Վիքիպեդիա

2pac։ Լեգենդ

(Վերահղված է 2pac: Լեգենդից)

2pac: Լեգենդը[3] (անգլ.՝ All Eyez on Me, բառացի թարգմանությունը՝ «Բոլորը նայում են ինձ»), ռեժիսոր Բենի Բումի կողմից նկարահանված ամերիկյան կենսագրական դրամա՝ հիփ-հոփ կատարող, դերասան, ակտիվիստ Թուփաք Շակուրի մասին։ Սցենարը գրվել է Ջերեմի Հաֆթի, Էդ Հոնսալեսի և Սթիվեն Բագատուրյանի կողմից։ Ֆիլմի բնօրինակ անվանումը պարունակում է հղում արտիստի All Eyez on Me չորրորդ ստուդիական ալբոմին։

2pac։ Լեգենդ
անգլ.՝ All Eyez on Me
Երկիր ԱՄՆ
Ժանրկենսագրական ֆիլմ, դրամա և երաժշտական ֆիլմ
Թվականհուլիսի 27, 2017 և հունիսի 15, 2017
Լեզուանգլերեն
ՌեժիսորԲեննի Բում[1]
ՊրոդյուսերՋեյմս Ջի Ռոբինսոն
ԴերակատարներԴեմետրիուս Շիփ կրտսեր, Լոուրեն Քոհեն, Ջամալ Վուլարդ, Կատերինա Գրեմ և Մանի Բի
ՕպերատորՓիթեր Մենզիս
ԵրաժշտությունՋոն Պեսանո
ՄոնտաժԺոել Քոքս
Պատմվածքի վայրԼոս Անջելես և Բալթիմոր
ԿինոընկերությունMorgan Creek Productions
Տևողություն137 րոպե[2]
Պաշտոնական կայքէջ

Սյուժե խմբագրել

Ֆիլմը պատմում է Թուփաք Շակուրի կյանքի և ժառանգության, այդ թվում՝ որպես սուպերաստղ նրա կայացման, բանտարկության և Death Row Records լեյբլի հետ բեղմնավոր, բայց հակասական համագործակցության մասին։

Դերակատարներ խմբագրել

  • Դեմետրիուս Շիպ – կրտսեր – Թուփաք Շակուր[4][5]
  • Դանա Գուրիրա – Աֆենի Շակուր[6], Թուփաքի մայրը, քաղաքական ակտիվիստ և «Սև հովազներ» կուսակցության անդամ
  • Լորեն Կոեն – Լեյլա Սթեյնբերգ[7], նշանակալի կերպար Թուփաքի կյանքում, իր ուսուցիչը
  • Ջեյմի Հեկտոր – Մուտուլու Շաքուր[8], Թուփաքի խորթ հայրը
  • Էնի Իլոնզ – Կիդադ Ջոնս[9], Թուփաքի հարսնացուն, ում հետ նա նշանվեց մահվանից որոշ ժամանակ առաջ։
  • Ջամալ Վուլարդ – Notorious B.I.G.[4][5], Թուփաքի երբեմնի ընկերը, ով դարձել է նրա հակառակորդը և թշնամին
  • Քեթ Գրեմ – Ջադա Փինքեթ[10], Թուփաքի ընկերուհին Բալտիմորի արվեստի դպրոցից
  • Դոմինիկ Լ․ Սանտա – Շուգ Նայթ[11], երաժշտական պրոդյուսեր
  • Գրեյս Գիբսոն – Ֆեյթ Էվանս[12], երգչուհի, Notorious B.I.G.–ի կինը
  • Սթեֆոն Ուշինգտոն – Փաֆ Դեդի
  • Money․B – իր դերում[13], «Digital Underground»-ի աշխատանքներում Թուփաքի գործընկերը
  • Քլիֆթոն Փաուել – Ֆլոյդ[14], Թուփաքի հետ նույն խցում են անցկացրել Քլինթոնի ուղղիչ հիմնակությունում
  • Ջոնել Յանգ – Ռեյ Լավ[14], Թուփաքի մոտ ընկերը
  • Ջերմել Հովարդ – Մոպրիմ Շաքուր, Թուփաքի մեծ եղբայրը
  • Ազադ Արնո – Դազ Դիլինջեր
  • Ջարեթ Էլիս – Սնուփ Դոգ[15]
  • Էրիկա Փինքեթ – Այանա Ջեքսոն
  • Քիթ Ռոբինսոն— Ատրոն Գրեգորի[16], «TNT Records»-ի հիմնադիրը, ով Թուփաքին առաջինը օգնեց դառնալ պարող, ապա սոլո արտիստ
  • Ռեյվեն Սիմոն Ֆերել – Սեքիվա Շաքուր, Թուփաքի խորթ քույրը
  • Ռայան Լոուրենս – Թրիչ[17]
  • Ջեյմս Հեթեր III – Յակի Կադաֆի
  • Ջեյմեն Քրթեր – Հուսեյն Ֆաթալ
  • E.D.I. Mean – ինքն իր դերում
  • Յանգ Նոուբլ – ինքն իր դերում
  • Դերեյ Դևիս – Լեգս
  • Փաթրիկ Ֆոս – Օլիվեր
  • Հարլոդ Հաուս Մուր – բժիշկ Դրե
  • Հիլ Հարպեր – լրագրող[18]
  • Քորի Հարդրիկտ – Հայթիան Ջեք[19]
  • Ալբերտ Դենիելս – A.B.
  • Ֆիլ Արմիխ – Ջոնի«Ջեյ»

