանայի լսել փաստարկված քննադատություն: Կանխավ շնորհակալություն:--Nooberella (քննարկում) 06:24, 1 Հուլիսի 2019 (UTC)[reply]

Հոդվածը լավն է, սակայն ունի մի շարք թերություններ (իմ կարծիքով),

Ներքին հղումներ. նախ ենթավերնագրերին ներքին հղումներ չի դրովում, մյուսների մասով ամեն հատվածում նույն հոդվածին պետք է լինի առավելագույնը 2 ներքին հղում: Հայաստանին հղում տալիս տանում է ներկայիս Հայաստանի հանրապետությանը, պետք է փոխել մարզպանական Հայաստան:
ներածությունը շատ մեծ է, կարելի է կոնսպեկտել,
հասկանում եմ, որ տվյալ թեմայի սկզբնաղբյուրները խիստ սահմանափակ են, սակայն կարելի է շատ պնդումներ հիմնավորել կոնկրետ գրքերի էջերով: Կան մեծ ենթավերնագրեր, որոնց համար աղբյուրը նշված է միայն վերջում և դժվար ստուգելի է որոշ փաստերի իսկությունը, բացի այդ որոշ աղբյուրներ վերցված են blognews.am կայքից, որը վստահելի աղբյուր համարվել չի կարող:
կարելի է նաև առանձին ենթավերնագրով ներկայացնել նաև սկզբնաղբյուրները, որ պատմիչը ինչ աշխատություններում է անդրադարձել Վարդանանց պատերազմին:
առայժմ այսքանը, հաճելի խմբագրում:--Սամվել^{քննարկում} 11:16, 1 Հուլիսի 2019 (UTC)[reply]

Արված է։ Շնորհակալ եմ թերություններս մատնանշելու համար Սամվել ջան: Վերնագիրներից ներքին հղումները հանել եմ, յուրաքանչյուր ենթավերնագրում թողել եմ դեպի նույն հոդվածը տանող 2 հղում, ՀՀ տանող հղումները փոխել եմ, blognews.am կայքի աղբյուրները փոխել եմ և ծանոթագրությունների մեջ մանրմասնորեն նշել աղբյուր հանդիսացող գրքերի ստույգ էջերը, կրճատել եմ նաև ներածությունը: Իսկ ինչ վերաբերվում է սկզբնաղբյուրներին, ապա տվյալ իրադարձությունների համար հավաստի սկզբնաղբյուր բոլոր պատմիչների համար հանդիսացել է միայն Եղիշեի «Վասն Վարդանայ և Հայոց պատերազմին» ստեղծագործությունը, որը նշել եմ «Աղբյուրներ» ենթավերնագրի տակ, ավելացնելով նաև մի քանի պատմիչների և պատմաբանների ստեղծագործություններ: Կխնդրեի ստուգել՝ արդյո՞ք ամեն ինչ ճիշտ եմ արել:--Nooberella (քննարկում) 17:29, 1 Հուլիսի 2019 (UTC)[reply]

Բոլոր թերությունները վերացված են, շնորհակալություն Nooberella մասնակցին:--Սամվել^{քննարկում} 05:30, 2 Հուլիսի 2019 (UTC)[reply]

Շնորհակալություն հոդվածը գնահատման ներկայացնելու համար: Հոդվածում Վասակ Սյունուն պիտակված է դավաճան կոչումը, այնինչ ժամանակակից ուսումնասիրությունները հակառակի մասին էլ են խոսում: Լավ կլինի, որ այդ հանգամանքը նույնպես հաշվի առնվի: Տես այս գիրքը:--Գարդմանահայ (քննարկում) 19:34, 9 Հուլիսի 2019 (UTC)[reply]

