Բալլադային օպերա

Բալլադային օպերա (անգլ.՝ ballad opera), կոմիկական օպերայի անգլիական տեսակը. տարածվել է 18-րդ դարում Իտալիայում, Ֆրանսիայում, Գերմանիայում, Իսպանիայում։ Ծագումը կապված է օպերա-երկխոսության և անգլիական երգիծական կոմեդիայի հետ։ Բալլադային օպերան հաճախ սուր երգիծական բնույթի է, երբեմն էլ պալատական օպերա-սերիաների պարոդիա է։ Երգերն ու պարերն ընդմիջվել են բանահյուսությունից փոխառած (կամ կոմպոզիտորների ստեղծած) խոսքային պատկերներով։ Բալլադային օպերայի առաջին դասական նմուշը Յոհան Քրիստոֆ Պեպուշի «Մուրացկանի օպերան» է (1728), որտեղ համարները կառուցված են երգային մոնտաժի սկզբունքով։ Այդ օպերայի նմանակումներից առավել հայտնի է Կուրտ Վայլի «Երեքգրոշանոց օպերան» (ըստ Բերտոլդ Բրեխտի, 1928)։

Նկար Յոհան Քրիստոֆ Պեպուշի «Մուրացկանի օպերայի» մոտիվներով, 3-րդ գործողություն, 2-րդ տեսարան, Ուիլյամ Հոգարթ, մոտ 1728 թվական

Բալլադային օպերաjի ազդեցությամբ ստեղծվել է նաև գերմանական զինգշպիլը՝ կոմիկական օպերայի տեսակը։

Երաժշտական քննադատ Փիթեր Գամմոնդը բալլադային օպերան նկարագրում է որպես «կարևոր քայլ ինչպես երաժշտական տեսարանի, այնպես էլ հանրաճանաչ երգի ազատագրման գործում»։

Գրականություն

• Edmond M. Gagey: Ballad Opera (New York: Columbia University Press, 1937; re-issued New York & London: Benjamin Blom, 1968).
• John Gay, ed. Hal Gladfelder: The Beggar's Opera and Polly (Oxford University Press, 2013).
• Grove's Dictionary of Music and Musicians, article "Ballad opera"
• Harold Rosenthal and John Warrack: The Concise Oxford Dictionary of Opera (Oxford, 1979), article "Ballad opera".
• Walter H. Rubsamen (ed.): The Ballad Opera. A Collection of 171 Texts of Musical Plays Printed in Photo-Facsimile, 28 volumes (New York, 1974).

Արտաքին հղումներ

• Brief history of British light opera

Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։