Գեորգի Ֆրանգուլյան

Գեորգի Վարդանի Ֆրանգուլյան (մայիսի 29, 1945(1945-05-29), Sololaki), հայ քանդակագործ, ՌԴ ժողովրդական նկարիչ։

Գեորգի Ֆրանգուլյան
Ծնվել է	մայիսի 29, 1945(1945-05-29) (78 տարեկան)
Ծննդավայր	Sololaki
Քաղաքացիություն	ԽՍՀՄ և  Ռուսաստան
Կրթություն	«Երկրորդ դպրոց» լիցեյ և Մոսկվայի Ս. Ստրոգանովի անվան արվեստի և արդյունաբերության ակադեմիա
Ուսուցիչ	«Երկրորդ դպրոց» լիցեյ
Ստեղծագործություն(ներ)	Պետրոս I-ի հուշարձան, Ալեքսանդր Պուշկինի հուշարձան, Բուլատ Օկուջավայի հուշարձան, Արամ Խաչատրյանի հուշարձան, Ելցինի հուշարձան և Իսահակ Բաբելի հուշարձան
Ժանր	քանդակագործություն
Մասնագիտություն	քանդակագործ և ուսուցիչ
Պարգևներ և մրցանակներ	և
Անդամություն	ԽՍՀՄ նկարիչների միություն
Georgiy Frangulyan Վիքիպահեստում

Կենսագրություն

Գեորգի Ֆրանգուլյանը ծնվել է Թբիլիսիի Սոլոլակի շրջանում 1945 թվականին։ 1956 թվականին ընտանիքով տեղափոխվել են Մոսկվա։ 1964 թվականին ընդունվել է Ստրոգանովի անվան արվեստի բարձրագույն ուսումնարան, որտեղ ուսանել է Ջորջ Մոտովիլովի և Ալեքսանդր Մատվեևի դպրոցներում։ Դեռևս ուսանողական տարիներից մասնակցում է ցուցահանդեսների։ Ունեցել է շուրջ 100 ցուցահանդես։ Գեորգի Ֆրանգուլյանը ստեղծագործում է հաստոցային մոնումենտալ արվեստի բնագավառում։ Աշխատում է տարբեր նյութերով՝ բրոնզ, մարմար, փայտ, կերամիկա։ Ֆրանգուլյանի գործերում առանձնահատուկ տեղ են գրավում գրաֆիկական աշխատանքները։
1990-ական թթ. Ֆրանգուլյանը ստեղծել է նոր ժանր, որը անվանել է «քանդակային դիզայն»` դրանք ֆունկցիոնալ իրեր են` օրիգինալ փոխաբերական մարմնավորմամբ («Ժամացույցը» շարքը, 1993, բրոնզ, ոսկի, արծաթ, կիսաթանկարժեք քարեր)։

Ստեղծագործությունները գտնվում են Տրետյակովյան պատկերասրահում, Պուշկինի անվան Կերպարվեստի պետական թանգարանում, աշխարհի տարբեր երկրների մասնավոր հավաքածուներում։

Ստեղծագործություններ

Քանդակներ

• 1977 «Փառքի պսակ» հուշարձանային համալիր, Նովոկուզնեցկ, բրոնզ
• 1986 «Կան և Ենիսեյ» շատրվան, Զելենոգորսկ, բրոնզ
• 1990 «Խաչելություն», Ռավեննայի Սուրբ Ֆրանսիս տաճար, Իտալիա
• 1992-1993 Մոսկվայի գիտությունների ռուսական ակադեմիայի շենքի այլաբանական պատկերներ, բրոնզ
• 1998 Պետրոս Առաջինի հուշարձանն Անտվերպում, Բելգիա, բրոնզ
• 1999 Ալեքսանդր Պուշկինի հուշարձանը Բրյուսելում, Բելգիա, բրոնզ
• 2003 Հուշարձան նվիրված կայսրուհի Ելիզավետային, բրոնզ
• 2007 Արամ Խաչատրյանի հուշարձան, Մոսկվա, Բրյուսով անցում, բրոնզ
• 2007 Դանթեի եռակայմ առագաստանավը, Վենետիկ, բրոնզ
• 2008 Բորիս Ելցինի գերեզմանաքարը Նովոդևիչևի գերեզմանոցում, Մոսկվա, սպիտակ մարմար, Բյուզանդական խճանկար կապույտ, կարմիր ծիրանաքար
• 2011 Բորիս Ելցինի հուշարձանը Եկատիրինբուրգում, մարմար
• 2011 Ժոզեֆ Բրոդսկու հուշարձանը Մոսկվայում, բրոնզ
• 2013 Եգոր Գայդարի հուշարձանը Մոսկվայում, բրոնզ
• 2014 «Սպիտակ քաղաք» քանդակային կոմպոզիցիա, Մոսկվա (չժանգոտվող պողպատ)
• 2015 Դմիտրի Շոստակովիչի հուշարձան, Մոսկվա (բրոնզ)
• 2015 Ալբերտ Այնշտայնի հուշարձան, Երուսաղեմ (բրոնզ)
• 2017 «Վշտի պատ» հուշարձան, Մոսկվա (բրոնզ)
• 2018 Անատոլի Տարասովի հուշարձան, Մոսկվա
• 2018 Միխայիլ Աֆանեսևիչ Բուլգակովի հուշարձան, Մոսկվա

Պարգևներ

• 2013 Մովսես Խորենացու մեդալ
• Ռուսաստանի Դաշնության ժողովրդական նկարիչ
• ՌԴ վաստակավոր նկարիչ
• «Պատվո նշան» շքանշան

Պատկերասրահ

• 
• 
• 
• 

Գրականություն

• Ольга Костина. Скульптура Франгуляна. Трилистник. Москва. 2006. С. 6—26 — Сайт скульптора Г. Франгуляна.
• Ольга Костина. «Посвящение в скульптуру» — на сайте журнала «Наше наследие» Искусство Георгия Франгуляна
• Аграновская М. Возвращение к бронзе // Творчество, № 2, 1988
• Светлов, Игорь Евгеньевич, Античный цикл Георгия Франгуляна // Декоративное искусство, № 9, 1981* журнал «Ереван» № 6 (55) июнь 2010 г.

Տես նաև

• Արամ Խաչատրյանի հուշարձան (Մոսկվա)

Արտաքին հղումներ

• Գեորգի Ֆրանգուլյանի կայքը Արխիվացված 2014-10-29 Wayback Machine

Վիքիպահեստն ունի նյութեր, որոնք վերաբերում են «Գեորգի Ֆրանգուլյան» հոդվածին։