Արսեն Գրիգորյան (երգիչ, 1982)
Անվան այլ կիրառումների համար տե՛ս՝ Արսեն Գրիգորյան (այլ կիրառումներ)- Վիքիպեդիայում կան հոդվածներ Գրիգորյան ազգանունով այլ մարդկանց մասին։
Արսեն Գրիգորյան (հունվարի 20, 1982, Վարդենիկ, Մարտունու շրջան, Հայկական ԽՍՀ, ԽՍՀՄ), հայ դերասան, հաղորդավար, երգիչ։
| Արսեն Գրիգորյան | |
|---|---|
 | |
| Ծնվել է | հունվարի 20, 1982 (42 տարեկան) |
| Ծննդավայր | Վարդենիկ, Մարտունու շրջան, Հայկական ԽՍՀ, ԽՍՀՄ |
| Քաղաքացիություն |  Հայաստան և  ԽՍՀՄ |
| Կրթություն | Խաչատուր Աբովյանի անվան թիվ 84 դպրոց և Երևանի թատրոնի և կինոյի պետական ինստիտուտ (2002) |
| Մասնագիտություն | դերասան, հաղորդավար, երգիչ և հեռուստատեսային դերասան |
Կենսագրություն խմբագրել
Ծնվել է 1982թ. հունվարի 20-ին, ՀՀ Վարդենիկ գյուղում։ Վաղ հասակից բնակվել է Երևանում։ Ավարտել է Երևանի Խ.Աբովյանի անվան թիվ 84 միջնակարգ դպրոցը։ 1995-97թթ. սովորել է «Մետրո» թատրոնի մանկապատանեկան ստուդիայում։ 1997-2002թթ. աշխատել է «Գոյ» թատրոնում։ 1998-2002թթ. սովորել է Երևանի թատրոնի և կինոյի պետական ինստիտուտում։ 2002-11թթ. աշխատել է «Հայաստան հանրային», «Նոր ալիք» և «Արարատ» հեռուստաընկերություններում, և «Սիգմա TV» ընկերությունում, որտեղ վարել է բազմաթիվ հաղորդումներ՝ «Ազգային երաժշտական ալիք», «Երաժշտական փոստարկղ», «Մերկ ճշմարտություն», «Ռուբիկոն», «Թեժ տասնյակ» և այլն։ 2004թ-ից, որպես դերասան, աշխատում է Էդգար Էլբակյանի անվան դրամայի և կոմեդիայի թատրոնում, 2009թ-ից` Երևանի պետական Կամերային թատրոնում։ Թողարկել է 5 տեսահոլովակ։ Տարբեր երաժշտական մրցանակաբաշխությունների ժամանակ արժանացել է բազմաթիվ մրցանակների` «Տարվա հիթ», «Տարվա տեսահոլովակ» և այլն։ Նկարահանվել է մի շարք ֆիլմերում` «Մոխրաման», «Կյանքը մեկ օրում», «Կորցված և գտնված Հայաստանում», «Ալա Բալա Նիցա», «Արտիստը», «Դուռը բաց» և այլն։ 2011-16թթ. աշխատել է «32 Production» ընկերության և «Արմենիա» հեռուստաընկերության «32 ատամ» հումորային նախագծում[1]։
Ծանոթագրություններ խմբագրել
- ↑ Baghdasaryan, Aram. «AV Production - Արսեն Գրիգորյան». avproduction.am. Արխիվացված է օրիգինալից 2018 թ․ նոյեմբերի 2-ին. Վերցված է 2018 թ․ մայիսի 7-ին.