Արտադրություն խմբագրել

Մշակում խմբագրել

2011 թվականի փետրվարի 11-ին հայտարարվեց, որ Morgan Creek Productions-ը կմշակի, կֆինանսավորի և կթողարկի Թուփաք Շաքուրի մասին պատմող կենսագրական ֆիլմը, որը կկոչվի Tupac և կպատմի նրա կյանքի մասին՝ սկսած ծնունդից մինչև մահ[20]։ Անտուան Ֆուկուն նշանակվել է ֆիլմի ռեժիսոր, սցենարի հեղինակներն են եղել Սթիվեն Բագատուրյանը, Սթիվեն Ռիվելը և Քրիստոֆեր Ուիլկինսոնը[20]։ Ջեյմս և Դևիդ Ռոբինսոնները նշանակվել էին ֆիլմի պրոդյուսերներ Program Pictures-ից Էլ-Թի Հաթոնի հետ միասին։ Թուփաքի մայրը՝ Աֆենի Շաքուրը, հանդես է եկել որպես գործադիր-պրոդյուսեր։ Կինոնկարի արտադրությունը նախատեսված էր ամռանը։

2013 թվականի սեպտեմբերի 9-ին Emmett/Furla/Oasis Films ընկերություններն սկսեցին համաֆինանսավորված և Morgan Creek-ի հետ համատեղ ստեղծվող ֆիլմի արտադրությունը 45 մլն դոլար բյուջեով[21]։ Էդի Գոնսալեսը և Ջերեմի Հաֆթը գրեցին ֆիլմի սցենարի վերջին սևագիրը[21]։

2014 թվականի փետրվարի 12-ին Ջոն Սինգլտոնը պայմանագիր ստորագրեց սցենարը նորից գրելու, որպես ռեժիսոր և պրոդյուսեր հանդես գալու համար[22]։ 2014 թվականի ապրիլի 16-ին Open Road Films ընկերությունը ձեռք է բերել իրավունք, որպեսզի Միացյալ Նահանգներում տարածի ֆիլմը[23]։ Գոնսալեսը, Հաֆթը և Սինգլտոնը գրեցին Թուփաքի կյանքի մասին, Արևելյան Հարլեմում անցկացրած տարիների, աստղային երիտասարադության ու մահվան մասին պատմող ֆիլմի սցենարի վերջին նախագիծը։

Քասթինգ խմբագրել

2015 թվականի դեկտեմբերի 24-ին Թուփաքի դերում հաստատվել է Դեմետրիուս Շիփ-կրտսերը։ Ջամալ Վուլարդը նույնպես միացել է ֆիլմին, որպեսզի մարմնավորի Թուփաքի նախկին ընկեր Notorious I. B. G-ին, որ դարձել էր նրա թշնամին։ Այս դերը Վուլարդը խաղացել է ավելի վաղ «Նոտարիուս» ֆիլմում 2009 թվականին[4][5]։