Շնորհակալություն դիտարկման համար Գարդմանահայ ջան։ Իհարկե սպասում էի այսպիսի մեկնաբանության և դրա վերաբերյալ կարելի է անդադար բանավիճել։ Սակայն անգլերենի ամառային դպրոցում գտնվելու պատճառով այժմ չեմ կարող ուղղել թերությունը։ Վերադառնալուց հետո անպայման հոդվածում կավելացնեմ Վասակ Սյունուն այլ տեսանկյունից ներկայացնող ենթավերնագիր և կտեղեկացնեմ Ձեզ։ Շնորհակալություն։ -Nooberella (քննարկում) 09:44, 10 Հուլիսի 2019 (UTC)[reply]

Շնորհակալ եմ հարգելի Nooberella--Գարդմանահայ (քննարկում) 17:16, 12 Հուլիսի 2019 (UTC)[reply]

Ողջույն Գարդմանահայ ջան, կարծում եմ

Արված է, որ խնդրեմ, կվերանայե՞ս հոդվածը։ Հնարավոր է սխալ ըմբռնած լինեմ նշածդ թերությունը, արդյո՞ք արել եմ այն ինչ պետք էր։ Սպասում եմ քո կարծիքին։ --Nooberella (քննարկում) 18:05, 14 Հուլիսի 2019 (UTC)[reply]

Nooberella, շնորհակալություն կատարած աշխատանքի համար։ Մի դիտողություն ունեմ, լավ կամ ընտրված հոդվածում «առանց համապատասխան թույլտվության պատկերներ չպետք է օգտագործվեն», այսինքն՝ ոչ ազատ պատկեր չի կարող օգտագործվել, իսկ հոդվածում այդպիսին կա՝ Երվանդ Քոչարի Վարդան Մամիկոնյանը (Պատկեր։Վարդան Մամիկոնյան (Երվանդ Քոչար).jpg)։ Բացի այդ, ոչ ազատ նկարը օգտագործվում է, եթե այլընտրանք չկա, բայց այս հոդվածում այլ Մամիկոնյան կա, և ըստ դրա արգելվում է երկրորդը՝ ոչ ազատը տեղադրել։ Իրականում սրանք գեղարվեստական գործեր են, նկարիչների երևակայության արդյունքը, և դրանք ներկայացնել, որպես Վարդան Մամիկոնյան իմաստ չունի։ Սրանից բխող հիշեցում՝ խնդրում եմ գեղարվեստական գործերի տակ նշել հեղինակներին։ --Beko^{Քննարկում} 18:56, 12 Հուլիսի 2019 (UTC)[reply]

Շնորհակալ եմ դիտողության համար Beko ջան։ Շուտով կուղղեմ բոլոր թերությունները և կտեղեկացնեմ Ձեզ։ -Nooberella (քննարկում) 02:49, 13 Հուլիսի 2019 (UTC)[reply]

Արված է, հարգելի Beko։ Ոչ ազատ պատկերը հեռացրել եմ, իսկ այն նկարները, որոնց տակ չէի գրել հեղինակի անունը, նշել եմ։ Շնորհակալ եմ դիտողության համար։ --Nooberella (քննարկում) 14:46, 14 Հուլիսի 2019 (UTC)[reply]

Շնորհակալ եմ արագ արձագանքելու և ուղղումները կատարելու համար։--Beko^{Քննարկում} 13:19, 15 Հուլիսի 2019 (UTC)[reply]

Nooberella, շնորհակալություն աշխատանքի և հոդվածի համար, սակայն մի նկատառում. Գարդմանահայի խնդրած բաժինը՝ «Վասակ Սյունու գործունեությունը այլ տեսակետից», ունի աղբյուրների կարիք: Մանրամասնեմ. Դուք գրում եք. «Ըստ որոշ (ո՞ր) վերլուծությունների Վասակյանք ոչ թե փորձում էին կրոնփոխություն պարտադրել Հայաստանում, այլ առանց արյունահեղության վերականգնել Հայաստանի անկախությունը^[փա՞ստ]։» կամ «Վարդանը դիմում է անկազմակերպ ապստամբության, որի վերջը նահատակումն էր լինելու, իսկ Վասակ Սյունին փորձում էր պատրաստվել լուրջ ապստամբության, սակայն Վարդան Մամիկոնյանի պառակտիչ գործողությունների պատճառով դա չստացվեց^[փա՞ստ]։»: Հասկանում եք՝ սրանք պնդումներ են, որոնք կախված են օդում: Չեմ ցանկանա, որ ասածս հայրենասիրական այլևայլությունների լույսի ներքո տեսնեիք, այլ զուտ հանրագիտարանային բովանդակության՝ հաշվի առնելով թեմայի «վիճելի» լինելը, ինչպես ինքներդ եք նշել հոդվածը գնահատման ներկայացնելիս: Մաղթում եմ հաճելի վիքիխմբագրումներ:--Սիգմա (քննարկում) 00:46, 31 Հուլիսի 2019 (UTC)[reply]

