Ոսկով պատված զարդեր
Ոսկով լցված զարդեր, վերաբերում է մի գործընթացին, երբ իրական ( պինդ) ոսկու արտաքին շերտը միացված է արույրից, պղնձից (նախկինում՝ արծաթից) պատրաստված մետաղական միջուկին։ Ոսկին գլորվում է հատուկ պրոցեսի միջոցով և մշտապես կապվում է կրող մետաղին եռակցման ջերմաստիճանում[1][2]::
Ենթակատեգորիա | jewelry | |
---|---|---|
Նյութ | ոսկի |
Բարձրորակ ոսկուց պատված իրերի մեծ մասը նույն տեսքն ունի, ինչ բարձր հարգի ոսկուց պատրաստված իրերը։
Ոսկիով լցված իրերի վրա ոսկու շերտը 5-10 անգամ ավելի հաստ է, քան սովորական ոսկեզօծման արդյունքում ստացվածը։
Սահմանում խմբագրել
ԱՄՆ-ում ոսկով պատված զարդերի որակը որոշվում է Առևտրի դաշնային հանձնաժողովի (FTC) կողմից։ FTC-ն որոշում է, թե որ տեսակի ոսկով պատված զարդերի որակն է լավագույնը:Միայն այն զարդերը, որոնց ընդհանուր քաշի առնվազն 5%-ը 14 կամ 12 կարատանոց ոսկի է կամ 10%-ը՝10 կարատանոց ոսկի, կարող են վաճառվել որպես «ոսկով լցված»։ «Ոսկով լցված» նյութի օրինական պահանջվող անվանումն է։ 14k (համապատասխանում է ոսկու 585 հարգին) «ոսկով լցված», ամենատարածված տարբերակը, հաճախ նշվում է 14/20-ով, «GF» հավելումը նույնպես հնարավոր է, բայց օրենքով չի պահանջվում։ Առկա են նաև 12k (համարժեք 500 հարգի ոսկու) և 10k (համարժեք 417 հարգի ոսկու) լցոնված ոսկի։ «Ոսկով լցված» զարդերի կտորները կարող են ունենալ նաև արտադրողի կնիք։
Առևտրի դաշնային հանձնաժողովը թույլ է տալիս օգտագործել «գլորված ոսկե թիթեղ», «R.G.P» կամ «ոսկու ծածկույթ» տերմինները ոսկու ավելի ցածր հաստությամբ, քան պահանջվում է «ոսկով լցված» զարդերի համար[2]։
Վերոնշյալ կանոնակարգը վերաբերում է քաշային հարաբերակցության մեջ սահմանված ոսկու համաձուլվածքի քանակին, որը պետք է օգտագործվի «ոսկով լցված» արտադրելու համար։ Չկա կանոնակարգ, որը նախատեսում է ոսկու շերտի որոշակի հաստություն։ Մաթեմատիկական հաշվարկի համաձայն՝ «ոսկով լցված» արտադրանքի ոսկու շերտն ավելի հաստ է կոմպակտ մակերես ունեցող առարկաների համար (օրինակ՝ գնդիկ), քան անհարթ բարդ մակերևույթով իրերի համար։
Ոսկի լցված իրը, որն արտադրվում է արտոնագրված արտադրության գործընթացով և համապատասխան նշումով, դասական բիմետալ է, որը համապատասխանում է իր երկու համաձուլվածքի մետաղների համապատասխան ֆիզիկական և քիմիական հատկություններին:Շնորհիվ իր բիմետալային հատկությունների, ոսկով լցված իրը, ի տարբերություն ոսկեպատ մետաղների, կարելի է զոդել առանձին մասերը միացնելու համար։ Օգտագործման և խնամքի հետևանքով արտաքին ոսկյա շերտի մաշվածության չափը նույնպես համապատասխանում է պինդ ոսկյա զարդերին։
Քանի որ լցված ոսկին մասամբ պատրաստված է պինդ ոսկուց, այն կարող է նաև վերամշակվել, ոսկու շերտը կարելի է առանձնացնել զտման գործարանում կրող մետաղից։
Ծանոթագրություններ խմբագրել
- ↑ «The Essential Guide to the U.S. Trade in Advertising Jewelry of Silver in Combination with Gold: Supplement» (PDF). Jewelers Vigilance Committee (JVC). Վերցված է 2015 թ․ ապրիլի 1-ին.
- ↑ 2,0 2,1 «Part 23—Guides for the Jewelry, Precious Metals, and Pewter Industries». eCFR. U.S. Government Publishing Office. Վերցված է 2015 թ․ ապրիլի 7-ին.