2016 թվականի հունվարի 11-ին Դանայ Գուրիրը հաստատվել էր Թուփաքի մոր՝ քաղաքական ակտիվիստ և «Սև Հովազներ» խմբի անդամ Աֆենի Շաքուրի դերում[6]։ Հաջորդ օրը Variety-ն հայտարարել է, որ Քեթ Գրեմը ստորագրել է պայմանագիր Բալտիմորյան արվեստի դպրոցից Թուփաքի ընկերուհու՝ Ջադի Փինքեթի դերը ստանձնելու համար[10]։ Ավելի ուշ պարզվեց, որ Դոմինիկ․ Լ․ Սանտանան կխաղա երաժշտական պրոդյուսեր Շուգ Նայթի դերը[11]։ Ջեյմի Հեկտորը հաստատվեց Թուփաքի խորթ հոր՝ Մութուլու Շաքուրի դերում[8]։ Հունվարի 15-ին Լորեն Քոենը միացել է ֆիլմին, որպեսզի խաղա Թուփաքի կյանքում մեծ դեր ունեցած նրա ուսուցչի՝ Լեյլա Սթեյնբերգի դերը[7]։ Ռեփեր Money-B-ն ֆիլմում խաղացել է ինքն իր դերը[13], Քլիֆթոն Փաուելը՝ Թուփաքի հետ մի խցում անցկացրած նրա ընկերոջ, Ջոնել Յանգը՝ ռեփեր Ռեյ Լավի՝ Շաքուր մոտ ընկերոջ[14] դերերը։ Հունվարի 19-ին TheWrap-ը հաստատեց, որ Գրեյս Հիփսոնը նկարահանվում է Notorious B.I.G.-ի կնոջ՝ Ֆեյթ Էվանսի դերում, ով ըստ շշուկների Շաքուրի հետ սեռական կապ է ունեցել[12]։ 2016 թվականի հունվարի 22-ին Քիթ Ռոբինսոնը հրավիրված էր նկարահանվելու TNT Records հիմնադիր Արթոն Գրեգորիի դերում, ով առաջինն օգնեց Թուփաքին դառնալ պարող, իսկ հետո սոլո արտիստ[16]։ 2016 թվականին Էնի Իլոնղը ավելացվել է դերասանական կազմին՝ կատարելու Քիդադ Ջոնսի՝ Թուփաքի կնոջ դերը[9]։

Նկարահանումներ խմբագրել

Նկարահանման աշխատանքներն սկսվել են 2015 թվականի դեկտեմբերի կեսերին[4][5][24]։ Նկարահանումները կայացել են Ատլանտայում՝ Ջորջիա նահանգում։ Նկարահանումներն ավարտվել են 2016 թվականի ապրիլի 12-ին Լաս-Վեգասում (Նևադա նահանգ)[25][26]։

Մարքեթինգ խմբագրել

2016 թվականի հունիսի 16-ին, երբ լրանում էր Շաքուրի 45-ամյակը, ներկայացվել է ֆիլմի թիզերային թրեյլերը[27]։ 2016 թվականի սեպտեմբերի 13-ին՝ Թուփաքի մահվան 20-րդ տարելիցի օրը, թողարկվել է երկրորդ թիզերային թրեյլերը[28]։ Հայտարարվել է, որ ֆիլմը վարձույթ դուրս կգա 2017 թվականի հունիսի 16-ին։ 2017 թվականի փետրվարի 10-ին թողարկվել է երրորդ թիզերային թրեյլերը, որը փաստում է, որ Summit Entertainment, Morgan Creek, Program Pictures և Codeblack Films ընկերությունները համարվում են ֆիլմի պաշտոնական պրոդյուսերներն ու դիստրիբյուտորները։ 2017 թվականի ապրիլի 6-ին թողարկվել է չորրորդ թիզերային թրեյլերը[29]։

