Ստեփան Գալստյան (գեներալ)
հայ սպա
(Վերահղված է Ստեփան Գալստյան (ռազմական գործիչ)ից)
- Անվան այլ կիրառումների համար տե՛ս՝ Ստեփան Գալստյան (այլ կիրառումներ)
- Վիքիպեդիայում կան հոդվածներ Գալստյան ազգանունով այլ մարդկանց մասին։
Ստեփան Ռոբերտի Գալստյան (մայիսի 15, 1963, Մարալիկ, Անիի շրջան, Հայկական ԽՍՀ, ԽՍՀՄ), հայ ռազմական գործիչ, ՀՀ զինված ուժերի գլխավոր շտաբի պետի պետի պաշտոնակատար[1], գեներալ-լեյտենանտ։
Ստեփան Գալստյան | |
---|---|
մայիսի 15, 1963 (60 տարեկան) - | |
Ծննդավայր | Մարալիկ, Անիի շրջան, Հայկական ԽՍՀ, ԽՍՀՄ |
Կոչում | գեներալ |
Կրթություն խմբագրել
- 1982 թ. ավարտել է Գյումրիի (Լենինական) թեթև արդյունաբերության տեխնիկումը։
- 1988 թ. ավարտել է Արմավիրի ռազմական ավիացիայի օդաչուների բարձրագույն ուսումնարանը։
Զինվորական ծառայությունը խմբագրել
- 1983-1992 թթ. ծառայել է ԽՍՀՄ զինված ուժերում։
- ՀՀ զինված ուժերում է 1992 թվականից։
- Զբաղեցրել է ավիացիոն ջոկատի, զորամասի, ապա բազայի հրամանատարի պաշտոններ։
- 2003 թ. ՀՀ Նախագահի հրամանագրով նշանակվել է ՀՀ ՊՆ Ավիացիայի պետ, ավիացիայի վարչության պետ։
- ՀՀ Նախագահի 2009 թվականի հունվարի 26-ի հրամանագրով նշանակվել է ՀՀ ԶՈւ ԳՇ պետի տեղակալ։
Կոչումներ խմբագրել
- 2007 թ. ՀՀ Նախագահի հրամանագրով շնորհվել է գեներալ-մայորի զինվորական կոչում։
- 2012 թ. ՀՀ Նախագահի հրամանագրով շնորհվել է գեներալ-լեյտենանտի զինվորական կոչում[2]։
Պարգևներ խմբագրել
Պարգևատրվել է.
- «Վարդան Մամիկոնյան» շքանշանով,
- «Հայրենական մեծ պատերազմում հաղթանակի 60 տարի» մեդալով,
- «Մարշալ Բաղրամյան» մեդալով,
- Մարտական ծառայության մեդալով,
- «Անդրանիկ Օզանյան» մեդալով,
- «Անբասիր ծառայության համար» I աստիճանի մեդալով,
- «Մայրական երախտագիտության» մեդալով,
- «Հայրենիքին մատուցած ծառայությունների համար» 2-րդ աստիճանի մեդալով,
- «Համագործակցության ամրապնդման համար» մեդալով,
- «ԱՊՀ միացյալ ՀՕՊ համակարգի 10 տարին» հոբելյանական մեդալով,
- «Հայրենական մեծ պատերազմում հաղթանակի 50 տարին» հուշամեդալով,
- «Երկրապահ կամավորականների միություն» հուշամեդալով։
Ամուսնացած է, ունի 3 որդի։
Ծանոթագրություններ խմբագրել
- ↑ «ԳՇ պետի պաշտոնակատար է նշանակվել Ստեփան Գալստյանը». Factor.am. 2021 թ․ մարտի 10. Վերցված է 2021 թ․ մարտի 10-ին.
- ↑ Ս. Ռ. Գալստյանին գեներալ-լեյտենանտի զինվորական կոչում շնորհելու մասին