Բացել գլխավոր ցանկը

Դահուկապար կամ ֆրիսթայլ, լեռնադահուկային սպորտի տարատեսակ, որը ներառում է երեք մրցաձև՝ մոգուլ դահուկաբալետ և դահուկացատկեր։ Մոգուլ մրցաձևը արագընթաց արագընթաց վայրէջք է՝ բլրածածկ տեղանքի սահուղով։ Դահուկաբալետը թեք սահուղով վայրէջք է, որի ժամանակ մարզիկը (մարզուհին) կատարում է ձևավոր քայլեր, պտույտներ, շրջադարձեր՝ հենվելով մեկ կամ երկու դահուկափայտերի վրա կամ առանց հենումների։ Դահուկացատկերը կատարվում են երկու մետրանոց դահուկահարթակից։ Մարզիկը օդում ճախրելիս կատարում է ամենաբարդ մարզավարժությունները (պտույտներ, շրջադարձեր, սալտո, սալտո՝ պիրուետներով և այլն) և ձգտում վայրէջք կատարել՝ պահպանելով հավասարակշռությունը։ Հաղթողը որոշվում է յուրաքանչյուր մրցաձևում, ինչպես նաև իր ցանկացած 2 մրցաձևերի գումարային արդյոքունքում։ Բացարձակ հաղթող է ճանաչվում եռամարտի և երկամարտի մրցումներում առավել շատ միավորներ ձեռք բերած մարզիկը։ Մրցումները կազմակերպվում են տղամարդկանց և կանանց համար առանձին-առանձին։

Դահուկապար
Տեսակդահուկային սպորտ
Freestyle skiing Վիքիպահեստում
Freestyle skiing pictogram.svg

Դահուկապարով ներկայումս զբաղվում են շուրջ 60 երկրներում։ Յուրաքանչյուր տարի դահուկապարի ազգային առաջնություններ են անցկացվում Իտալիայում, Ֆրանսիայում, Շվեդիայում, Շվեյցարիայում, Գերմանիայում, Ավստրիայում, Ճապոնիայում, ԱՄՆ-ում, Կանադայում և այլուր։

Սկսած 1978-ից անցկացվում են դահուկապարի աշխարհի գավաթի առաջնություններ։ Դահուկապարն ընդգրկված է ձմեռային օլիմպիական խաղերի ծրագրում։ 1986-ին ֆրանսիական Տին քաղաքում կայացած դահուկապարի աշխարհի առաջին առաջնությունը[1]։

ԱղբյուրներԽմբագրել

  1. Միքայել Իսպիրյան, Վահրամ Առաքելյան, Մարզական հանրագիտարան, Երևան, 2007, էջ 97։