Ֆրանչեսկա Ալեքսանդեր
Ֆրանչեսկա Ալեքսանդեր (անգլ.՝ Francesca Alexander, լրիվ անունը՝ Esther Frances Alexander, հայտնի է նաև Fanny Alexander անունով, փետրվարի 27, 1837[1][2][3], Բոստոն, ԱՄՆ - հունվարի 21, 1917[2], Ֆլորենցիա, Իտալիայի թագավորություն), ամերիկացի նկարչուհի, պատկերազարդող և թարգմանիչ։
Ֆրանչեսկա Ալեքսանդեր | |
---|---|
Ի ծնե | անգլ.՝ Esther Frances Alexander |
Ծնվել է | փետրվարի 27, 1837[1][2][3] |
Ծննդավայր | Բոստոն, ԱՄՆ |
Վախճանվել է | հունվարի 21, 1917[2] (79 տարեկան) |
Մահվան վայր | Ֆլորենցիա, Իտալիայի թագավորություն |
Քաղաքացիություն | ԱՄՆ |
Մասնագիտություն | թարգմանչուհի, նկարազարդող, գրող և արվեստագետ |
Թեմաներ | Պատկերազարդում |
Հայր | Ֆրենսիս Ալեքսանդր |
Մայր | Lucia Gray Swett? |
Francesca Alexander Վիքիպահեստում |
Կենսագրություն խմբագրել
Ծնվել է 1837 թվականի փետրվարի 27-ին Բոստոնում նկարիչ, դիմանկարիչ Ֆրենսիս Ալեքսանդրի և նրա կնոջ՝ Լյուսիա Գրեյ Ալեքսանդրի ընտանիքում, որոնք ծագել են Մասաչուսեթսի բարերարների հարուստ ընտանիքից[4]։ Երբ աղջիկը տասնվեց տարեկան էր, ընտանիքը տեղափոխվել է Ֆլորենցիա (Իտալիա)[5]։
Իտալիայում, Ֆրանչեսկայի վաղ գեղարվեստական գործունեությունը կազմել է մոր բարեգործության մի մասը։ Նա նկարել է տոսկանացի աղքատ ֆերմերների դիմանկարներ՝ որպես նվեր իրենց գործի հարուստ ամերիկացի հովանավորներին։ Աշխատանքի ընթացքում նա ծանոթացել է տեղի ժողովրդական սովորույթներին և ավանդույթներին, հավաքել է երգեր և պատմություններ, թարգմանել դրանք հետագայում տպագրության համար[6]։
1882 թվականին ընտանիքի ընկեր Ալեքսանդրը Ֆրանչեսկային ծանոթացրել է անգլիացի քննադատ Ջոն Ռասկինի հետ։ Նա հետաքրքրվել է նրա ստեղծագործությամբ, հատկապես պարզ և հոգևոր նկարազարդումներով, նա նրանցից 600 ֆունտով երկու ձեռագիր է գնել։ Առաջինը հրատարակվել է 1883 թվականին՝ «Իդայի պատմությունը» (The Story of Ida) անվանումով։ Իսկ դրա հեղինակը եղել է պարզապես «Ֆրանչեսկան»։ Գիրքը լույս է տեսել Միացյալ Նահանգներում և Մեծ Բրիտանիայում։ Ալեքսանդրի Roadside Songs of Tuscany հիմնական աշխատանքը խմբագրվել է Ռասկինի կողմից և տասը մասերով հրապարակվել է 1884-1885 թվականներին։
Կյանքի վերջին տարիներին Ֆրանչեսկա Ալեքսանդերը կուրացել է և վատառողջ է եղել։
Մահացել է 1917 թվականի հունվարի 21-ին Ֆլորենցիայում և թաղվել է Ֆլորենցիայի անգլիական գերեզմանատանը[7]։
Ֆրանչեսկա Ալեքսանդրի աշխատանքները գտնվում են Բոստոնի Athenæum հավաքածուում։ Նրա և Ռասկինի նամակագրությունը, ինչպես նաև հարազատներին ուղղված նամակները պահվում են Մորգանի գրադարանում և թանգարանում:
Ծանոթագրություններ խմբագրել
- ↑ 1,0 1,1 Francesca Alexander — OUP, 2006. — ISBN 978-0-19-977378-7
- ↑ 2,0 2,1 2,2 2,3 2,4 Encyclopædia Britannica
- ↑ 3,0 3,1 Artists of the World Online, Allgemeines Künstlerlexikon Online, AKL Online (գերմ.) / Hrsg.: A. Beyer, B. Savoy — B: K. G. Saur Verlag, Verlag Walter de Gruyter, 2009. — ISSN 2750-6088 — doi:10.1515/AKL
- ↑ College, Radcliffe (1971). Notable American Women, 1607–1950: A Biographical Dictionary (անգլերեն). Harvard University Press. էջ 35. ISBN 9780674627345. «francesca alexander.»
- ↑ «Francesca Alexander». Encyclopædia Britannica. Վերցված է 2014 թ․ փետրվարի 1-ին.
- ↑ Rubinstein, Charlotte Streifer (1982). American Women Artists. Boston, MA: G.K. Hall & Co. էջեր 72.
- ↑ Francesca Alexander
Գրականություն խմբագրել
- Cahill, Susan. Desiring Italy: Women Writers Celebrate the Passions of a Country and Culture. Random House Publishing Group. ISBN 9780307778376.
Արտաքին հղումներ խմբագրել
Վիքիպահեստն ունի նյութեր, որոնք վերաբերում են «Ֆրանչեսկա Ալեքսանդեր» հոդվածին։ |