Ֆրեդրիկ Սալմսոն
Ֆրեդրիկ Սալմսոն (շվեդ.՝ Hugo Fredrik Salmson, հուլիսի 7, 1843[1][2][3][…], Ստորկիռկոֆյոռսամլինգեն, Ստոկհոլմ, Ստոկհոլմի լեն, Շվեդիա[1] - օգոստոսի 1, 1894[1][2][3][…], Lund Cathedral parish, Շվեդիա[1]), շվեդ նկարիչ։ Եղել է Շվեդիայի գեղարվեստի թագավորական ակադեմիայի անդամ (1880 թվականից)։
Ֆրեդրիկ Սալմսոն | |
---|---|
Ծնվել է | հուլիսի 7, 1843[1][2][3][…] |
Ծննդավայր | Ստորկիռկոֆյոռսամլինգեն, Ստոկհոլմ, Ստոկհոլմի լեն, Շվեդիա[1] |
Մահացել է | օգոստոսի 1, 1894[1][2][3][…] (51 տարեկան) |
Մահվան վայր | Lund Cathedral parish, Շվեդիա[1] |
Քաղաքացիություն | Շվեդիա[4] |
Երկեր | Q17495412?, Une arrestation dans un village de Picardie? և The Little Gleaner? |
Մասնագիտություն | նկարիչ |
Անդամություն | Շվեդիայի գեղարվեստի թագավորական ակադեմիա, Konstnärsförbundet և Երազների գաղութ |
Hugo Salmson Վիքիպահեստում |
Կենսագրություն խմբագրել
Ծնվել է մեծածախ առևտրականի ընտանիքում։ Հոր պնդմամբ նա սկսել է ուսումնասիրել տնտեսագիտություն և առևտրային գործ, բայց շուտով սկսել է զբաղվել գեղարվեստական կարիերայով։ 1861-1867 թվականներին Յոհան Քրիստոֆեր Բոկլունդի ղեկավարությամբ սովորել է Շվեդիայի գեղարվեստի թագավորական ակադեմիայում։ 1867 թվականին նկարիչը հաղթել է արքայական մեդալը և արդյունքում ստացել է եռամյա կրթաթոշակ` Փարիզ ուղևորվելու համար։ 1868 թվականին նա Կոպենհագենով և Դյուսելդորֆով ճամփորդել է Ֆրանսիա, որտեղ դարձել է պատմական ժանրի նկարիչ Պիեռ-Շառլ Կոնտի ուսանողը։
Հուգո Սալմսոնը առաջին շվեդ նկարիչներից մեկն էր, որ սովորել է Փարիզում և մնացել է այնտեղ աշխատելու։ 1868 թվականին Սալմսոնը բացել է իր սեփական արվեստանոցը։ Ֆրանս-պրուսական պատերազմի բռնկման պատճառով նա մի քանի ամիս անցկացրել է Բրյուսելում։
Սկսել է ստեղծագործել սալոնային ոճով («Տարտյուֆ» նկար), փարիզյան սալոնում իր դեբյուտն է նշել է 1870 թվականին։ Ավելի ուշ, Ժան Ֆրանսուա Միլլեի, Ժյուլ Բրետոնիը և ավելի մեծ չափով` Ժյուլ Բաստիեն Լըպաժի ազդեցության տակ սկսել է նկարել նատուրալիստական ոճով։
Ժանրային նկարների, պատմական ժանրի կտավների (հատկապես` 16-րդ և 17-րդ դարերի), դիմանկարների հեղինակ է։
Գեղանկարչության դասեր է տվել Եվգենի Շվեդացուն։ Ընտրվել է Շվեդիայի գեղարվեստի թագավորական ակադեմիայի անդամ (1880 թվական)։
Գյուղացիների կյանքը արտացոլող «Բազուկի քաղհան Պիկարդիայում» կտավը 1878 թվականին Սալոնում իրարանցում է առաջացրել և նկարչին հանրաճանաչ դարձրել։ Այն գնահատվել է որպես շվեդական պլեներային ոճով արված կարևոր աշխատանք, չնայած այն բանին, որ դրա մեծ մասը նկարվել է ստուդիայում, և որ ամպամած մոխրագույն երկնքի ֆոնին կտրուկ աչքի զարնող կերպարներին ինչ-որ չափով թատերական դիրքերում էին։
Որոշ ժամանակ Սալմսոնի ծանոթները կասկածում էին, որ նա հոգեկան խնդիրներ ունի։ Հավանաբար այս պատճառով Լունդ քաղաքի հյուրանոցում ինքնասպան է եղել։
Պատկերասրահ խմբագրել
-
Փոքրիկ հասկեր հավաքողը
-
Թղթախաղ խաղացող երեխաները
-
Չալմայով տղամարդը
-
Ծանծաղուտում խաղացող տղաները
-
Երիտասարդ կնոջ դիմանկարը
-
Ծաղիկներ հավաքողը
-
Կատերինա Յագելլոնկա
-
Սեանս
Ծանոթագրություններ խմբագրել
Արտաքին հղումներ խմբագրել
- Hugo F Salmson(շվեդ.)