Ալեքսանդր Սայադյան

Վիքիպեդիայում կան հոդվածներ Սայադյան ազգանունով այլ մարդկանց մասին։

Ալեքսանդր Գեորգիի Սայադյան (հոկտեմբերի 19, 1949, Մարալիկ, Հայկական ԽՍՀ, ԽՍՀՄ), հայ հաղորդավար։

Ալեքսանդր Գեորգիի Սայադյան
Ծնվել է	հոկտեմբերի 19, 1949 (74 տարեկան)
Ծննդավայր	Մարալիկ, Հայկական ԽՍՀ, ԽՍՀՄ
Քաղաքացիություն	ԽՍՀՄ, Հայաստան
Ազգություն	Հայ
Կրթություն	Մաքսիմ Գորկու անվան գրականության ինստիտուտ
Մասնագիտություն	Հաղորդավար

Կենսագրություն

Ալեքսանդր Սայադյանը ծնվել է 1949 թվականի հոկտեմբերի 19-ին Մարալիկում։ 1966 թվականին ավարտել է Էջմիածնի № 1 միջնակարգ դպրոցը։ Սովորել է Մոսկվայի հեռուստատեսության և ռադիոյի աշխատողների համամիութենական ինստիտուտում և Մոսկվայի Մաքսիմ Գորկու անվան գրականության ինստիտուտում։ 1971 թվականին մասնակցել է հայկական ռադիոյի հայտարարած մրցույթին և դարձել է հայկական ռադիոյի հաղորդավար։ Նույն թվականին տեղափոխվել է հեռուստատեսություն և մինչև 2000 թվականն աշխատել որպես հաղորդավար։

Վարել է երիտասարդական, արդյունաբերական, հասարակական-քաղաքական հաղորդումներ։ Եղել է «Լրաբեր» գլխավոր լրատվական ծրագրի առաջատար հաղորդավարը։ Փոխանակային ծրագրերի շրջանակներում ներկայացրել է Հայաստանը ուկրաինական, էստոնական, լատվիական, թուրքմենական, ղրղզական և Ռուսաստանի Կրասնոյարսկի, Ստավրոպոլի, Կեմերովոյի, Դոնի Ռոստովի մարզային հեռուստաընկերությունների եթերում։

Ներդրում է ունեցել «Մայր Հայրենիք» (հետագայում՝ «Հայրենիք») և «Այգ» (հետագայում՝ «Երևան») հեռուստաընկերությունների ստեղծման և կայացման գործում։ «Բարի Լույս» հեղինակային ծրագրով 2004-2013 թվականներին աշխատել է Հայաստանի հանրային ռադիոյում և «Արձագանք» ռադիոկայանում։ Զբաղվում է նաև մանկավարժական գործունեությամբ։

Արտաքին հղումներ

• Ալեքսանդր Սայադյան, Կարինե Սարգսյան