Ֆիցջերալդ Ռիվեր (ազգային պարկ)

Ֆիցջերալդ Ռիվեր (անգլ.՝ Fitzgerald River National Park), ազգային պարկ և կենսոլորտային արգելոց։ Գտնվում է Ավստրալիայի Արևմտյան Ավստրալիա նահանգում[4]:

Picto infobox plant.png
Ֆիցջերալդ Ռիվեր
Gairdnerriver.jpg
ՏեսակԱվստրալիայի ազգային պարկ, natural cultural heritage site? և ազգային պարկ
ԵրկիրFlag of Australia (converted).svg Ավստրալիա[1][2]
ՎարչատարածքԱրևմտյան Ավստրալիա[1][2] և Shire of Ravensthorpe?
ՏեղագրությունRavensthorpe?[1]
Հիմնվել է1973[3] և 1997[3]
Մակերես2972,11 կմ², 295 725,34007111 հեկտար[1], 2948,6316894531 կմ²[3] և 8,431301879883 կմ²[3]
ԲԾՄ60 մետր
Ֆիցջերալդ Ռիվեր (ազգային պարկ)ը գտնվում է Ավստրալիաում
Ֆիցջերալդ Ռիվեր (ազգային պարկ)

Ֆիզիկաաշխարհագրական բնութագիրԽմբագրել

 
Պարկի տեսքը Պոյնտ-Էննից

Ազգային պարկը գտնվում է Արևմտյան Ավստրալիայի հարավային ափին՝ Բրեմեր-Բեյ (անգլ.՝ Bremer Bay) և Հոուփթոուն (անգլ.՝ Hopetoun) քաղաքների միջև[4][5], Էսպերանս քաղաքից մոտավորապես 200 կմ հեռավորության վրա[6]: Պարկի տարածքը բարձունք է, որը հատում է մի քանի գետ՝ առաջացնելով լայն հովիտներ: Պարկում ներկայացված են մինչև ափ հասնող գագաթների անջատ շղթաներ, որոնք առաջացնում են Բարրեն լեռնաշղթան: Ամենաբարձր գագաթն ունի 450 մ բարձրություն: Ափում տեղակայված են ավազաբլուրներ, բազմաթիվ կղզիներ, գետեր, լճեր և ճահիճներ, որոնք ամառային օրերին չորանում են[4]:

Արգելոցի մակերեսը 3290,39 կմ² է: Տարածքը բաժանված է առանձին մասերի․ 780 կմ²-ը վայրի բնություն է, որտեղ մուտքն արգելված է Phytophthora cinnamomi հիվանդությունից խուսափելու և հազվագյուտ բուսատեսակները պահպանելու նպատակով: Եվս 700 կմ² հատուկ հսկվող տարածքներ են[4]: Ազգային պարկի մակերեսը կազմում է 2427,27 կմ²: Այն համարվում է բնության պահպանման ամենախոշոր տարածքը Արևմտյան Ավստրալիայի հարավային մասում[6]:

Բարձրությունը ծովի մակերևույթից տատանվում է 0-457 մետրի սահմաններում[4]: Տեղումների տարեկան միջին մակարդակը 400 մմ է[6]:

Բուսական և կենդանական աշխարհԽմբագրել

Արգելոցի տարածքում կան բույսերի և կենդանիների ավելի քան 250 հազվագյուտ տեսակներ, որոնց մեծ մասը քիչ է ուսումնասիրված[7]: Այս տեսակների հսկողությունն էլ արգելոցի ստեղծելու նպատակներից մեկն էր[4]:

Արգելոցի հարուստ բուսական աշխարհն իր մեջ ներառում է երաշտային և մերձափնյա նոսր անտառներ և անմշակ հողատարածքներ: Ընդհանուր հաշվով, ազգային պարկում ներկայացված է 2000 տեսակ անոթավոր բույս, որի 75%-ը համարվում է էնդեմիկ[4]։ Ազգային պարկի տարածքում է գտնվում նահանգի էնդեմիկ բույսերի շուրջ 20%-ը[6]։

Պարկում բնակվում են 4 տեսակ ձուկ, 2 տեսակ գորտ, 41 տեսակ սողուն, 19 տեսակ կաթնասուն[6]։

Արգելոցի տարածքում բնակվում են այնպիսի հազվագյուտ թռչուններ, ինչպիսիք են աչքավոր հավը, սպիտակապոչ տխուր կակադուն, Dasyornis longirostris-ը, Psophodes nigrogularis-ը։ Բացի այդ, պարկում բնակվում են կարմրագլխարկ թութակը, դեղնաթուշ ռոզելլան, ժայռային խոտավոր թութակը, Malurus pulcherrimus-ը, Lichenostomus cratitius-ը, արևմտյան բիզակտուց մեդոսոսը, անտառային բիզակտուցիկը, Eopsaltria griseogularis-ը, Stagonopleura oculata-ը[6]։

Համագործակցություն մարդկանց հետԽմբագրել

2003 թվականի տվյալների համաձայն՝ պարկ է այցելել 36 հազար զբոսաշրջիկ։ Արգելոցում մարդու ներկայությունը սահմանափակվում է զբոսաշրջությամբ և զբոսաշրջային ենթակառուցվածքի պահպանմամբ։ Արգելոցը շրջապատված է գյուղատնտեսական կալվածքներով, որոնցով անցնում են նույն ջրահոսքերը, ինչ որ արգելոցի տարածքով, և օգտագործվում են գյուղատնտեսական գործունեության մեջ[4]:

Պարկով անցնում է Համերսլի-դրայվը (անգլ.՝ Hamersley Drive), որի հյուսիսային մասը հեշտանցանելի է, իսկ հարավայինը, որն անցում է պարկի արևելյան սահմանով, անցանելի է միայն ջիպերի համար: 2013 թվականին Արևմտյան Ավսրալիայի կառավարությունը իրականացրել է պարկի ենթակառուցվածքների բարելավման ծրագիր[8]:

ԾանոթագրություններԽմբագրել

  1. 1,0 1,1 1,2 1,3 http://data.gov.au/dataset/2016-soe-her-aus-national-heritage — 2017.
  2. 2,0 2,1 http://quickstats.censusdata.abs.gov.au/census_services/getproduct/census/2016/quickstat/SSC50505
  3. 3,0 3,1 3,2 3,3 https://www.protectedplanet.net/558
  4. 4,0 4,1 4,2 4,3 4,4 4,5 4,6 4,7 «Fitzgerald River» (անգլերեն)։ Человек и биосфера։ Վերցված է 2013-10-26 
  5. «Media Release – $20 Million Investment in Fitzgerald River National Park»։ 2009։ Արխիվացված է օրիգինալից փետրվարի 20, 2011-ին։ Վերցված է մայիսի 21, 2010 
  6. 6,0 6,1 6,2 6,3 6,4 6,5 Important Bird Areas factsheet: Fitzgerald River — BirdLife International (англ.)
  7. «Department of Environment Park Fnder – Fitzgerald River National Park»։ 2008։ Արխիվացված է օրիգինալից 2013-12-31-ին։ Վերցված է մայիսի 21, 2010 
  8. «Fitzgerald River National Park» (անգլերեն)։ Министерство парков и дикого мира Западной Австралии։ Վերցված է 2013-10-26 

Արտաքին հղումներԽմբագրել