Վիքիպեդիա

The Notorious B.I.G.

Քրիստոֆեր Ջորջ Լատոր Ուոլաս (անգլ.՝ Christopher George Latore Wallace, մայիսի 21, 1972(1972-05-21)[4][5], Bedford–Stuyvesant, Բրուքլին, Նյու Յորք, Նյու Յորք, ԱՄՆ - մարտի 9, 1997(1997-03-09)[3], Լոս Անջելես, Լոս Անջելես շրջան, Կալիֆոռնիա, ԱՄՆ[6]), առավել հայտնի the Notorious B.I.G. (Նոտորիուս Բի-Այ-Ջի), Biggie Smalls (Բիգգի Սմոլս), կամ պարզապես՝ Biggie (Բիգգի)[7] բեմական կեղծանուններով, ամերիկացի ռեփեր, երգերի հեղինակ։

Նոտորիուս Բի-Այ-Ջի
Biggie Smalls Biggie
Հիմնական տվյալներ
Բնօրինակ անունThe Notorious B.I.G.
Ի ծնե անունՔրիստոֆեր Ուոլաս
Նաև հայտնի է որպեսThe Notorious B.I.G.[1], Biggie[1], Biggie Smalls և Frank White
Ծնվել է1972 մայիսի 21
Ամերիկայի Միացյալ Նահանգներ Բրուքլին, Նյու Յորք, ԱՄՆ
Երկիր ԱՄՆ
Մահացել էմարտի 9, 1997(1997-03-09) (տարիքը 24)
Ամերիկայի Միացյալ Նահանգներ Լոս Անջելես, Կալիֆորնիա, ԱՄՆ
ԳերեզմանFresh Pond Crematory and Columbarium
ԺանրերՀիփ հոփ
Գենգստա ռեփ
Իսթ քոսթ հիփ հոփ
ՄասնագիտությունՌեփեր, երգերի հեղինակ
Գործիքներվոկալ
Գործունեություն1992–1997
Լեյբլ
ԿրթությունՋորջ Ուեսթինգհաուսի կարիերայի և տեխնիկական կրթության ավագ դպրոց և «Բիշոպ Լաֆլին մեմորիալ» ավագ դպրոց
Կապված
ԱմուսինՖեյթ Էվանս[2]
Պարգևներ
 The Notorious B.I.G. Վիքիպահեստում

Ծնվել և մեծացել է Նյու Յորքի Բրուքլին թաղաամասում։ 1993 թվականին պայմանագիր է կնքել Շոն Քոմսի (Փաֆ Դեդդի) «Bad Boy Records» ձայնագրման լեյբլի հետ։ Սկզբնական ճանաչման է արժանացել մի շարք երաժիշտների ստեղծագործություններում ունեցած դուետների շնորհիվ։

1994 թվականին թողարկած «Ready to Die» դեբյուտային ալբոմն արժանանում է բարձր գնտահատանքի և կոմերցիոն հաջողության։ Ալբոմում տեղ գտած առավել հայտնի հիթային կատարումներից էին «Juicy» և «Big Poppa» ստեղծագործությունները։ Ալբոմի շնորհիվ Բիգգին դարձավ արևելյան ափի հիփ հոփի կենտրոնական գործիչներից մեկը, բարձրացրեց նյույորքյան հիփ հոփի նշմարվելիությունը մի ժամանակահատվածում, երբ առավել գերիշխող դիրքում էր արևմտյան ափը[8]։ Հաջորդ տարի Ուոլասն իր հովանավորյալ «Junior M.A.F.I.A.» համույթին նույնպես տարավ կոմերցիոն հաջողության ուղղով։

1996 թվականին, թվով երկրորդ ալբոմը ձայնագրելու ընթացքում, Ուոլասն առավել խճճվեց Արևելք-Արևմուտք սրվող հակամարտության մեջ։ 1996 թվականի սեպտեմբերին, երբ Լաս Վեգասում սպանվեց Թուփաք Շակուրը, լուրեր էին շրջանառվում, որ ռեփերի մահվան հետ առնչություն ունեին Ուոլասը և «Bad Boy»-ի շրջանակը։ 1997 թվականի մարտի 9-ին, Լոս Անջելես այցելելիս, Ուոլասը սպանվեց մեքենայից արձակված կրակոցների հետևանքով։ Ուոլասի մարդասպանը մինչ օրս անհայտ է։

Սպանությունից երկու շաբաթ անց թողարկվեց «Life After Death» ալբոմը և գրավեց առաջին հորիզոնականը «Billboard 200»-ում, ինչպես նաև Միացյալ նահանգներում ստացավ ադամանդե հավաստագրում[9]։ Հետագայում թողարկվել են ևս երկու հետմահու ալբոմներ։

Ուոլասի ալբոմներն ԱՄՆ-ում ընդհանուր առմամբ գրանցել են 28 միլիոն օրինակի վաճառք։ «Rolling Stone» հանդեսը Ուոլասին անվանել է «երբևէ ապրած մեծագույն ռեփեր» (greatest rapper that ever lived)։

2020 թվականին դարձել է Ռոքնռոլի փառքի սրահի անդամ։

Ծանոթագրություններ խմբագրել

  1. ↑ 1,0 1,1 Library of Congress Authorities — Library of Congress.
  2. ↑ Faith Evans Says Biggie Cried When He Heard Tupac Was Shot
  3. ↑ 3,0 3,1 Notorious B.I.G. Autopsy Report Released
  4. ↑ Deutsche Nationalbibliothek Record #13504099X // Gemeinsame Normdatei (գերմ.) — 2012—2016.
  5. ↑ Find A Grave — 1996.
  6. ↑ 6,0 6,1 Notorious B.I.G. Autopsy Report Released
  7. ↑ «Notorious B.I.G: In His Own Words, And Those of His Friends». MTV.com. 2007 թ․ մարտի 7. Արխիվացված է օրիգինալից 2007 թ․ մարտի 11-ին. Վերցված է 2021 թ․ ապրիլի 6-ին.
  8. ↑ Huey, Steve. [[[:Կաղապար:AllMusic]] «Notorious B.I.G. > Biography»]. AllMusic. Վերցված է 2021 թ․ ապրիլի 6-ին. {{cite web}}: Check |url= value (օգնություն)
  9. ↑ «Top 100 Albums». RIAA.com. մայիսիս 4, 2006. Արխիվացված է օրիգինալից 2006 թ․ դեկտեմբերի 21-ին. Վերցված է 2021 թ․ ապրիլի 6-ին.

Արտաքին հղումներ խմբագրել

 Վիքիպահեստն ունի նյութեր, որոնք վերաբերում են «The Notorious B.I.G.» հոդվածին։
Ստացված է «https://hy.wikipedia.org/w/index.php?title=The_Notorious_B.I.G.&oldid=9675025» էջից