Ֆլորիան Աարոն (ռումիներեն՝ Florian Aaron; հունվարի 21, 1805(1805-01-21), Ռոդ, Tilișca, Սիբիու, Ռումինիա - հուլիսի 12, 1887(1887-07-12), Բուխարեստ, Ռումինիա), ռումինացի արձակագիր, լրագրող, խմբագիր, պատմաբան, մանկավարժ։ Բուխարեստի համալսարանի պրոֆեսոր։

Ֆլորիան Աարոն
Ծնվել էհունվարի 21, 1805(1805-01-21)
ԾննդավայրՌոդ, Tilișca, Սիբիու, Ռումինիա
Վախճանվել էհուլիսի 12, 1887(1887-07-12) (82 տարեկան)
Վախճանի վայրԲուխարեստ, Ռումինիա
Մասնագիտությունլրագրող, համալսարանի դասախոս, պատմաբան, գրող և վիպասան
Քաղաքացիություն Ռումինիա
ԱշխատավայրԲուխարեստի համալսարան

Կենսագրություն խմբագրել

1827 թվականին տեղափոխվել է Վալախիա։ Դասավանդել է Կրայովա քաղաքում, 1832-1847 թվականներին լատիներեն դասախոսություններ է կարդացել Սուրբ Սավվա քոլեջում, այստեղ նրա աշակերտներից է եղել ռումինացի հեղափոխական–դեմոկրատ, պատմաբան և հրապարակախոս Նիկոլայե Բըլչեսկուն։ Այնուհետև պրոֆեսորի կոչում է ստացել Բուխարեստի համալսարանում։ Որոշ ժամանակ խմբագրել է Տրանսիլվանիայի «Ռումինական տելեգրաֆը», իսկ 1857 թվականից շարունակել է դասախոսական աշխատանքը Բուխարեստում։

Մասնակցել է 1848 թվականի հեղափոխական գործողություններին։ Եղել է Բարեգործական ընկերության անդամ։

Նրա գրչին են պատկանում պատմության և դիդակտիկայի վերաբերյալ մի քանի աշխատություններ։ Համահեղինակ է ֆրանսերեն-ռումիներեն երկհատոր բառարանի («Dictionnaire français-roumain», 1843)[1]:

Երկեր խմբագրել

  • F. Aaron, Idee repede de istoria Prințipatului Țării Românești, București, Vliad, 1835 -1838;
  • F. Aaron, Catehism, 1842.
  • F. Aaron, Istoria lumii, 1846.
  • F. Aaron, Mihaiu Bravulu,: biografia și caracteristica lui, trase din istoria Țării Românești, București, Tipografia Colegiului Național, 1858;
  • F. Aaron (traducător), Patriarșii sau Pământul Canaan: Istorie în tabloane trasă din Sfânta Scriptură, București, Colegiului Sfântul Sava, 1846;
  • F. Aaron, Hill, G., Poenaru, P., Dicționar francez-român, 1840, 2 vol.
  • V. Aaron et als., (eds.), Scrieri literare inedite, București, Minerva, 1981.

Ծանոթագրություններ խմբագրել

  1. Арон, Флориан // Энциклопедический словарь Брокгауза и Ефрона: в 86 т. (82 т. и 4 доп.). — СПб., 1890—1907.