Կենդանաբանական թանգարան (Սանկտ Պետերբուրգ)

ՌԳԱ Կենդանաբանության ինստիտուտի Կենդաբանաբության թանգարան
	Թանգարանի առաջին սրահը
Տեսակ	թանգարան և գիտահետազոտական ինստիտուտ
Երկիր	Ռուսաստան
Տեղագրություն	Ռուսաստան, 199034, Սանկտ Պետերբուրգ, Համալսարանային առափյնա, տուն 1
Վայր	Սանկտ Պետերբուրգ
Մասն է	Ռուսաստանի գիտությունների ակադեմիայի կենդանաբանության ինստիտուտ
Ղեկավարության նստավայր	Սանկտ Պետերբուրգ, Ռուսաստան
Հիմնադրվել է	1832
Տնօրեն	Ալեկսեյ Նիկոլաևիչ
Կայք	zin.ru/museum/(ռուս.)

Անվան այլ կիրառումների համար տե՛ս՝ Կենդանաբանական թանգարան (այլ կիրառումներ)

ՌԳԱ Կենդանաբանության ինստիտուտի Կենդանաբանության թանգարանը Ռուսաստանի ամենահիտ կենդանաբանական թանգարանն է։

Որպես առանձին միավոր, թանգարանը ձևավորվել է 1832 թվականին՝ Կունստկամերի ցուցանմուշներից անջատման շնորհիվ։ Ներկայումս մտնում է ՌԳԱ Կենդանաբանության ինստիտուտի կազմի մեջ։

Ցուցանմուշներ խմբագրել

Ցուցադրվող նմուշների քանակը գերազանցում է 30 000-ը, ցուցասրահների ընդհանուր մակերեսը կազմում է 6 000 մ₂՝ թանգարանը համարյա ամբողջությամբ զբաղեցնում է Կենդանաբանության ինստիտուտի երկրորդ հարկը և առաջին հարկի դահլիճները։

Առաջին սրահում ներկայացված է միջատների ավելի քան 10 000 նմուշ, թիոտանիներ, կետանմաններ, այդ թվում՝ աշխարհում ամենամեծ կապույտ կետի ցուցանմուշը (27 մետր), ինչպես նաև Կունստկամերից բերված առացին ցուցանմուշները, որոնք գնվել են Պետրոս I-ի կողմից 1716 թվականին։
Երկրորդ սրահում ցուցադրվում են ողնաշարավոր կենդանիների՝ ձկների, երկկենցաղների, սողունների և թռչունների ցուցափեղկեր։ Ներկայացված են նաև մոտ 3000 տարբեր տեսակի անողնաշարավորներ՝ սպունգներ, կորալներ, խեցգետնակերպեր, փափկամարմիններ և կենդանիների ու մարդու համար վտանգավոր մակաբույծներ։

Մամոնտի ձագ Դիման՝ Սանկտ Պետերբուրգի Կենդանաբանության թանգարանում։

Երրորդ սրահը ամբողջությամբ նվիրված է կաթնասունների ցուցանմուշներին. սիստեմատիկ հավաքածուները զբաղեցնում են սրահի աջ հատվածը, իսկ ձախում և կենտրոնում ներկայացված են 89 տարբեր կենսաբանական խմբեր՝ տարբեր չափերի լանդշաֆտներ։ Այստեղ կան տարբեր ոչնչացած տեսակների յուրօրինակ ցուցանմուշներ՝ տասմանյան գայլ (խրտվիլակ և կմախք), ծովային կով (լավ պահպանված կմախք)։ Հատուկ արժեք ունի մամոնտների հավաքածուն։

Կապույտ կետի կմախքը

Պատմություն խմբագրել

1896 թվականին սկսված տեղափոխության ժամանակ ավելի քան 5 տարի է պահանջվել, որ թանգարանը տեղափոխվի և վերակառուցվի։ 1901 թվականի փետրվարի 6-19-ը, վերջապես, ռուսական կայսր Նիկոլայ II-ի, թագավորական ընտանիքի անդամների և մեծաքանակ կառավարական պաշտոնյաների մասնակցությամբ թանգարանը վերաբացվեց։

1922 թվականի մայիսին գիտական կառույցի վիճակը գնահատելիս նրա փոխնախագահ՝ Վլադիմիր Ստեկլովը նշեց, որ Կենդանաբանական թանգարանի ցուցանմուշները փչանում են, գիտաշխատողների աշխատանքը և նոր ցուցանմուշները պատրաստումը դառնում է անհնար^[2]։

1941-1945 թվականներին Հայրենական Մեծ պատերազմի տարիներին ՌԳԱ-ի կենդանաբանության ինստիտուտի կոլեկտիվը ունեցավ հսկայական կորուստներ, որի մասին վկայում է թանգարանի մուտքի մոտ տեղադրված հուշատախտակը։

Ցուցանմուշները 1947-1954 թվականներին ենթարկվել են նկատելի փոփոխությունների, երբ թանգարանը գլխավորեց պրոֆեսոր Վ. Բ. Դուբինինը։ Ստուգվեցին բոլոր ցուցանմուշների իսկությունը, իսկ արդեն 1954-1964 թվականներին, երբ թանգարանը գլխավորեց Ա. Ի. Իվանովը կազմվեցին նոր պիտակներ։ Թանգարանը հետագայում գլխավորել է կենսաբանական գիտությունների դոկտոր Դ. Վ. Նաումովը (1964-1984), Ռ. Լ. Պոտապովը (1984-2006) և Ա. Ն. Տիխոնովը (2007-)։