Գրամոֆոնների և հնչյունագրերի թանգարան
Գրամոֆոնների և հնչյունագրերի թանգարան (ռուս.՝ Музей граммофонов и фонографов), մասնավոր թանգարան է Ռուսաստանի Սանկտ Պետերբուրգ քաղաքում։ Հիմնադրվել է 1997 թվականի ապրիլի 14-ին կրկեսի դերասան, ծաղրածու և վարժեցնող Վլադիմիր Դերյաբկինի կողմից։
Գրամոֆոնների և հնչյունագրերի թանգարան | |
|---|---|
 | |
| Տեսակ | թանգարան |
| Երկիր |  Ռուսաստան |
| Տեղագրություն | Սանկտ Պետերբուրգ |
| Հիմնադրվել է | ապրիլի 14, 1997 |
| Կայք | grammofonspb.ru/index.php/o-muzee/istoriya |
 | |
 | |
Ցուցադրություն խմբագրել
Շրջելով Ռուսաստանի քաղաքներում և արտերկրում՝ թանգարանը ստեղծողը հավաքել է ռուսական և արտասահմանյան հայտնի ապրանքանիշերի հնչյունագրերի, գրամոֆոնների և պատեֆոնների մեծ հավաքածու։ Դրանց թվում են «Բուրխարդը», «Ռեբիկովը», «Ցիմերմանը»։ Ներկայում հավաքածուն ունի ավելի քան երեք հարյուր եզակի ցուցանմուշ, որոնք կապված են 19-րդ դարի երկրորդ կեսի - 20-րդ դարի սկզբի ձայնագրության և հարակից կենցաղային իրերի զարգացման հետ։ Ցուցանմուշների մեծ մասը վերականգնվել է և գտնվում է աշխատանքային վիճակում։ Երաժշտական սարքերի տերերի թվում են եղել այնպիսի լեգենդար մարդիկ, ինչպիսիք են երգիչ Ֆեոդոր Շալյապինը, ռեժիսոր Կոնստանտին Ստանիսլավսկին, երգչուհի Նադեժդա Պլևիցկայան, օպերային երգիչ Իվան Երշովը։ Թանգարանում կարելի է տեսնել ամենահազվագյուտ հնագույն ցուցանմուշներ Ամերիկայից, Ֆրանսիայից, Գերմանիայից և Ռուսաստանի տարբեր քաղաքներից[1]։
Որպես հավելում թանգարանում ցուցադրվում են երգեհոնիկներ և երաժշտական արկղիկեր։ Ինքնաեռների ոչ մեծ հավաքածուն գտնվում է թանգարանի առանձին ցուցասրահում[1]։
Շենք խմբագրել
Թանգարանը գտնվում է Սանկտ Պետերբուրգի հինավուրց եկամտաբեր տանը, որտեղ ապրել են անվանի մարդիկ։ Գտնվում է այն տնից ոչ հեռու, որտեղ ապրել է երգիչ Ֆեոդոր Շալյապինը[1]։
Պատկերասրահ խմբագրել
-
Թանգարանի ցուցանակ -
Թանգարանի մուտքը -
«Եթե Դուք ցանկանում եք տեսնել այն, ինչ ոչ մի տեղ երբեք չեք տեսնի, այցելեք Դերյաբկինի թանգարան»
Ծանոթագրություններ խմբագրել
- ↑ 1,0 1,1 1,2 «Музей граммофонов и фонографов». www.museum.ru. Վերցված է 2021 թ․ մայիսի 18-ին.
Արտաքին հղումներ խմբագրել
- Թանգարանի էջը museum.ru-ում
- Թանգարանի լուսանկարներ