Ֆիլմի պաշտոնական սաունդթրեքների ցանկը չի հրապարակվել։

Ընդունելություն խմբագրել

Շահույթ խմբագրել

«2pac: Լեգենդ» ֆիլմը հավաքել է 44,9 միլիոն դոլար Հյուսիսային Ամերիկայում և 10,7 մլն դոլար այլ երկրներում։ Ընդհանուր մուտքերը կազմել են 55,7 մլն դոլար 40 միլիոն դոլար բյուջեի դեպքում։

Հյուսիսային Ամերիկայի ֆիլմը թողարկվել է 2017 թվականի հունիսի 16-ին «Շատ վատ աղջիկներ», «Կապույտ անդունդ» ֆիլմերի և «Մեքենաներ 3» մուլտֆիլմի հետ միասին։ Ի սկզբանե ծրագրվում էր հավաքել 17-20 մլն դոլար 2471 կինոթատրոններում առաջին հանգստյան օրերին[30]։ Հինգշաբթի օրվա գիշերային ցուցադրության 3,1 մլն դոլար և ուրբաթ օրվա ցուցադրության 12,8 դոլար շահույթից հետո կանխատեսումը բարձրացվել է մինև 31 մլն դոլար։ Ի վերջո ֆիլմը հավաքել է 26,4 մլն դոլար առաջին հանգստյան օրերին՝ զբաղեցնելով 3-րդ տեղը «Մեքենաներ 3» և «Հրաշք Կինը» ֆիլմերից հետո։ Deadline.com կայքը ֆիլմի հաջողությունը վերագրել է նրան, որ այն թողարկվել է Թուփաքի ծննդյան օրը, ինչպես նաև հանդիսատեսի հետաքրքրությանը տվյալ թեմատիկայով[31]։

Չնայած առաջին հանգստյան օրերին ունեցած իր անսպասելի հաջողությանը՝ երկրորդ հանգստյան օրերին ֆիլմի վարկանիշը մեծ անկում է ապրել՝ նվազելով 78%-ով և հավաքելով 5,8 մլն դոլար։ Անկումը դարձել է պատմության մեջ 16-րդը իր մեծությամբ[32]։ Երրորդ հանգստյան օրերին սեանսների քանակը նվազել է՝ հասնելով 1258, իսկ շահույթը նվազել է ևս 68,6 %-ով և կազմել է 1.8 մլն դոլար[33]։

Քննադատություն խմբագրել

Ֆիլմն ստացել է հիմնականում բացասական արձագանքներ։ Rotten Tomatoes անգլալեզու գրախոսականների կայքում ֆիլմը գնահատվել է 18%՝ հիմնված 74 արձագանքներիի վրա, իսկ միջին հաշվով ստացել է 4,3 բալ 10 հնարավորից[34]։ Metacritic կայքում ֆիլմի միջին վարկանիշը 21 գրախոսականների հիման վրա կազմել է 38 բալ 100 հնարավորից[35]։ Ընդհանուր առմամբ, ինչպես փորձագետների մեծ մասը, այնպես էլ Թուփաքին անձամբ ճանաչած մարդիկ ֆիլմը համարել են արմատապես անհամապատասխան իրականությանը։

