Իրինա Դրամբյան

Իրինա Ռուբենի Դրամբյան (օգոստոսի 24, 1939(1939-08-24), Երևան, Հայկական ԽՍՀ, ԽՍՀՄ), արվեստաբան, արվեստագիտության դոկտոր (1999), Հայաստանի Հանրապետության արվեստի վաստակավոր գործիչ (2014)։

Իրինա Դրամբյան
Ծնվել է	օգոստոսի 24, 1939(1939-08-24) (84 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	Հայաստան և  ԽՍՀՄ
Կրթություն	Սանկտ Պետերբուրգի գեղարվեստի ակադեմիա և Մոսկվայի պետական համալսարան
Գիտական աստիճան	արվեստագիտության դոկտոր
Մասնագիտություն	արվեստագետ
Աշխատավայր	ՀՀ ԳԱԱ արվեստի ինստիտուտ
Ծնողներ	հայր՝ Ռուբեն Դրամբյան
Պարգևներ և մրցանակներ	Հայաստանի արվեստի վաստակավոր գործիչ
Անդամություն	Հայաստանի նկարիչների միություն

Արվեստաբան, ՀԽՍՀ արվեստի վաստակավոր գործիչ Ռուբեն Դրամբյանի դուստրն է։

Կենսագրություն

• 1963 թվականին ավարտել է Լենինգրադի Ռեպինի անվան գեղանկարչության, քանդակագործության և ճարտարապետության ինստիտուտը
• 1963 թվականից՝ ՀՀ ԳԱԱ Արվեստի ինստիտուտի, 1981 թվականից՝ ավագ գիտաշխատող, զբաղվել է հայ միջնադարյան կերպարվեստի պատմության հարցերով
• 1965-1968 թվականներին Դրամբյանն ուսումնառությունը շարունակել է Մոսկվայի Մ. Լոմոնոսովի անվան պետական համալսարանի պատմության ֆակուլտետի ասպիրանտուրայում՝ ԽՍՀՄ ԳԱ թղթակից անդամ, արվեստի ականավոր պատմաբան, բյուզանդական, հին ռուսական եւ արևմտաեվրոպական արվեստների 20-րդ դարի խոշորագույն մասնագետներից մեկի՝ արտասահմանյան 7 ակադեմիաների պաշտվավոր անդամ Վիկտոր Լազարևի ղեկավարությամբ
• 1970 թվականին Մոսկվայի պետական համալսարանում Դրամբյանը պաշտպանել է թեկնածուական ատենախոսություն՝ «Մանրանկարիչ Հակոբ Ջուղայեցու արվեստը» թեմայով և ստացել արվեստագիտության թեկնածուի գիտական աստիճան
• 1981 թվականին Դրամբյանն արժանացել է ԽՍՀՄ նկարիչների միության 1-ին կարգի դիպլոմի՝ ԽՍՀՄ գեղարվեստի ակադեմիայի կերպարվեստի տեսության և պատմության ինստիտուտի նախաձեռնությամբ լույս տեսած "История искусств народов СССР’’գիտահետազոտական բազմահատորյակի ստեղծմանը մասնակցելու համար
• 1999 թվականին պաշտպանել է դոկտորական ատենախոսություն՝ «Թորոս Ռոսլինը և ծաղկման շրջանի կիլիկյան գրքարվեստը», ստացել է արվեստագիտության դոկտորի գիտական աստիճան
• 1972 թվականից Հայաստանի նկարիչների միության անդամ է
• 2003 թվականին նրա անունը ընդգրկվել է ’’International Who’s Who of Professional and Business Women’’ հանրագիտարանում (հրատ.՝ ԱՄՆ-ում)։

Ուսումնասիրել է 13-րդ դարի Կիլիկիայի հայկական մանրանկարչությունն ու պատմամշակութային միջավայրը, որի արդյունքն ամփոփված է երկու հիմնարար մենագրություններում` նվիրված Թորոս Ռոսլինի ստեղծագործությանը և հետռոսլինական գրքարվեստի գլուխգործոցներից Հեթում Բ արքայի Ճաշոցին։ Վերջինում Իրինա Դրամբյանը տարբերակել է մատյանը ծաղկած չորս վարպետների ստեղծագործությունները, հաստատել Սկևռայի վանքը, որպես դրա ստեղծման վայր։

Երկեր

• Հեթում Բ արքայի Ճաշոցը, Ե., 2004 (հայերեն, ռուսերեն, անգլերեն)։
• Художественные сокровища Матенадарана, М., 1976 (համահեղինակ)։
• Фрески Кобайра, Е., 1979
• Дрампян И., Шедевр средневековья (Գրքերի աշխարհ, 15.VI.1979).
• La Miniature Arménienne XIIIe-XIVe siècle, Leningrad, 1984 (գերմաներեն, անգլերեն, ֆրանսերեն, համահեղինակ)։
• The Frescoes in the Church of St. Gregory the Illuminator founded by Tigran Honentc in Ani, "Armenian Review", 1990, vol. 43(համահեղինակ)։
• Торос Рослин, Е., 2000

Արտաքին հղումներ

• Իրինա Ռուբենի Դրամբյան(չաշխատող հղում)
• ՀՀ Գիտությունների ազգային ակադեմիայի Հիմնարար գիտական գրադարան