Ցախակեռաս վրացական
| Վրացական ցախակեռաս | |
 Վրացական ցախակեռաս | |
| Դասակարգում | |
| Թագավորություն | Բույսեր (Plantae) |
| Վերնաբաժին | Բարձրակարգ բույսեր (Embryophyta) |
| Տիպ/Բաժին | Անոթավոր բույսեր (Tracheophyta) |
| Ենթատիպ | Սերմնավոր բույսեր (Spermatophytes) |
| Կարգ | Ակքանածաղկավորներ (Dipsacales) |
| Ընտանիք | Այծատերևազգիներ (Caprifoliaceae) |
| Ցեղ | Ցախակեռաս (Lonicera) |
| Տեսակ | Վրացական ցախակեռաս (L. iberica) |
| Միջազգային անվանում | |
| Lonicera iberica | |
Ցախակեռաս վրացական (լատին․՝ Lonicera iberica), ցախակեռասազգիների ընտանիքի տերևաթափ թուփ է՝ գնադաձև սաղարթով, մինչև 1-2 մ բարձրությամբ, դարչնամոխրագույն կամ մոխրագույն ընձյուղներով։
Նկարագրություն խմբագրել
Տերևները ձվաձև կլորավուն են, ձվաձև 1,5-4 սմ երկարությամբ և 1-3 սմ լայնությամբ, սրածայր, սրտաձև կամ կլորավուն հիմքով, բաց կանաչավունից մինչև մոխրականաչավուն, թարթիչաեզր, երկու կողմից մազմզուկապատ։ Ծաղիկները զույգերով են, դեղնասպիտակ, ծաղկաթափի ժամանակ դեղին։ Հատապտուղները զույգերով են, վառ կարմիր, 0,6-0,7 սմ տրամագծով։ Չափազանց չորադիմացկուն է. աչքի է ընկնում նաև բարձր ցրտադիմացկունությամբ։ Լուսասեր է, պահանջկոտ չէ հողի նկատմամբ։ Բազմանում է սերմերով, կտրոններով։ Լավ է աճում քաղաքի պայմաններում, քանի որ ծխադիմացկուն է և գազադիմացկուն[1]։
Տարածվածություն խմբագրել
Տարածված է Կովկասում, Հյուսիսային Իրանում, և Հայկական Քուրդիստանում։ Հայաստանի տարածքում հանդիպում է հյուսիսային և կենտրոնական շրջաններում, Զանգեզուրում, Սևանի ավազանում, չոր, քարքարոտ թեքություններում, ծովի մակարդակից 1400-ից (հյուսիսային շրջաններ) մինչև 2000 մ (հարավային շրջաններ) բարձրությունների վրա։
Հեռանկարային է չոր, քարքարոտ թեքությունների կանաչապատման համար։ Օգտագործվում է նաև անտառապատման նպատակներով։
Ծանոթագրություններ խմբագրել
- ↑ Հարությունյան Լ․ Վ․, Հարությունյան Ս․ Լ․, Հայաստանի դենդրոֆլորան, հ. 2, Երևան, «Լույս հրատարակչություն», 1985, էջ 284։
Գրականություն խմբագրել
- Լ․ Վ․ Հարությունյան- Քո շրջապատի թփերը, 1984- 224 էջ
 | Վիքիցեղերն ունի նյութեր, որոնք վերաբերում են «Ցախակեռաս վրացական» հոդվածին։ |
 | Վիքիպահեստն ունի նյութեր, որոնք վերաբերում են «Ցախակեռաս վրացական» հոդվածին։ |
|
Սա բույսերի մասին անավարտ հոդված է։ Դուք կարող եք օգնել Վիքիպեդիային՝ ուղղելով և լրացնելով այն։ |