Սուրեն Ստեփանյան (նկարիչ)

Անվան այլ կիրառումների համար տե՛ս՝ Սուրեն Ստեփանյան (այլ կիրառումներ)

Վիքիպեդիայում կան հոդվածներ Ստեփանյան ազգանունով այլ մարդկանց մասին։

Սուրեն Շավարշի Ստեփանյան (1915, Ալեքսանդրապոլ, Երևանի նահանգ, Կովկասի փոխարքայություն, Ռուսական կայսրություն - 1977, Երևան, Հայկական ԽՍՀ, ԽՍՀՄ), հայ խորհրդային նկարիչ։ ՀԽՍՀ վաստակավոր նկարիչ (1961)։

Սուրեն Ստեփանյան
Ծնվել է	1915
Ծննդավայր	Ալեքսանդրապոլ, Երևանի նահանգ, Կովկասի փոխարքայություն, Ռուսական կայսրություն
Վախճանվել է	1977
Մահվան վայր	Երևան, Հայկական ԽՍՀ, ԽՍՀՄ
Կրթություն	«Գեղարդ» գեղարվեստաարդյունաբերական տեխնիկում (1937)
Մասնագիտություն	նկարիչ
Աշակերտներ	Վլադիմիր Այվազյան
Պարգևներ
Սուրեն Ստեփանյան Վիքիդարանում

Կենսագրություն

1937 թվականին ավարտել է Երևանի գեղարվեստի ուսումնարանը, 1938 թվականին՝ Լենինգրադի գեղարվեստամանկավարժական ուսումնարանը։ 1940-1943 թթ. դասավանդել է Լենինականի Ս․ Մերկուրովի անվան նկարչական դպրոցում։ 1943- 1945 թթ. որպես ձևավորող նկարիչ աշխատել է Լենինականի, 1945-1946 թթ.՝ Երևանի Հ․ Թումանյանի անվան պետական տիկնիկային թատրոններում։ Ստեփանյանը ստեղծագործել է կերպարվեստի գրեթե բոլոր բնագավառներում։ Ձևավորել և նկարազարդել է մոտ 300 գիրք, աշխատակցել տարբեր պարբերականների։ Ստեփանյանին բնորոշ են ստեղծագործական վառ երևակայությունն ու գեղարվեստական հնարքների բազմազանությունը։ (1943) թվից մասնակցել է հանրապետական, միութենական, միջազգային ցուցահանդեսների։

Լավագույն գործերից են՝

Գեղանկարներ`

• «Հին Լենինական» (1958)
• «Իմ հեքիաթը» (1959)
• «Դրսում ձմեռ Է» (1964)

Քանդակներ`

• «Երգ» (1969, փայտ)
• «Սեդա» (1970, փայտ)

Գրաֆիկական թերթեր՝

• «Նկարիչ Ռ․ Շիշմանյանի դիմանկարը» (1960)
• «Աշուն» (1975)

Գրքային ձևավորումներ՝

• Դերենիկ Դեմիրճյանի «Քաջ Նազար» (1948-1950)
• «Պույ-պույ մուկիկը» (1974)
• Պարույր Սևակի «Եղիցի լույս» (1969) ը
• «Ինքնանկար» (1959)
• «Չիկ Տամատյան» (1960)
• «Սուրեն Չիլինգարյան» (1960) ընկերական շարժերը
• Հակոբ Պարոնյանի «Պաղտասար աղբար» բեմանկարները (1963, Երևանի Գաբրեիլ Սունդուկյանի անվան և Մոսկվայի Ս․ Ն․ Երմոլովայի անան թատրոններում)։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 11, էջ 133)։