Արցախի դրոշ

Արցախի Հանրապետության դրոշ
Տեսակ	Պետական խորհրդանիշ
Երկիր	Արցախի Հանրապետություն
Իրավասության տարածք	Արցախի Հանրապետություն
Օգտագործում
Հարաբերություն	1:2
Ընդունված է	Հունիսի 2, 1992 թվական
Չեղյալ	Սեպտեմբերի 20, 2023 թվական (փաստացի); Հունվարի 1, 2024 թվական (սահմանադրորեն)
Գույներ	Կարմիր Կապույտ Նարնջագույն Սպիտակ
Նախագծող	Վահե Ֆատտալ

Արցախի Հանրապետության դրոշ (նաև՝ Արցախի Հանրապետության պետական դրոշ կամ Արցախի դրոշ), Արցախի Հանրապետության պետական խորհրդանիշներից մեկը։ Հաստատվել էր 1992 թվականի հունիսի 2-ին երկրի Գերագույն խորհրդի որոշմամբ^[3]։ Չեղյալ է հայտարարվել 2023 թվականի սեպտեմբերի 20-ին։

Արցախի Հանրապետության պետական դրոշը սահմանվում և պաշտպանվում էրԱրցախի սահմանադրության հոդված 21-ով^[4]։

Նկարագրություն խմբագրել

Արցախի Հանրապետության դրոշը իրենից ներկայացնում էր ուղղանկյունաձև պաստառ (կտոր), որը բաժանված է հորիզոնական երեք համահավասար մասերի և ունի կարմիր, կապույտ նարնջագույն գույներ, որոնք դասավորված են վերևից ներքև։ Կտորի աջ կողմի երկու ծայրերից սկսվում է սպիտակ հնգատամ սանդղանման գորգանախշ, որը միանում է դրոշի մեկ երրորդ հատվածի վրա՝ խորհրդանշելով Արցախի բաժանումը մայր Հայաստանից։ Դրոշի լայնության և երկարության հարաբերակցությունը կազմում է 1:2 չափերի^[3]^[4]։

Պատկերասրահ խմբագրել

Արցախի Հանրապետության դրոշը ծածանող երիտասարդները Շուշի քաղաքում, (25․10․2015թ․)
Հայաստանի և Արցախի դրոշները Նոր Խարխափուտ գյուղում տեղակայված անցակետում, (27․07․2017թ․)
Արցախի և Հայաստանի դրոշները Երևան-Սևան ավտոճանապարհի կողքին (01․05․2021թ․)
Հայաստանի Հանրապետության դրոշը, որի հիման վրա ստեղծվել է Արցախի դրոշը