Ակնագարիկ

Ակնագարիկ (ակնակլունձ, տիկնակլունձ), կոպի ճարպագեղձի սուր թարախային բորբոքում։

Ակնագարիկ
Տեսակ	հիվանդության կարգ և ախտանիշ կամ նշան
Պատճառ	Ոսկեգույն ստաֆիլոկոկ
Բժշկական մասնագիտություն	ակնաբանություն
ՀՄԴ-9	373.11
Stye Վիքիպահեստում

Հիվանդության նախանշաններ

Հիվանդության սկզբում կոպի եզրը դառնում է ցավոտ, կարմրավուն, այտուցված։ 3-4 օր անց առաջանում է թարախային գլխիկ, որից հետագայում թարախ է արտադրվում։ Առավել հաճախ առաջանում է հիգիենային կանոնները խախտելիս, աչքերը կեղտոտ երեսսրբիչով, թաշկինակով սրբելիս կամ ձեռքերով տրորելիս։

Երբեմն բորբոքումն արդյունք է երկարատև և ծանր հիվանդությունների հետևանքով օրգանիզմի պաշտպանական ուժերի թուլացման (օրինակ՝ հաճախ է կրկնվում շաքարախտի ժամանակ)։

Բուժում

Ակնագարիկ առաջանալիս անհրաժեշտ է անհապաղ դիմել ակնաբույժի։ Չի կարելի թարախը սեղմելով հանել, քանի որ վարակը կարող է արյունատար անոթներով տարածվել և հանգեցնել լուրջ բարդությունների՝ ուղեղապատյանաբորբի, արյան վարակման։

Կանխարգելում

Կանխարգելման նպատակով անհրաժեշտ է պահպանել անձնական հիգիենայի կանոնները, օգտագործել պաշտպանական ակնոց (փոշոտ միջավայրում աշխատելիս), ժամանակին բուժել օրգանիզմի պաշտպանական ուժերը թուլացնող հիվանդությունները։

Ծանոթագրություններ

Վիքիպահեստն ունի նյութեր, որոնք վերաբերում են «Ակնագարիկ» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 1, էջ 226)։

Այս հոդվածի կամ նրա բաժնի որոշակի հատվածի սկզբանական տարբերակը վերցված է Հանրամատչելի բժշկական հանրագիտարանից, որի նյութերը թողարկված են Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։