Զավեն Գրիգորյան
- Վիքիպեդիայում կան հոդվածներ Գրիգորյան ազգանունով այլ մարդկանց մասին։
Զավեն Տիգրանի Գրիգորյան (հունվարի 14, 1910[1][2], Ձիթհանքով, Ալեքսանդրապոլի գավառ, Երևանի նահանգ, Կովկասի փոխարքայություն, Ռուսական կայսրություն[1][2] - փետրվարի 14, 1992[2], Երևան, Հայաստան[2]), հայ խորհրդային պատմաբան։ Պատմական գիտությունների դոկտոր, պրոֆեսոր (1952), ՀԽՍՀ գիտության վաստակավոր գործիչ (1965)։
Զավեն Գրիգորյան | |
|---|---|
| Ծնվել է | հունվարի 14, 1910[1][2] Ձիթհանքով, Ալեքսանդրապոլի գավառ, Երևանի նահանգ, Կովկասի փոխարքայություն, Ռուսական կայսրություն[1][2] |
| Մահացել է | փետրվարի 14, 1992[2] (82 տարեկան) Երևան, Հայաստան[2] |
| Քաղաքացիություն |  Ռուսական կայսրություն,  ԽՍՀՄ և  Հայաստան |
| Ազգություն | հայ |
| Մասնագիտություն | պատմաբան և քաղաքական գործիչ |
| Հաստատություն(ներ) | ՀԿԿ[1] և Հայկական պետական մանկավարժական համալսարան[1][2] |
| Ալմա մատեր | ԵՊՀ պատմության ֆակուլտետ (1935)[1] |
| Կոչում | պրոֆեսոր[1][2] |
| Գիտական աստիճան | պատմական գիտությունների դոկտոր[1][2] |
| Տիրապետում է լեզուներին | հայերեն |
| Պարգևներ | |
| Կուսակցություն | ԽՄԿԿ[1] |
Կենսագրություն խմբագրել
Ավարտել է Երևանի պետական համալսարանի պատմության ֆակուլտետը (1935)։ 1941-1953 թվականներին վարել է կուսակցական և պետական ղեկավար պաշտոններ (ՏԿԿ Երևանի քաղկոմի, ապա ՏԿԿ Կենտկոմի ագիտացիայի և քարոզչության բաժնի վարիչ, «Լենինյան ուղիով» ամսագրի խմբագիր, ՏԿԿ Կենտկոմի քարտուղար, ՀԿԿ Կենտկոմի երկրորդ քարտուղար (պրոպագանդայի գծով), հետագայում գլխավորեց ՀԽՍՀ Կուլտուրայի (մշակույթի) նորաստեղծ նախարարությունը)։ 1957 թվականից եղել է Երևանի Խաչատուր Աբովյանի անվան մանկավարժական ինստիտուտի ԽՍՀՄ ժողովուրդների պատմության ամբիոնի վարիչ։ Գրիգորյանի «Ռուս և հայ ժողովուրդների ռազմական համագործակցությունը» (1957), «Արևելյան Հայաստանի միացումը Ռուսաստանին 19-րդ դարի սկզբին» (1959, ռուս), «Հայ և Ռուս ժողովուրդների դարավոր բարեկամությունը» (հ․ 1-2, 1960-1967 թվականներին) աշխատություններում արծարծված են Ռուսաստանի հետ հայերի տնտեսական, մշակութային և ռազմաքաղաքական կապերի սկզբնավորումն ու զարգացման պատմությունը[3][4]։
1951-1955 թվականներին եղել է ՀԽՍՀ ԳԽ պատգամավոր։
Երկեր խմբագրել
- Ծրագրային թեմատիկ նյութեր ԽՍՀՄ-ի ժողովուրդների պատմության ուսումնասիրության, Երևան, 1938։
- Հայ և ռուս ժողովուրդների պատմական բարեկամությունը, Երևան, 1942։
- Պատմության դասերը, Երևան, 1943։
- Սովետական Հայաստանը 25 տարում, Երևան, 1945։
- Ռուս-հայ ժողովուրդների ռազմական համագործակցությունը XIX դ. սկզբին, Երևան, 1957։
- Հայ և ռուսական ժողովուրդների դարավոր բարեկամությունը (հ. 1-2), Երևան, 1960-1967։
- Արևելյան Հայաստանի միացումը Ռուսաստանին և նրա պատմական նշանակությունը, Երևան, 1978[5]։
- Պատմության հարցեր։ Գիտական աշխատությունների միջբուհական ժողովածու, Երևան, 1978։
Ծանոթագրություններ խմբագրել
- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
- ↑ 2,00 2,01 2,02 2,03 2,04 2,05 2,06 2,07 2,08 2,09 2,10 2,11 2,12 2,13 Հայկական համառոտ հանրագիտարան (հայ.) — Հայկական հանրագիտարան հրատարակչություն, 1990. — հատոր 1.
- ↑ «Ով ով է հայեր. (Կենսագրական հանրագիտարան)», հատոր առաջին, Երևան, 2005։
- ↑ Հայկական համառոտ հանրագիտարան, հ. 1. 1990.
- ↑ «Bibliothèque de l'Église apostolique arménienne - Paris - Գրիգորյան , Զավեն Տիգրանի». www.bibliotheque-eglise-armenienne.fr. Վերցված է 2019 թ․ հունվարի 14-ին.
 | Վիքիդարանն ունի նյութեր, որոնք վերաբերում են «Զավեն Գրիգորյան» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 226)։ 
|
| Նախորդող Արտավազդ Եղիազարյան |
ՀԽՍՀ լուսավորության ժողովրդական կոմիսար Զավեն Գրիգորյան 27 մարտի - 29 դեկտեմբերի 1953 |
Հաջորդող Անդրանիկ Շահինյան |