Հաղորդակցության ուղիների ժողկոմիսարիատի պոլիկլինիկա
Հաղորդակցության ուղիների ժողկոմիսարիատի պոլիկլինիկա (ռուս.՝ Поликлиника Наркомата путей сообщения), շենք Մոսկվայում։ Հասցեն՝ Նովայա Բասմաննայա փողոց, տուն 5, շինություն 1։ Մշակութային ժառանգության դաշնային նշանակության օբյեկտ է (գրանցման համար` 7733800000)[2]։
 | |
|---|---|
 | |
| Տեսակ | տեսարժան վայր և ճարտարապետական հուշարձան |
| Երկիր |  Ռուսաստան |
| Տեղագրություն | Կրասնոսելսկի շրջան |
| Հիմնադրված է | 1923 |
| Ճարտարապետ | Իվան Ֆոմին |
| Ժառանգության կարգավիճակ | Ռուսաստանի մարզային նշանակության մշակութային ժառանգության օբյեկտ[1] |
 | |
 | |
Պատմություն խմբագրել
Պոլիկլինիկայի շենքը կառուցվել է ճարտարապետ Իվան Ֆոմինի նախագծով 1923-1933 թվականներին։ Մինչ այդ Ֆոմինը Հաղորդակցության ուղիների ժողկոմիսարիատի համար կառուցել է շենք փողոցի սկզբնամասում (տուն 2)։ Պոլիկլինիկան դարձել է նրա իրականացրած ծրագրերից վերջինը։ Շենքը կառուցվել է ար-դեկո ոճով, ինչը բավական հազվադեպ երևույթ է Մոսկվայի համար[3]։
Հաղորդակցության ուղիների ժողովրդական կոմիսարիատի պոլիկլինիկան, որի համար շենքը կառուցվել էր, լավ կահավորվել էր ամերիկացիների մասնակցությամբ։ Կոմիսարիատի` ԽՍՀՄ հաղորդակցության ուղիների նախարարության վերափոխվելու ժամանակ փոխվել է նաև նրա անվանումը։ Ներկայումս հաստատությունը «Ռուսական երկաթուղիներ» ԲԲԸ-ի կենտրոնական պոլիկլինիկան է[3][4]։
Նկարագրություն խմբագրել
Շինությունն անհամաչափ է, այն կազմված է երեք ծավալներից։ Երկու երկար մասնաշենքերը կանգնած են հարևանությամբ անցնող երկաթուղուն զուգահեռ, աջի կարճ ճակատը կանգնած է փողոցի կարմիր գծով, ձախը կալվածքի փոքր-ինչ խորքում է։ Երրորդ մասնաշենքն ավելի կարճ է և առաջին երկուսը կապում է իրար։ Փողոցի կողմից մասնաշենքերն ավարտվում են կիսագլաններով, որոնք ճաղապատ ցանկապատի հետ սահմանափակում են գլխավոր բակը։ Շենքի մյուս կողմում գտնվում է ներքին տնտեսական բակը։ Հողամասի խորքում գտնվող ձախ մասնաշենքը մեկ հարկով բարձր է մյուս երկուսից։ Պատուհանները նման են 1920-ական թվականներին տարածված ժապավենաձևերին։ Երկաթուղու կողմի ճակատի աստիճանները գտնվում են կիսագլանաձև ելուններում։ Գլխավոր ճակատը բակում լրացված է առաջին հարկի սրահով և երկար պատշգամբներով։ Շենքի հարդարումը կատարվել է լակոնիկ պարզեցված օրդերային տարրերի կիրառմամբ. ատամնիկներով բարակ քիվ, քիչ նկատելի կոպտատաշ շարվածք, առանց խոյակների կրկանկի սյուներ։ Վերջինը Ֆոմինի սիրելի հնարքներից էր[3]։
Ծանոթագրություններ խմբագրել
- ↑ Распоряжение Правительства Москвы № 2844-РП от 02.09.2009
- ↑ «Поликлиника Наркомата путей сообщения (МПС), 1923-1933 гг., архитектор И.А.Фомин» (ռուսերեն). Департамент культурного наследия города Москвы. Արխիվացված է օրիգինալից 2017 թ․ մարտի 16-ին. Վերցված է 2015 թ․ հուլիսի 27-ին.
- ↑ 3,0 3,1 3,2 Васильев, Николай. «Поликлиника НКПС» (ռուսերեն). Узнай Москву. Վերցված է 2015 թ․ հունիսի 1-ին.
- ↑ Центральная поликлиника ОАО «РЖД»