Թոմաս Դյուինգ
Թոմաս Դյուինգ (անգլ.՝ Thomas Wilmer Dewing, մայիսի 4, 1851[1][2][3][…], Բոստոն, ԱՄՆ - նոյեմբերի 5, 1938[1][2][4], Նյու Յորք, Նյու Յորք, ԱՄՆ), ամերիկացի նկարիչ-տոնալիստ[6], 10 ամերիկացի նկարիչների միության հիմնադիրներից մեկը։
Թոմաս Դյուինգ | |
|---|---|
 | |
| Ծնվել է | մայիսի 4, 1851[1][2][3][…] |
| Ծննդավայր | Բոստոն, ԱՄՆ |
| Վախճանվել է | նոյեմբերի 5, 1938[1][2][4] (87 տարեկան) |
| Մահվան վայր | Նյու Յորք, Նյու Յորք, ԱՄՆ |
| Քաղաքացիություն | .svg){kind=small} ԱՄՆ |
| Կրթություն | Ժյուլիանի ակադեմիա |
| Մասնագիտություն | նկարիչ և լուսանկարիչ |
| Ոճ | իմպրեսիոնիզմ |
| Թեմաներ | գեղանկարչություն |
| Ուշագրավ աշխատանքներ | Q17492125? |
| Ուսուցիչ | Գուստավ Բուլանժե |
| Անդամակցություն | 10 ամերիկացի նկարիչներ և Արվեստի և գրականության ամերիկյան ակադեմիա |
| Ամուսին | Մարիա Օկի Դյուինգ[5] |
 Thomas Dewing Վիքիպահեստում | |
Կենսագրություն խմբագրել
Ծնվել 1851 թվականի մայիսի 4-ին Մասաչուսեթս նահանգի Բոստոն քաղաքում։
Դպրոցից հետո աշխատել է որպես վիմագրողի աշակերտ։ Այնուհետև սովորել է Փարիզի Ժյուլիանի ակադեմիայում` լինելով Գուստավ Բուլանժեի և Ժյուլ Լեֆևրի աշակերտը։ 1878 թվականին վերադառնալով Միացյալ Նահանգներ` կանգ է առել Բոստոնում։ 1880 թվականին տեղափոխվել է Նյու Յորք, որտեղ ծանոթացել և ամուսնացել է նկարչուհի Մարիա Օկիի հետ։ 1881 թվականին սկսել է դասավանդել Նյու Յորքի ուսանող նկարիչների լիգայի գեղարվեստական դպրոցում։ 1885-1905 թվականներին կնոջ հետ ամառներն անց է կացրել Նյու Հեմփշիր նահանգի Կորնիշ քաղաքի գեղարվեստական գաղութում։
1888 թվականին Թոմաս Դյուինգն ընտրվել է որպես Դիզայնի ազգային ակադեմիայի անդամ։ 1898 թվականին դարձել է 10 ամերիկացի նկարիչների միության հիմնադիրներից մեկը, ովքեր 1897 թվականին առանձնացել էին Ամերիկացի նկարիչների միությունից։ 1899 թվականին Դյուինգը դարձել է Բնանկարիչների միության անդամ (անգլ.՝ Society of Landscape Painters), որը հիմնդարվել էր հենց նույն թվականին և որտեղ նա աշխատել է ուրիշ նկարիչ-տոնալիստների հետ։
1920 թվականից հետո դադարեցրել է նկարել և կյանքի վերջին տարիներն անցկացրել է իր տանը Նյու Հեմփշիր նահանգի Կորնիշ քաղաքում։ Մահացել է 1938 թվականին Նյու Յորքում։ Թաղվել է Մասաչուսեթս նահանգի Քեմբրիջ քաղաքի Mount Auburn Cemetery գերեզմանատանը[7]։
Ամուսնացած է եղել նկարչուհի Մարի Օկի (Դյուինգի) հետ։ Նրանց որդին մահացել է մանուկ հասակում։ ունեցել են դուստր, Էլիզաբեթը, ով ծնվել է 1885 թվականին։
Աշխատանքներ խմբագրել
Դյուինգի աշխատանքները պահվում են շատ թանգարաններում, մասնավորապես, Սմիթսոնյան ինստիտուտի արվեստի թանգարանում, ինչպես նաև մասնավոր հավաքածուներում, Ջոն Գելաթլիի (անգլ.՝ John Gellatly), Չարլզ Ֆրիրի և այլ կոլեկցիոներների հավաքածուներում[8]։
- Որոշ աշխատանքներ
-
-
-
Ծանոթագրություններ խմբագրել
- ↑ 1,0 1,1 1,2 1,3 1,4 RKDartists (նիդերլ.)
- ↑ 2,0 2,1 2,2 2,3 2,4 Thomas Wilmer Dewing // Benezit Dictionary of Artists — OUP, 2017. — ISBN 978-0-19-977378-7 — doi:10.1093/BENZ/9780199773787.ARTICLE.B00050830
- ↑ 3,0 3,1 Anderson R. C. Dewing, Thomas Wilmer // Grove Art Online / J. Turner — [Oxford, England], Houndmills, Basingstoke, England, New York: OUP, 2018. — ISBN 978-1-884446-05-4 — doi:10.1093/GAO/9781884446054.ARTICLE.T022542
- ↑ 4,0 4,1 4,2 Կերպարվեստի արխիվ — 2003.
- ↑ Union List of Artist Names — 2020.
- ↑ Тонализм. Томас Уилмер Дьюинг.
- ↑ Thomas William Dewing(անգլ.)
- ↑ «Работы Томаса Дьюинга». Արխիվացված է օրիգինալից 2016 թ․ օգոստոսի 15-ին. Վերցված է 2018 թ․ սեպտեմբերի 26-ին.
Արտաքին հղումներ խմբագրել
- Paintings by Thomas Wilmer Dewing Արխիվացված 2008-08-28 Wayback Machine(անգլ.)
- Художник Thomas Wilmer Dewing
 | Վիքիպահեստն ունի նյութեր, որոնք վերաբերում են «Թոմաս Դյուինգ» հոդվածին։ |