Անտոն Մայիլյան
- Վիքիպեդիայում կան հոդվածներ Մայիլյան ազգանունով այլ մարդկանց մասին։
Անտոն Սարգսի Մայիլյան (մարտի 16 (28), 1880[1], Թիֆլիս, Կովկասի փոխարքայություն, Ռուսական կայսրություն[1] - ապրիլի 20, 1942[1], Բաքու, Ադրբեջանական ԽՍՀ, ԽՍՀՄ[1]), հայ խորհրդային կոմպոզիտոր, խմբավար, մանկավարժ, երաժշտական-հասարակական գործիչ։ Ադրբեջանական ԽՍՀ արվեստի վաստակավոր գործիչ (1930)։
| Անտոն Մայիլյան | |
|---|---|
 | |
| Հիմնական տվյալներ | |
| Ծնվել է | մարտի 16 (28), 1880[1] Թիֆլիս, Կովկասի փոխարքայություն, Ռուսական կայսրություն[1] |
| Երկիր |  Ռուսական կայսրություն և .svg){kind=small} ԽՍՀՄ |
| Մահացել է | ապրիլի 20, 1942[1] (62 տարեկան) Բաքու, Ադրբեջանական ԽՍՀ, ԽՍՀՄ[1] |
| Մասնագիտություն | կոմպոզիտոր, chorus master, երաժշտության ուսուցիչ և հասարակական գործիչ |
| Աշխատավայր | Թատրոն և երաժշտություն[1] |
| Կրթություն | Ներսիսյան դպրոց[1] |
| Պարգևներ |  և  |
Կենսագրություն խմբագրել
Ընդհանուր կրթությունն ստացել է Թիֆլիսի Ներսիսյան դպրոցում, մասնագիտականը՝ Թիֆլիսի երաժշտական ուսումնարանում (1900-1904)։ Աշակերտել է Քրիստափոր Կարա-Մուրզային, Մակար Եկմալյանին, Ն. Կլենովսկուն, Ն. Նիկոլաևին։ Ղեկավարել է Բաքվի Հայարտան երաժշտական սեկցիան, կազմակերպել թատերական-երաժշտական ստուդիա, երգչախմբեր, համերգներ տվել Անդրկովկասի հայաշատ քաղաքներում։ 1910-1917 թվականներին խմբագրել և հրատարակել է «Թատրոն և երաժշտություն» հանդեսը։ Գրել է «Սաֆա» օպերան (1933, լիբրետոն Մայիլյանի, բեմադրվել է Բաքվում, Ախունդովի անվան օպերայի և բալետի թատրոնում, 1939), երաժշտական կատակերգություններ, բալետ, սիմֆոնիա, վոկալ-սիմֆոնիկ, կամերային-գործիքային երկեր, մանկական օպերաներ (այդ թվում՝ «Գյուլնազ տատի հեքիաթը», ըստ Ղ. Աղայանի, 1906, «Չարաճճի Միկիչը», ըստ Հովհաննես Թումանյանի, 1925), ռոմանսներ, երգեր, կատարել ժողովրդական երգերի մշակումներ և այլն։ Իր գործունեությամբ նպաստել է Անդրկովկասի ժողովուրդների բարեկամության ամրապնդմանը։
Մայիլյանի դուստրը՝ էլզա Անտոնի Մայիլյանը (ծնվել է 21.10.1926, Թբիլիսի), կոմպոզիտոր է, դիրիժոր և մանկավարժ։
Ծանոթագրություններ խմբագրել
Գրականություն խմբագրել
Մանուկյան Մ., Անտոն Մայիլյան, Ե., 1965[1]:
Արտաքին հղումներ խմբագրել
- Անտոն Մայիլյան Արխիվացված 2020-12-03 Wayback Machine
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 200)։ 
|
- ↑ «Անտոն Մայիլյան». Արխիվացված է օրիգինալից 2020 թ․ հոկտեմբերի 24-ին. Վերցված է 2015 թ․ մարտի 16-ին.