Ողջույն, Սիգմա ջան, շնորհակալ եմ դիտողության համար։ Ենթավերնագիրը ավելացնելիս հիմնականում օգտվել եմ այստեղից, որին երկու անգամ ծանոթագրությամբ հղվել եմ այդ ենթավերնագրից։ Կարծում եմ, եթե ծանոթանաք Վահե Անթանեսյանի վերլուծությանը (վերևը նշվածս հղումով) այլևս այդ պնդումները անհիմն չեք ընդունի։ Այն փաստը, որը պնդում է, որ Վարդանը դիմում է անկազմակերպ ապստամբության, որի վերջը նահատակումն էր լինելու, վերցրել եմ Լեոյից, որի համար հարկ չհամարեցի ռեֆ դնել, բայց հիմա կգտնեմ նորից ու կավելացնեմ։ Հոդվածում ավելացրի նաև ում վերլուծությունից եմ վերցրել տվյալ փաստը։ Նշեմ նաև, որ համարում եմ Վասակ Սյունուն ազգի դավաճան և այս ենթավերնագիրը ավելացրել եմ միայն Վիքիպեդիայի շահերից ելնելով և անտեսելով սեփական կարծիքը։ Մեկ էլ կխնդրեմ արագ արձագանքել, քանի որ այսօր գնահատման վերջի օրն է։ Անչափ շնորհակալ եմ։ ՀԳ․ Եթե Լեոյի հատորները չունեք, գրածս պնդումները կարող եք ստուգել հետևյալ PDF-ի օգնությամբ։ --Nooberella (քննարկում) 16:27, 31 Հուլիսի 2019 (UTC)[reply]

Այս քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

Հայկական ծագում ունեցող անձնանունների ցանկ խմբագրել

Գնահատումն անցել է դրական: Ներկայացվում է քվեարկության որպես ընտրյալ ցանկ:--Սիգմա (քննարկում) 21:08, 24 Հուլիսի 2019 (UTC)[reply]

Հետևյալ քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

Գնահատման ժամկետները	Հունիսի 23, 2019 - Հուլիսի 23, 2019

Հոդվածը ստեղծել եմ մոտ չորս տարի առաջ, բայց չգիտես ինչի գնահատման առաջադրելու հավեսս էսօր եկավ ։Դ։ Կարծում եմ հոդվածը ընտրյալ կամ գոնե լավ ցանկ կարող է դառնալ։ Շնորհակալություն կարծիքների համար։ Հ․Գ․ Հույս ունեմ՝ մաշկիս վրա զգալուց հետո խիղճ կհավաքեմ ու կսկսեմ ուրիշ հոդվածների գնահատմանը մասնակցել ։Դ։ --ԱշոտՏՆՂ (քննարկում) 11:07, 23 Հունիսի 2019 (UTC)[reply]

