Հայկական սևամարմին
| Հայկական սևամարմին | ||||||||
|---|---|---|---|---|---|---|---|---|
| Գիտական դասակարգում | ||||||||
|
||||||||
| Լատիներեն անվանում | ||||||||
| Armenohelops armeniacus
|
Հայկական սևամարմին (լատին․՝ Armenohelops armeniacus), սևամարմինների ընտանիքին պատկանող միջատ, որը գրանցված է Հայաստանի Հանրապետության Կարմիր գրքում։
Նկարագրություն խմբագրել
9-14 մմ մարմնի երկարությամբ, չափավոր ուռուցիկ, ձգված, դեպի հետ խիստ լայնացած մարմնով միջին չափի բզեզ է։ Կարմրից մինչև սևադարչնագույն գունավորմամբ ծածկույթները չափավոր փայլուն են[1]։
Տարածվածություն խմբագրել
Հայաստանի էնդեմիկ է։ Հայաստանում հայտնի է Կոտայքի մարզից (Ջրվեժ, Գառնի, Գողթ գյուղերի շրջակայք), Արագած լեռան հարավային լանջերից (Տեղեր, Անտառուտ գյուղեր), Արայի լեռից` Եղվարդ գյուղի մոտ, «Խոսրովի անտառ» պետական արգելոցից, ինչպես նաև Լուսաշող գյուղի մոտակայքից (Արարատի մարզ) և Գնիշիկ գյուղից (Վայոց ձորի մարզ)[1]։
Էկոլոգիա խմբագրել
Ապրում են տարբեր տեսակի լեռնատափաստաններում, հանդիպում՝ քարերի տակ, մայիսին-հուլիսի սկզբին։
Կենսաբանության առանձնահատկությունները հայտնի չեն[1]։
Պահպանություն խմբագրել
Սահմանափակ արեալով տեսակ է, որը Բնության պահպանության միջազգային միության Կարմիր ցուցակի չափորոշիչներով գնահատվում է որպես վտանգված տեսակ։
Թվաքանակը բարձր չէ, հանդիպում են տեղ-տեղ։ Թվաքանակի փոփոխության միտումները հայտնի չեն։
Վտանգման հիմնական գործոններն են անասունների գերարածեցմամբ պայմանավորված Էկոհամակարգերի քայքայումը և խոպան հողերի հերկումը։
Պահպանվում է «Խոսրովի անտառ» պետական արգելոցում[1]
Ծանոթագրություններ խմբագրել
- ↑ 1,0 1,1 1,2 1,3 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.