Սուրբ Ալեքսի եկեղեցի (Ալեքսանդրովկա)
Սուրբ Ալեքսի եկեղեցի (Ալեքսի՝ մարդ Աստծո եկեղեցի, Վերապատվելի Ալեքսի՝ մարդ Աստծո եկեղեցի) (ռուս.՝ Свято-Алексиевская церковь; Церковь Алексия, человека Божия; Церковь преподобного Алексия, человека Божия), ուղղափառ եկեղեցի Ռուսաստանի Ռոստովի մարզի Մատվեևո-Կուրգանսկի շրջանի Ալեքսանդրովկա գյուղում[1]։ Ենթարկվում է ՌՈՒԵ Ռոստովի թեմի Մատվեևո-Կուրգանսկի գործակալությանը[2]։
| Սուրբ Ալեքսի եկեղեցի | |
|---|---|
| Հիմնական տվյալներ | |
| Տեսակ | տաճար |
| Երկիր |  Ռուսաստան |
| Տեղագրություն | Ալեքսանդրովկա (Մատվեևո-Կուրգանսկի շրջան), Մատվեևո-Կուրգանսկի շրջան և Ռոստովի մարզ |
| Դավանանք | ուղղափառություն |
| Թեմ | Ռոստովի և Նովոչերկասկի թեմ |
| Հիմնական ամսաթվերը | 1807 |
| Ժառանգության կարգավիճակ | Ռուսաստանի մարզային նշանակության մշակութային ժառանգության օբյեկտ |
| Հիմնադրված | 1807 |
 | |
 | |
| rostov-101.cerkov.ru | |
Պատմություն խմբագրել
 Արտաքին պատկերներ
| |
|---|---|
|
Եկեղեցու լուսանկարը |
Ալեքսանդրովկա գյուղը հիմնադրել է Դոնի ատաման Ալեքսեյ Իվանովիչ Իլովայսկին։ Իլովայսկիների կալվածքը, որը գտնվում էր Միուս գետի երկայնքով մի գեղեցիկ վայրում, արագ կառուցվում էր և հարստանում։ 1807 թվականին, արդեն ատամանի մահից հետո, ի պատիվ նրա պահապան հրեշտակ, վերապատվելի Ալեքսիի, նրա կինը հիմնադրեց միախորան եկեղեցի հանուն Ալեքսիի՝ մարդու Աստծո, որն օծվեց 1811 թվականին։
Եկեղեցին քարե էր, մեծ աբսիդով, ցածրացրած թմբուկով և թիթեղյա գմբեթով։ Նրան կից փոքր զանգակատունն ուներ երեք հարկ, վերինը չորս մեծ որմնանցքերով էր։ Տաճարը վերապրել է Հոկտեմբերյան հեղափոխությունը և Քաղաքացիական պատերազմը։ Սուրբ Ալեքսի եկեղեցին փակվել է 1930-ական թվականներին, և այնտեղ պահվել է ցորեն։ Հայրենական մեծ պատերազմի ժամանակ տաճարում գտնվել է խորհրդային ռազմագերիների ճամբար։ Եկեղեցու պատերի մոտ թաղված էին գերմանացի զինվորներ, պահպանվել է գերմաներեն գրությամբ սալիկ։
ԽՍՀՄ փլուզումից հետո որոշվեց եկեղեցին վերականգնել, բարեբախտաբար, այն չէր տուժել։ 1994 թվականին տաճարի հովիվ է նշանակվել քահանա Անդրեյ Երմոլաևը։ 2007 թվականին իրականացվել են սվաղաներկարարական աշխատանքներ, ներկվել է տանիքը, նորոգվել են հատակն ու պատուհանների շրջանակները։ 2008 թվականին տեղադրվել են զանգակատան վեց զանգերը։ Տաճարը գազավորված է, 2009 թվականին տեղադրվել են մետաղապլաստե պատուհաններ, փոխվել են դռները։ Ծխին կից բացվել է կիրակնօրյա դպրոց։
Եկեղեցու վանահայրը ներկայումս էլ քահանա Անդրեյ Վիկտորովիչ Երմոլաևն է։
Հասցեն՝ Ռոստովի մարզ, Մատվեևո-Կուրգանսկի շրջանի Ալեքսանդրովկա գյուղ, Մոսկովյան փողոց, 47ա[3]։
Ծանոթագրություններ խմբագրել
Արտաքին հղումներ խմբագրել
- Տաճարի կայքը(ռուս.)
- Մատվեևո-Կուրգանսկի գործակալության տաճարները(ռուս.)
- Տաճարի երկդարյա հոբելյան Արխիվացված 2017-02-21 Wayback Machine(ռուս.)
- Տաճարի վանահայրն օծել է նորակառույց մանկապարտեզը և այցելել դպրոց Արխիվացված 2017-02-21 Wayback Machine(ռուս.)