Ցանկը բավական պատկառելի է ստացվել՝ հաշվի առնելով հայ բազմադարյա առնչությունները և պատմական ուղին: Շնորհակալություն Աշոտին կատարած աշխատանքի համար: Ես որոշ չափով շտկումներ արեցի, սակայն մի հանգամանքի վրա կցանկանայի ուշադրություն հրավիրել. Աշոտ ջան, և՛ ներածական բաժնում, և՛ դրան հաջորդող «Հայկական ծագում ունեցող անուններ» բաժնում կա ծանոթագրությունների պակաս: Այսպես՝ ներածական բաժնում կատարվում է անձնանունների բաժանում կատեգորիաների (ինչը գիտական մոտեցում է), սակայն պարզ չէ, թե ըստ ո՛ր աղբյուրի է կատարվել բաժանումը, իսկ հաջորդ բաժնում խոսվում է ըստ ժամանակաշրջանների անձնանունների առաջացման և վերացման մասին, սակայն դարձյալ չենք տեսնում, թե պատմական ակնարկն ինչո՛վ է հիմնավորվում: Առաջիկայում կանցնեմ նաև մյուս բաժինների վրայով և ըստ անհրաժեշտության կգրեմ:--Սիգմա (քննարկում) 21:20, 23 Հունիսի 2019 (UTC)[reply]

Սիգմա ջան, շնորհակալությունը գնահատմանը մասնակցելու համար։ Ներածությունը ինչքան հիշում եմ դու ես թարգմանել (ռուսերենից), այնտեղ ծանոթագրություն չկա, բայց գրականության բաժնում նշված է Մալխասյանի գիրքը։ «Հայկական ծագում ունեցող անուններ» բաժնի համար օգտվել եմ էլի Աճառյանի գրքի։ Համաձա՞յն ես այդ երկու գիրքը գրականություն կամ աղբյուրներ բաժնում ավելացնենք։--ԱշոտՏՆՂ (քննարկում) 09:12, 24 Հունիսի 2019 (UTC)[reply]

Աշոտ ջան, լռությանս պատճառը գրականության պակասն է. շարունակում եմ փնտրել այն գրականությունը, որտեղ կլինի գոնե անձնանունների կատեգորիզացիան: Մինչ գնահատման ավարտը ըստ երևույթին կգտնեմ:--Սիգմա (քննարկում) 21:29, 28 Հունիսի 2019 (UTC)[reply]

Աշոտ ջան, առաջարկում եմ հոդվածի ներածական մասը փոխել՝ հիմնվելով այս հոդվածի վրա, քանի որ կարծում եմ, որ ներկա բաժանումը գիտական չէ: Ես կմշակեմ մինչ գնահատման ավարտը: Ի՞նչ կասես:--Սիգմա (քննարկում) 12:57, 4 Հուլիսի 2019 (UTC)[reply]

Մեկնաբանություն՝ հոդվածի նախաբանն ամբողջությամբ փոխվեց՝ ըստ գիտական աղբյուրների: Արվեցին որոշակի շտկումներ ու ուղղումներ: Ցանկը կարևորվում է նաև նրանով, որ այստեղ հաշվի է առնվել ոչ միայն Աճառյանի հայտնի բառարանը, այլև հատկանվագիտության, մասնավորապես՝ անձնանունների այլ ուսումնասիրողների աշխատանքներին:--Սիգմա (քննարկում) 01:31, 18 Հուլիսի 2019 (UTC)[reply]

Շա՜տ շնորհակալություն, Սիգմա ջան։--ԱշոտՏՆՂ (քննարկում) 11:57, 18 Հուլիսի 2019 (UTC)[reply]

Աշոտ ջան, շնորհակալություն ցանկը վերջապես գնահատման ներկայացնելու համար։ Ցանկի հետ կապված որևէ նկատառում չունեմ, միայն կասեմ, որ հոդվածների միայն կեսն եմ գրել ու վերջին մի քանի տարվա ընթացքում, ցավոք, չեմ աշխատել դրանց վրա։ Խոստանում եմ՝ առաջիկա տարվա ընթացքում անդրադառնալ դրանց։--Լիլիթ (քննարկում) 15:30, 3 Հուլիսի 2019 (UTC)[reply]

Այս քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

Առյուծ խմբագրել

Գնահատումն անցել է դրական. ներկայացվում է քվեարկության:--Օmıcrօn 12:07, 28 Մայիսի 2019 (UTC)[reply]

