Վարդան Աճեմյանի դիմաքանդակ
Վարդան Աճեմյանի դիմաքանդակ, հայ քանդակագործ Արա Սարգսյանի ստեղծած բրոնզե դիմաքանդակը։ Պատկերում է հայ թատերական ռեժիսոր և գործիչ, ԽՍՀՄ ժողովրդական արտիստ Վարդան Աճեմյանին[1]։
 | |
|---|---|
 | |
| տեսակ | դիմաքանդակ |
| տարի | 1954 |
| բարձրություն | 58 սանտիմետր |
| լայնություն | 53 սանտիմետր |
| խորություն | 30 սանտիմետր |
| նյութ | բրոնզ |
| հավաքածու | Տրետյակովյան պատկերասրահ |
Պատմություն
խմբագրել1954-1968 թվականներին քանդակագործ Արա Սարգսյանը ստեղծել է մի շարք թատերական գործիչների դիմաքանդակներ, այդ թվում՝ Վարդան Աճեմյան, Դավիթ Մալյան, Ժասմեն, Ավետ Ավետիսյան[2]։ Դիմաքանդակի գիպսե տարբերակը գտնվում է Արա Սարգսյանի և Հակոբ Կոջոյանի տուն-թանգարանում, իսկ բնօրինակը՝ Մոսկվայի Տրետյակովյան պատկերասրահում[3]։
Նկարագրություն
խմբագրելԱրա Սարգսյանի այս աշխատանքը պատկերում է ռեժիսոր Վարդան Աճեմյանին՝ նրան ներկայացնելով որպես վառ անհատականության, մեծ տաղանդի և ստեղծագործական մտքի տեր մարդ։ Ստեղծագործության մեջ տիրապետողը գլուխն է։ Այստեղ ռեժիսորը վզնոցով է, հետ տարված մազերով, պարզած գլխով։ Թույլ նշմարվող ժպիտը լուսավորում է նրա դեմքը՝ բացահայտելով բնավորությունը[1]։
Տրետյակովյան պատկերասրահի ուղեցույցում գրված է․
|
Սարգսյանի բարձր ձիրքի վկայությունն է Հայկական ՍՍՀ Ժողովրդական արտիստ Վ․ Աճեմյանի պորտրեն։ Այն իրականացված է որպես կիսանդրի, որտեղ Սարգսյանը գտել է գեղարվեստական հարուստ միջոցներ նշանավոր արտիստի կերպարային խորը բնութագրության համար[4]։ | 
|
Ծանոթագրություններ
խմբագրել- ↑ 1,0 1,1 Արա Սարգսյան, Բոսֆորի ափից մինչև անմահություն, ՎարդՀրատ ՍՊԸ, 2017։
- ↑ «Արա Սարգսյանի դիմաքանդակի տեղադրմանը համաձայնություն տալու մասին Երևանի ավագանու որոշում» (PDF).
- ↑ «Vardan Achemyan». Ara Sargsyan & Hakob Kojoyan Foundation (ամերիկյան անգլերեն). Վերցված է 2022 թ․ ապրիլի 5-ին.
- ↑ Հարությունյան, Վահան (1975). Արա Սարգսյան. Երևան: Հայաստան. էջեր 102–103.