Աստվածածին (Թիմարի գավառ)

Անվան այլ կիրառումների համար տե՛ս՝ Աստվածածին (այլ կիրառումներ)

Աստվածածին, գյուղ Արևմտյան Հայաստանում, Վանի վիլայեթի Թիմարի գավառում։ Գտնվում էր Բերկրի քաղաքից 27 կմ հարավ-արևմուտք, Վանա լճի ափից 2 կմ հեռու, Լիմ կղզու դիմաց, կղզուց 15 կմ հեռավորության վրա։

Գյուղ
Աստվածածին
Վարչական տարածք	Արևմտյան Հայաստան
Վիլայեթ	Վանի վիլայեթՎանի վիլայեթ
Գավառ	Թիմարի գավառ
Այլ անվանումներ	Մերյակ, Միրակ, Միրյակ, Տիրամայր
Պաշտոնական լեզու	Հայերեն
Ազգային կազմ	Հայեր (մինչև Մեծ եղեռնը)
Կրոնական կազմ	Քրիստոնյա (մինչև Մեծ եղեռնը)
Տեղաբնականուն	աստվածածինեցի
Ժամային գոտի	UTC+3
Աստվածածին (Թիմարի գավառ) (Աշխարհ)

Պատմություն

Գյուղը թուրքերի ձեռքով ավերվել և ամայացել է 1915 թվականի Մեծ եղեռնի ժամանակ։ Մի կերպ փրկվածները բնակություն են հաստատել Արևելյան Հայաստանում։

Բնակչություն

Հայաբնակ գյուղ էր։ XIX դարի վերջին և XX դարի սկզբին ուներ 40-50 տուն հայ բնակիչ։

Տնտեսություն

Բնակչության հիմնական զբաղմունքը անասնապահություն, երկրագործությունն ու ձկնորսությունն էր։

Պատմամշակութային կառույցներ

Գյուղն ուներ Ս. Աստվածածին անունով գեղեցկաշեն կաթոլիկե եկեղեցի։

Տես նաև

• Վանի նահանգի հայաբնակ բնակավայրեր

Աղբյուրներ

• «Հայաստանի և հարակից շրջանների տեղանունների բառարան» (5 հատորով), 1986-2001 թթ., Երևանի Համալսարանի հրատարակչություն
• Արեւմտահայաստանի եւ Արեւմտահայութեան Հարցերու Ուսումնասիրութեան Կեդրոն

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 590)։