Հետևյալ քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

Գնահատման ժամկետները	27.04.2019-27․05․2019

Գնահատման եմ առաջադրում չափազանց հետաքիր թեմատիկայով ընթերցումների բարձր դինամիկա ունեցող այս հոդվածը։ Գնահատման բարեհաջող ելքի պարագայում այն կհավակնի դառնալ ընտրյալ հոդվածի թեկնածու։ --Օmıcrօn 21:11, 26 Ապրիլի 2019 (UTC)[reply]

Շատ կցանկանամ լսել հատկապես քո մասնագիտական կարծիքը, emptyfear ջան--Օmıcrօn 08:44, 27 Ապրիլի 2019 (UTC)[reply]

@Omicroñ'R, շատ շնորհակալություն կատարածդ աշխատանքի համար։ Ամեն ինչ կանեմ, որ մինչև գնահատման ժամկետի ավարտը նայեմ հոդվածն ու արտահայտեմ իմ կարծիքը։ --Emptyfear (քննարկում) 09:22, 28 Ապրիլի 2019 (UTC)[reply]

https://ru.wikipedia.org/wiki/%D0%9B%D0%B5%D0%B2#Лев_в_литературе_и_кинематографе այս բաժինը եթե լիներ,ավելի լավ կլիներ, բայց անկախ ամեն ինչից նաև այս քվեարկության արդյունքից, շատ ապրես: --ERJANIK (քննարկում) 18:52, 28 Ապրիլի 2019 (UTC)[reply]

կավելացնեմ անպայման, ERJANIK ջան։ Շնորհակալություն դիտարկման համար։--Օmıcrօn 16:09, 29 Ապրիլի 2019 (UTC)[reply]

Մի քանի դիտողություն իմ կողմից միայն ներածության մասով, մնացած հատվածը դեռ չեմ հասցրել կարդալ.

«միայն 1990-ական թվականներին Աֆրիկայում առյուծների թվաքանակը նվազել է 43%-ով», ինչի համեմատ են նվազել պարզ չէ:
«Ներկայումս գիշատիչ կատվազգիները հանդիպում են միայն բնության հատուկ պահպանվող տարածքներում։» չի համապատասխանում անգլերեն տարբերակին, այնտեղ նշված է որ պահպանվող տարածքներից դուրս գիշատիչները պաշտպանված չեն:
«Առյուծների կերպարը մշակույթում ամենամեծ տարածումը գտած կենդանական խորհրդանիշն է» անգլերենով ամենամեծերից մեկն է, ոչ թե ամենամեծը, եթե հեղինակն օգտվել է այլ աղբյուրից, անհրաժեշտ է հղում համապատասխան աղբյուրին:

Առայժմ այսքանը, հաճելի խմբագրում:--Սամվել^{քննարկում} 06:51, 2 Մայիսի 2019 (UTC)[reply]

Կատարեցի համապատասխան փոփոխությունները՝ ըստ անհրաժեշտության, Սամվել։--Օmıcrօn 18:30, 2 Մայիսի 2019 (UTC)[reply]

Այս քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

Ալեքսանդր Մակեդոնացի խմբագրել

Գնահատումն անցել է դրական. ներկայացվում է քվեարկության:--Օmıcrօn 23:49, 19 Փետրվարի 2019 (UTC)

Հետևյալ քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։

Գնահատման ժամկետները	19.01.2019 - 19.02.2019

Սիրելի՛ համայնք, գնահատման եմ առաջադրում «Ես ստեղծում եմ կարևորագույն հոդված» նախագծի շրջանակներում իմ կողմից խմբագրված Ալեքսանդր Մակեդոնացի հոդվածը՝ լավ հոդվածի կարգավիճակին հավակնելու նկատառումներով։