Ծանոթագրություններ խմբագրել

  1. ↑ http://www.imdb.com/title/tt1666185/
  2. ↑ https://www.amctheatres.com/movies/all-eyez-on-me-52911
  3. ↑ «2pac: Легенда». В кино с 27 июля. ՅուԹյուբում
  4. ↑ 4,0 4,1 4,2 4,3 McNary, Dave (2015 թ․ դեկտեմբերի 24). «Tupac Biopic Casts Lead Roles for Shakur, Biggie Smalls». Variety (ամերիկյան անգլերեն). Վերցված է 2016 թ․ հունվարի 2-ին.
  5. ↑ 5,0 5,1 5,2 5,3 A. Lincoln, Ross (2015 թ․ դեկտեմբերի 24). «Newcomer Demetrius Shipp Jr. Cast As Tupac As Biopic Begins Filming». Deadline (ամերիկյան անգլերեն). Վերցված է 2015 թ․ դեկտեմբերի 27-ին.
  6. ↑ 6,0 6,1 Jr, Mike Fleming (2016 թ․ հունվարի 11). «'Walking Dead's Danai Gurira Set To Play Tupac's Mom Afeni Shakur In 'All Eyez On Me'». Deadline (ամերիկյան անգլերեն). Վերցված է 2016 թ․ հունվարի 24-ին.
  7. ↑ 7,0 7,1 Busch, Anita (2016 թ․ հունվարի 15). «Lauren Cohan Steps Into Key Role In Tupac Shakur Biopic 'All Eyez On Me'». Deadline (ամերիկյան անգլերեն). Վերցված է 2016 թ․ հունվարի 24-ին.
  8. ↑ 8,0 8,1 Hipes, Patrick (2016 թ․ հունվարի 13). «Jamie Hector Joins Tupac Biopic 'All Eyez On Me'». Deadline (ամերիկյան անգլերեն). Վերցված է 2016 թ․ հունվարի 24-ին.
  9. ↑ 9,0 9,1 A. Obenson, Tambay (2016 թ․ փետրվարի 19). «Annie Ilonzeh Cast to Play Kidada Jones in Morgan Creek's Tupac Shakur Biopic». indiewire.com. Արխիվացված է օրիգինալից 2016 թ․ փետրվարի 21-ին. Վերցված է 2016 թ․ փետրվարի 21-ին.
  10. ↑ 10,0 10,1 McNary, Dave (2016 թ․ հունվարի 12). «Kat Graham Joins Tupac Movie, Portraying Jada Pinkett Smith (EXCLUSIVE)». Variety (ամերիկյան անգլերեն). Վերցված է 2016 թ․ հունվարի 24-ին.
  11. ↑ 11,0 11,1 «Dominic L. Santana is Suge Knight in Tupac Biopic 'All Eyez On Me'». EURweb (ամերիկյան անգլերեն). 2016 թ․ հունվարի 12. Վերցված է 2016 թ․ հունվարի 24-ին.
  12. ↑ 12,0 12,1 Verhoeven, Beatrice (2016 թ․ հունվարի 19). «Grace Gibson Is Faith Evans in 2Pac Biopic 'All Eyez on Me'». TheWrap (ամերիկյան անգլերեն). Վերցված է 2016 թ․ հունվարի 24-ին.
  13. ↑ 13,0 13,1 «Guess Which Digital Underground Member Will Be Appearing As Himself In The Upcoming Tupac Biopic?». Bossip (ամերիկյան անգլերեն). 2016 թ․ հունվարի 18. Արխիվացված է օրիգինալից 2016 թ․ հունվարի 23-ին. Վերցված է 2016 թ․ հունվարի 24-ին.
  14. ↑ 14,0 14,1 14,2 Hernandez, Victoria (2016 թ․ հունվարի 22). «Tupac "All Eyez On Me" Biopic Casts Two More Roles». HipHopDX (ամերիկյան անգլերեն). Վերցված է 2016 թ․ հունվարի 24-ին.
  15. ↑ – rundown – casted – 2pac – biopic – 4312626f80 «Here's A Rundown Of Everyone Casted In the 2Pac Biopic». revolt.tv. Վերցված է 2016 թ․ հունիսի 27-ին. {{cite web}}: Check |url= value (օգնություն)(չաշխատող հղում)
  16. ↑ 16,0 16,1 Lincoln, Ross A. (2016 թ․ հունվարի 22). «Trevor Donovan Joins JL Ranch; Keith Robinson Is All Bout 'All Eyez On Me'». Deadline (ամերիկյան անգլերեն). Վերցված է 2016 թ․ հունվարի 24-ին.
  17. ↑ – the – complete – cast – of – the – tew – pack – all – eyez – on – me – biopic – movie.407001/ «Meet the COMPLETE cast of the Tew – Pack "All Eyez on Me" biopic movie». thecoli.com. Վերցված է 2016 թ․ հունիսի 30-ին. {{cite web}}: Check |url= value (օգնություն)(չաշխատող հղում)
