Հայկ Կյուտենյան
Հայկ Սարգսի Կյուտենյան (Գյուտենյան) (մայիսի 19, 1886[1], Կեսարիա, Թուրքիա[1] - մայիսի 12, 1972, Crescent Beach, Սենտ Ջոնս շրջան, Ֆլորիդա, ԱՄՆ), հայ ջութակահար, կոմպոզիտոր։
| Հայկ Կյուտենյան | |
|---|---|
 | |
| Բնօրինակ անուն | արմտ. հայ.՝ Հայկ Կիւտէնեան |
| Ծնվել է | մայիսի 19, 1886[1] Կեսարիա, Թուրքիա[1] |
| Երկիր | .svg){kind=small} Օսմանյան կայսրություն և  ԱՄՆ |
| Մահացել է | մայիսի 12, 1972 (85 տարեկան) Crescent Beach, Սենտ Ջոնս շրջան, Ֆլորիդա, ԱՄՆ |
| Գերեզման | Lapeer |
| Մասնագիտություն | ջութակահար և կոմպոզիտոր |
| Գործիքներ | ջութակ |
| Աշխատավայր | Cincinnati Conservatory of Music? |
| Կրթություն | Էսայան վարժարան[1] |
Կենսագրություն խմբագրել
Սովորել է Կոստանդնուպոլսի Եսայան վարժարանում և Թագավորական լիցեյում։ Բրյուսելում աշակերտել է Ս. Թոմսոնին, Պրահայում՝ Օ. Շևչիկին (սովորեցրել է նվագել ջութակ), Վ. Նովակին (կոմպոզիցիա), Փարիզում՝ Վ. դ’Էնդիին (տեսություն)։ Հավաքել է Արևելքի և Բալկանյան երկրների ժողովրդական մեղեդիներ։ 1905 թվականից համերգներ է տվել Բրյուսելում, Փարիզում, Լոնդոնում, Պրահայում, Կոստանդնուպոլսում, Կահիրեում և այլուր, 1908-1909 թվականներին՝ Թիֆլիսում և Կովկասի այլ քաղաքներում։ 1918 թվականին տեղափոխվել է ԱՄՆ, հրավիրվել մանկավարժական աշխատանքի (փոխարինել է նշանավոր ջութակահար. Իզայիին), կնոջ՝ դաշնակահարուհի Կ. Լոուի հետ շարունակել ելույթները ԱՄՆ-ի, Անգլիայի, Ֆրանսիայի քաղաքներում։ Դրել է յուրահատուկ գրավիչ լեզվով առանձնացող սիմֆոնիաներ (մեծ մասամբ ծրագրային), երկեր ջութակի («Հայկական մեղեդի», «Հայկական օրորոցային», «Աշուղ», «Արևելյան երեք պար», «Անցնող քարավան», «Հովիվ»), ալտի, դաշնամուրի, ձայնի, նվագախմբի համար։
Ծանոթագրություններ խմբագրել
- ↑ 1,0 1,1 1,2 1,3 1,4 1,5 Հայկական սովետական հանրագիտարան (հայ.) / Վ. Համբարձումյան, Կ. Խուդավերդյան — Հայկական հանրագիտարան հրատարակչություն, 1974.
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 492)։ 
|