Մեծամասամբ թարգմանել եմ ռուսերեն և անգլերեն վիքիներից, Հայաստանին վերաբերվող հատվածները՝ Մովսես Խորենացու «Պատմություն Հայոց»-ից և այլ սկզբնաղբյուրներից (որոնք նշված են): Մանրամասնությունների ժամանակ որպես աղբյուր ծառայել է «Ալեքսանդրի Անաբասիս»-ը։--Օmıcrօn 14:38, 19 Հունվարի 2019 (UTC)

չգիտեմ ներդրումս թույլ տալիս է կարծիք հայտնելու, լավ կլիներ ֆիլմերի մասին ներկայացված լիներ մշակութային բաժնում, տեսնեմ եթե ժամանակս ներեց ես էլ կգրեմ: --ERJANIK (քննարկում) 06:30, 22 Հունվարի 2019 (UTC)

ERJANIK ջան, միանշանակ թույլ է տալիս։ Բայց իրականում խոսք չեմ տալիս ավելացնել այդ բաժինը, քանզի օտարալեզու ինձ հասանելի որևէ այլ վիքիում ֆիլմաշարերի մասին տեղեկատվություն չգտա։ Իսկ համացանցից քաղելը մեղմ ասած բավականին դժվար կլինի ոլորտով չհետաքրքրված Omicron-ի համար :)): Ուրախ կլինեի լսել նաև ընդհանրական կարծիք հոդվածի մասին։--Օmıcrօn 09:16, 23 Հունվարի 2019 (UTC)

Omicron ջան, սա՝ «Անուղղակիորեն այն կարելի է համարել Ալեքսանդր Մակեդոնացու արևելյան արշավանքի հաղթական սկիզբը, որի հետևանքներն են դառնում պարսից ռոյալիզմի բարոյալքումը, ինչպես նաև տարիների ընթացքում պարսից առաջնորդների կողմից նվաճված արևմտյան տիրույթների կորուստը։ Դիցուք, ճակատամարտի նման ելքը մակեդոնացիներին հնարավորություն էր ընձեռում վերստին դաշնակցել մնացյալ հունական աշխարհի հետ» թարգմանե՞լ ես, թե օգտվել ես գրքերից։ Իմ կարծիքով մի քիչ հանրագիտարանայինից շեղվում ենք։--տօնջ^☮ 16:58, 24 Հունվարի 2019 (UTC)

տօնջ ջան, ըստ իս՝ սույն հատվածը բովանդակային առումով չի կարող համարվել ոչ հանրագիտարանային, թեպետ շնորհակալություն մեջբերելու համար։ Ռոյլիզմ եզրը (իմիջայլոց՝ գիտական եզր է) կենտրոնական իշխանության ազդեցության իմաստով է, իսկ բարեյոլքումը՝ ժամանակաշրջանով պայմանավորված վերջինիս բնորոշումը։ Կարծում եմ ոչ հանրագիտարանային միայն սա նկատի ունեիր։

Շնորհակալություն շատ արագ արձագանքի համար, Օմիկրոն ջան։ Իրականում դրանց հետ չէի։ Այ օրինակ՝ անուղղակիորեն այն կարելի է համարել...--տօնջ^☮ 18:06, 24 Հունվարի 2019 (UTC)

Իմ օբյեկտիվ կարծիքով «անուղղակիորենը» կարելի է օգտագործել նաև հանրագիտարանային բովանդակությունում։--Օmıcrօn 00:17, 25 Հունվարի 2019 (UTC)

Հոդվածը բավականին ծավալուն է և շատ լավ թարգմանված: Նաև շատ հաճելի է, որ թարգմանությունը կատարելիս մասնակիցն օգտվել է գրքերից:--Angel (քննարկում) 17:31, 24 Հունվարի 2019 (UTC)

Շնորհակալություն, AngelX ջան։--Օmıcrօn 00:17, 25 Հունվարի 2019 (UTC)

Այս քննարկումը փակված է։ Խնդրում ենք չշարունակել այն։ Հետագա մեկնաբանությունները պետք է կատարվեն համապատասխան քննարկման էջում։