Zwack
Zwack, հունգարական ընկերություն, որն զբաղվում է լիկյորների և ալկոհոլային խմիչքների արտադրությամբ։ Արտադրում է Ունիկում բիթեր, որն ունի 40% թնդություն և ստացվում է ավելի քան 40 խոտաբույսերից։ Ունիկումը Հունգարիայի ազգային խմիչքներից մեկն է։
Zwack | |
---|---|
Տեսակ | բիզնես ձեռնարկություն և ձեռնարկություն |
Հիմնադրված է | 1840 |
Հիմնադիր | József Zwack? |
Վայր | Բուդապեշտ, Հունգարիա |
Երկիր | Հունգարիա |
Կայք | zwackunicum.hu |
Ընկերության պատմությունն սկսվում է 1790 թվականից, երբ բժիշկ Յոզեֆ Ցվակն ստեղծել է Ունիկում բալզամը։ 1993 թվականին ընկերությունը գրանցվել է Բուդապեշտի ֆոնդային բորսայում։
Պատմություն խմբագրել
1840 թվականին Յոզեֆ Մաքս Ցվակը Պեշտում հիմնադրել է օղու գործարան J. Zwack & Co ապրանքանիշի ներքո։ Այդ գործարանը դարձել է լիկյորի առաջին արտադրողը Հունգարիայում[1]։ Ընկերության գործերը հաջող են ընթացել հիմնականում արտադրանքի արտահանման շնորհիվ։ Արտադրության աճի շնորհիվ գործարանը տեղափոխվել է նոր վայր՝ Բուդապեշտի (Ֆերնցվարոր) 9-րդ թաղամաս, որտեղ այն գործում է մինչ այսօր։ 1900-ականների սկզբին այն Կենտրոնական Եվրոպայի խմիչքներ արտադրող խոշորագույն ընկերություններից մեկն էր, որն արտադրում և արտահանում էր ավելի քան 200 տեսակի լիկյոր և ալկոհոլային խմիչքներ։
Երկրորդ համաշխարհային պատերազմի ժամանակ Zwack գործարանն ավերվել է։ 1948 թվականին վերականգնվելուց հետո այն ազգայնացվել է կոմունիստական իշխանությունների կողմից։ Ցվակի ընտանիքը փախել է Իտալիա։ 1989 թվականին Պիտեր Ցվակը (1927-2012) Underberg խմբի աջակցությամբ կարողացել է գնել գործարանը։ 2008 թվականին Պիտեր Ցվակն ընկերության ղեկավարությանը հանձնել է իր երեխաներին՝ Շանդորին և Իզաբելլային։ Ներկայում Zwak ընտանիքին և Underberg ընկերությանը պատկանում է ձեռնարկության 50%-ը։
Ունիկում հայտնի բալզամից բացի Zwack-ը նաև արտադրում է շատ այլ թունդ ալկոհոլային խմիչքներ։ Այլ ապրանքատեսակների շարքում են՝
- Vilmos
- St. Hubertus
- Fütyülős
- Zwack Pálinkák
- Kalinka Vodka
- Puszta Barack
Ընկերությունն արտադրում է նաև Տոկայի գինիներ։
Ծանոթագրություններ խմբագրել
- ↑ «The Zwack Unicum History». Unicum.hu. Արխիվացված է օրիգինալից 2017 թ․ ապրիլի 21-ին. Վերցված է 2015 թ․ նոյեմբերի 3-ին.
Գրականություն խմբագրել
- Ingrid Haslinger. Kunde — Kaiser. Die Geschichte der ehemaligen k. u. k. Hoflieferanten. Schroll, Wien (1996). ISBN 3-85202-129-4.