Անատոլի Դնեպրով
Անատոլի Դնեպրով (իսկական ազգանունը՝ Գրոս, ապրիլի 1, 1947, Դնեպր, Ուկրաինական ԽՍՀ, ԽՍՀՄ - մայիսի 5, 2008, Բելայա Կալիտվա, Ռոստովի մարզ, Ռուսաստան) ռուս երգիչ, երաժիշտ, երգահան։ Ռուսական շանսոնի վառ ներկայացուցիչ։
| Անատոլի Դնեպրով | |
|---|---|
 | |
| Հիմնական տվյալներ | |
| Բնօրինակ անուն | Анато́лий Семёнович Днепро́в |
| Ի ծնե անուն | Անատոլի Սիմյոնի Գրոս |
| Ծնվել է | ապրիլի 1, 1947 Դնեպրոպետրովսկ, ՈւԽՍՀ |
| Երկիր |  ԽՍՀՄ  ԱՄՆ  Ռուսաստան |
| Մահացել է | մայիսի 5, 2008 (61 տարեկան) Ռուսաստան |
| Գերեզման | Տրոեկուրովյան գերեզմանատուն |
| Ժանրեր | Ռուսական շանսոն, էստրադա |
| Մասնագիտություն | Երգիչ, երգահան |
| Գործիքներ | Դաշնամուր, սինթեզ |
| Կայք | dneprov.ru |
Կենսագրություն խմբագրել
Անատոլի Դնեպրովը ծնվել է Դնեպրոպետրովսկում, հրեական ընտանիքում։ 1963 թվականին ընդունվել է Դնեպրոպետրովսկի արդյունաբերական քոլեջ, իսկ 1964 թվականին՝ Գլինկայի անվան քաղաքային երաժշտական դպրոց։ 1967-1970-ական թվականներին ծառայել է Կիևում՝ Մոլդովական ու Ուկրաինական երգի և պարի անսամբլում, ապա աշխատել է որպես դաշնակահար Դնեպրոպետրովսկի Կառլ Լիբկնեխտաի անվան խողովակագլանման գործարանի ջազ նվագախմբում։ 1971 թվականին ավարտել է երաժշտական դպրոցը և տեղափոխվել Մոսկվա։ 1979-1987 թվականներին ապրել է Նյու-Յորքում։ 1987 թվականին երաժշտական գործունեություն է ծավալել ԽՍՀՄ-ում։
Անատոլի Դնեպրովը հեղինակ է ««В реку смотрятся облака», «Радовать», «Телефон доверия», «Еврейский мальчик», «Россия», «Армения», «Рюмка ностальгии», «Ах, как жаль» և այլ երգերի։
Անատոլի Դնեպրովի շատ երգերի խոսքերի հեղինակ է նրա կինը՝ Օլգա Պավլովա Գրոսը («Россия», «Как дела, Америка», «Окаянная», «Признание с поручиком Голицыным», «Не пойму», «Ах, как жаль», «Как нам дальше жить», «Адрес-Русь», «Мама выходит замуж», «Ты только мне не прекословь», «Ах, какие белые на синем», «Возвратите любовь», «Еврейский мальчик») և աները՝ հայտնի իմպրեսարիո՝ Պավել Լեոնիդի Լեոնիդովը[1] («Звёзды на лугу», «А море спит», «Целый мир», «Ока», «Веточка рябины»)։
Անատոլի Դնեպրովը 2008 թվականի մայիսի 5-ին համերգային ծրագրով Վոլգոգրադից Դոնի Ռոստով մեկնելիս ավտոմեքենայի մեջ հանկարծամահ է լինում Ռոստովի մարզի մարզի Բելի Կալիտվայից 18 կմ հեռավորության վրա։
Ընտանիք խմբագրել
- Կինը՝ Օլգա Պավելի Գրոս (ծննդյամբ՝ Լեոնիդովա, կեղծանունը՝ Օլգա Պավլովա)։
- Որդիները՝ գործարար-դոմեյներ Ֆիլիպ Գրոս, ՌԵԳ-ՌՈՒ խոշոր ընկերության համասեփականատեր, դոմեյներ Պավել Գրոս։
- Աղջիկը՝ Ելենա Գրոս։
Ծանոթագրություններ խմբագրել
- ↑ Анатолий Днепров: между двух берегов(չաշխատող հղում)