Oei Oei Oei (Dat Was Me Weer Een Loei)
«Oei Oei Oei (Dat Was Me Weer Een Loei)», հոլանդացի ֆուտբոլիստ Յոհան Կրոյֆի երգը, որի հեղինակը և պրոդյուսերն է Պիտեր Կոլևեյնը։ Կրոյֆը դարձել է Նիդերլանդների առաջին ֆուտբոլիստը, որը թողարկել է սեփական սինգլը։
«Oei Oei Oei (Dat Was Me Weer Een Loei)» | |
---|---|
Յոհան Կրոյֆի երգը | |
Ժանր | Levenslied |
Տևողություն | 182 վայրկյան |
Լեյբլ | Polydor Records |
Պատմություն խմբագրել
Վերնագրի մոտավոր թարգմանությունն է՝ «Վայ, վայ, վայ, [ես ստացա] ևս մեկ հարված»։ Երգն այն մասին է, թե ինչպես է Կրոյֆի ազգականը սկզբում պարտվում բռնցքամարտի մենամարտում, հետո նրանք գնում են փաբ, որտեղ նա նույնպես մի քանի հարված է ստանում, իսկ հետո, վերջապես, գնում է տուն, որտեղ արդեն բախվում է զայրացած կնոջ հետ[1][2]։
Պրոդյուսերի խոսքով՝ սկզբում Յոհանը չէր կարողանում նորմալ երգել, ռիթմի զգացում չուներ և նյարդայնանում էր։ Որոշ ժամանակ անց ֆուտբոլիստին հաջողվել է թուլանալ ալկոհոլի օգնությամբ, և արդյունքում սինգլը ձայնագրվել է։ Այս երգը հայտնվել է Նիդերլանդների չարթերում։ Կրոյֆի՝ Իսպանիա մեկնելուց անմիջապես հետո, երբ նա տեղափոխվեց «Բարսելոնա» ակումբ, Քոլևեյնը ցանկացավ ձայնագրված երգը թողարկել նաև այդ երկրում։ Արդյունքում ձայնապնակն այնտեղ թողարկվեց Polydor Records-ի օգնությամբ։ Երգի բառերն ու վերնագիրը մնացին անփոփոխ, շապիկին ավելացվեց միայն դրանց իսպաներեն թարգմանությունը։ Իսպանիայում Կրոյֆի սինգլը նույնիսկ ավելի հայտնի դարձավ, քան Նիդերլանդներում[3][4]։
Ծանոթագրություններ խմբագրել
- ↑ Marcelle van Hoof. «Euro visions». wsc.co.uk (անգլերեն).
- ↑ «Tsjonge, dat was me weer een loei» (հոլանդերեն). Արխիվացված է օրիգինալից 2014 թ․ ապրիլի 19-ին.
- ↑ «Produkties en/of songs voor Johan Cruyff». peterkoelewijn.nl (հոլանդերեն). Վերցված է 2022 թ․ օգոստոսի 1-ին.
- ↑ James Dart (2007 թ․ օգոստոսի 22). «Does Shay Given really carry holy water with him at every match?» (անգլերեն). The Guardian. Վերցված է 2022 թ․ օգոստոսի 1-ին.