  18. ↑ http://www.imdb.com/title/tt1666185/fullcredits?ref_=tt_ov_st_sm Retrieved December 30, 2016
  19. ↑ Beatrice Verhoeven (2016 – 01 – 28). – biopic – all – eyez – on – me – casts – villain – haitian – jack «Tupac Biopic 'All Eyez on Me' Casts Villain Haitian Jack». Thewrap.com. Վերցված է 2016 – 06 – 18-ին. {{cite web}}: Check |url= value (օգնություն)(չաշխատող հղում)
  20. ↑ 20,0 20,1 Cina, Mark (2011 թ․ փետրվարի 10). «Morgan Creek's 'Tupac' Biopic to Begin Shooting This Summer». The Hollywood Reporter. Վերցված է 2016 թ․ հունվարի 3-ին.
  21. ↑ 21,0 21,1 Fleming Jr, Mike (2013 թ․ սեպտեմբերի 19). «Tupac Shakur Biopic Gets New Momentum As Emmett/Furla/Oasis To Co-Finance». Deadline (ամերիկյան անգլերեն). Վերցված է 2016 թ․ հունվարի 3-ին.
  22. ↑ Kroll, Justin (2014 թ․ փետրվարի 12). «John Singleton Back as Director for Tupac Shakur Biopic (EXCLUSIVE)». Variety (ամերիկյան անգլերեն). Վերցված է 2015 թ․ դեկտեմբերի 27-ին.
  23. ↑ Fleming Jr, Mike (2014 թ․ ապրիլի 16). «Open Road Acquires U.S. On 'Tupac', John Singleton-Directed Pic On Hip-Hop Icon». Deadline (ամերիկյան անգլերեն). Վերցված է 2016 թ․ հունվարի 2-ին.
  24. ↑ «Tupac Biopic Begins Filming». Boom 92 Houston (ամերիկյան անգլերեն). 2015 թ․ դեկտեմբերի 18. Արխիվացված է օրիգինալից 2015 թ․ դեկտեմբերի 26-ին. Վերցված է 2016 թ․ հունվարի 2-ին.
  25. ↑ «'All Eyez on Me' Tupac Shakur Movie Wrapped Filming in Vegas : Buzz». Music Times. Վերցված է 2016 թ․ հունիսի 18-ին.
  26. ↑ «Tupac Shakur Movie 'All Eyez on Me' Completes Filming in Las Vegas [VIDEO]». Theboombox.com. Վերցված է 2016 թ․ հունիսի 18-ին.
  27. ↑ «All Eyez On Me». Facebook.com. Վերցված է 2016 թ․ հունիսի 18-ին.
  28. ↑ «Tupac Biopic: New 'All Eyez On Me' Trailer Released On 'Dear Mama' Rapper's 20-Year Death Anniversary». 2016 թ․ սեպտեմբերի 13.
  29. ↑ Hime, Nelly (2016 թ․ նոյեմբերի 19). «Tupac All Eyez on Me Pushed Back, Releases Latest Trailer». Nagame Digital. Արխիվացված է օրիգինալից 2016 թ․ նոյեմբերի 19-ին. Վերցված է 2016 թ․ նոյեմբերի 19-ին.
  30. ↑ «Pixar's 'Cars 3' should unseat 'Wonder Woman' at the box office». Los Angeles Times. 2017 թ․ հունիսի 13.
  31. ↑ «Cars 3' $53M+ Is Third Best Debut For Pixar Series; 'Wonder Woman' Still Wows With $40M+; 'All Eyez On Me' Solid». Deadline.com. Վերցված է 2017 թ․ հունիսի 18-ին.
  32. ↑ «Why 'Transformers' Is Screaming For Reboot After $69M Start; 'Wonder Woman' & 'Cars 3' Fight Over 2nd Place». Deadline.com. 2017 թ․ հունիսի 25.
  33. ↑ «'Baby Driver' Speeds to $27M+; Ferrell & Poehler's 'House' Burns Down as 'Despicable Me 3' Dominates». Deadline.com. 2017 թ․ հուլիսի 2.
  34. ↑ «All Eyez on Me (2017)». Rotten Tomatoes. Fandango. Վերցված է 2017 թ․ հունիսի 28-ին.
  35. ↑ «All Eyez on Me reviews». Metacritic. Վերցված է 2017 թ․ հունիսի 28-ին.
Ստացված է «https://hy.wikipedia.org/w/index.php?title=2pac։_Լեգենդ&oldid=9814341» էջից