XIX դարի փոստային կայան (Ակսայ)
XIX դարի փոստային կայան (ռուս.՝ Почтовая станция XIX века), ճարտարապետական համալիր, Ռոստովի մարզի Ակսայ քաղաքի թանգարան, որը հիմնադրվել է 1992 թվականին[1]։
XIX դարի փոստային կայան | |
|---|---|
 | |
| Տեսակ | թանգարան |
| Երկիր |  Ռուսաստան |
| Տեղագրություն | Ակսայ |
| Վայր | Ռոստովի մարզ և Ակսայ |
| Հիմնադրվել է | 1992 |
 | |
 | |
Նկարագրություն
խմբագրելՄտնում է Ակսայի ռազմապատմական թանգարանի կազմի մեջ[1]։ Թանգարանը համագործակցում է քաղաքի կրթական հաստատությունների, կազմակերպությունների և ձեռնարկությունների հետ։ Այցելուների համար կարդացվում են քաղաքի պատմության և Դոնի երկրամասի մասին դասախոսություններ, կազմակերպվում են էքսկուրսիաներ, տարբեր միջոցառումներ։
Փոստային կայանը բնակելի և տնտեսական շինություններից բաղկացած ճարտարապետական համալիր է, գտնվում է Ակսայ քաղաքի կենտրոնում, Դոնի նախկին գետանցարանի մոտ[1]։ Թանգարանն ունի մի քանի մշտական ցուցադրություն, որոնք գտնվում են թանգարանի շենքում։
Թանգարանը վերստեղծում է XIX դարի փոստային կայանի բնորոշ տեսքը։
Թանգարանի տարածքում գտնվում են[1].
- փոստային վերակացուի տունը,
- հյուրանոցի շենքը,
- ջրհոր,
- կառքամառան,
- զրուցարան հանգստի համար։
Կայանը Ռուսաստանի մշակութային ժառանգության օբյեկտ է։
Ցուցադրություններ
խմբագրելԹանգարանի կենտրոնական ցուցահանդեսը` «Ակսայի փոստը», հյուրերին ծանոթացնում է ստանիցայի փոստի պատմությանը։ Փոստն այստեղ գործել է դեռևս XVIII դարում և եղել է ժամանակակից ավտոկայանների նախատիպը։ Այստեղ շուրջօրյա ընդունել են հանրակառքերն ու կառքերը։ Թանգարանի շենքում վերստեղծվել է փոստային կայանի ինտերիերը։
Թանգարանի տարածքում գործում են հետևյալ մշտական ցուցադրությունները.
- «Ակսայի հին տարեգրություն» ցուցահանդես, որտեղ ներկայացված են հնագույն բույսերի և կենդանիների քարացուկներ և մնացորդներ, նաև քարի դարի, բրոնզի դարի, երկաթի դարի և միջնադարի հնագիտական գտածոներ, որոնք հայտնաբերվել են Ակսայ գետի ավազանում
- կառքամառանի շենքում և բակում ցուցադրվում է XIX դարի վերջի - XX դարի սկզբի կենդանաքաշ տրանսպորտի հավաքածուն` սայլեր, սահնակներ, կառքեր, ֆաետոններ և սայլակառքեր։
Տոներ
խմբագրելԱմեն տարի հունիսի առաջին շաբաթ օրը փոստային կայանում տեղի է ունենում «Պուշկինյան տոն» ի պատիվ Ակսայ ստանիցա 1820 և 1829 թվականներին Ալեքսանդր Պուշկինի այցելության։
Պատմություն
խմբագրել Արտաքին պատկերներ
| |
|---|---|
|
«Գետանց» հուշարձան |
Թանգարանն աշխատում է սկսած 1992 թվականից։
Ակսայի փոստային կայանով տարբեր տարիներին անցել են Ալեքսանդր Պուշկինը, Միխայիլ Լերմոնտովը, Ալեքսանդր Գրիբոյեդովը, Լև Տոլստոյը, Ալեքսեյ Տոլստոյը, Նիկոլայ I-ը, Ալեքսանդր I-ը, Ալեքսանդր II-ը, Պյոտր Չայկովսկին, Նիկոլայ Ռաևսկին, աքսորյալ դեկաբրիստները և Ռուսական կայսրության այլ նշանավոր գործիչներ[1][2]։
1985 թվականին ներկայիս թանգարանի մուտքի մոտ բացվել է «Գետանց» հուշարձանը, որը թեք պատվանդանի վրա զինվորական բեռնատար մեքենա է։ Մեքենայի մոտ` պատվանդանին, տեղադրված են զենիթային թնդանոթներ։ Հուշարձանը կանգնեցվել է Հայրենական մեծ պատերազմի իրադարձությունների հիշատակին։ 1941-1943 թվականներին Ակսայսկայա ստանիցան երկու անգամ օկուպացրել են գերմանա-ֆաշիստական զավթիչները։ Այստեղ թեժ մարտեր են ընթացել։ 1942 թվականին 485-րդ հրետանային գնդի 3-րդ դիվիզիոնի զենիթային մարտկոցը պաշտպանել է քաղաքի բնակիչների Դոն գետով տարհանումը։
Պատկերասրահ
խմբագրել-
Վերստասյուն փոստային կայանում -
Փոստային կայանի գրասենյակը -
Փոստային կայանի հյուրանոցը -
Փոստային կայանը և Ա. Պուշկինի կիսանդրին -
Փոստային կայանի մուտքը -
Փոստային կայանը
Ծանոթագրություններ
խմբագրել- ↑ 1,0 1,1 1,2 1,3 1,4 «История Аксайского военно-исторического музея». Վերցված է 2017 Սեպտեմբեր 13-ին.
- ↑ «Достопримечательности Аксайского района. Военно-исторический комплекс». Վերցված է 2017 Սեպտեմբեր 13-ին.
Արտաքին հղումներ
խմբագրել- Город Аксай. Объекты туризма. Туризм в Донском крае. Արխիվացված 2017-06-21 Wayback Machine Портал «Донские зори»; Борис Панасюк. Проверено 3 июля 2017.
- История образования Аксайского района. Район: История. Ростовская область, г. Аксай: Администрация Аксайского района.
- Аксайский музей «Почтовая станция XIX века». Путеводитель: Достопримечательности: Россия — Юг: Ростовская область. М.: Туристический портал «В отпуск.ру».
 | Վիքիպահեստն ունի նյութեր, որոնք վերաբերում են «XIX դարի փոստային կայան (Ակսայ)» հոդվածին։ |