Ֆինլանդիայի դրամահատարան
Ֆինլանդիայի դրամահատարան (Ֆիններեն՝ Suomen Rahapaja, շվեդերեն՝ Myntverket i Finland), Ֆինլանդիայի ազգային դրամահատարանն է։
Ֆինլանդիայի դրամահատարան | |
|---|---|
 | |
| Տեսակ | բիզնես ձեռնարկություն և դրամահատարան |
| Հիմնադրված է | 1993 |
| Վայր | Վանտաա, Ուուսիմաա, Southern Finland Regional State Administrative Agency, Ֆինլանդիա |
| Երկիր |  Ֆինլանդիա |
| Արդյունաբերություն | մետաղական աշխատանք |
| Կայք | rahapaja.fi |
 Suomen Rahapaja Վիքիպահեստում | |
Պատմություն խմբագրել
Ֆինլանդիայի դրամահատարանը հիմնադրվել է կայսր Ալեքսանդր II-ի կողմից 1860 թվականին այն բանից հետո, երբ Համայն Ռուսիո կայսր, Լեհաստանի թագավոր և Ֆինլանդիայի Մեծ իշխան Ալեքսանդր II-ի 1860 թվականի մարտի 23-ի Բարձրագույն մանիֆեստով մտցվեց ֆիննական մարկ հատուկ դրամական միավորը։
Այդ ժամանակ դրամահատարանը գտնվում էր Հելսինկիի (Հելսինգֆորս) Կատայանոկկա շրջանում։ 1988 թվականին նոր արտադրական համալիր բացվեց Վանտաա քաղաքում։ Ֆինլանդիայի դրամահատարանը 1993 թվականից հանդիսանում է Բաց բաժնետիրական ընկերություն։
2001 թվականին Ֆինլանդիայի դրամահատարանը Շվեդիայի բանկից ձեռք բերեց Շվեդիայի դրամահատարանը, իսկ 2003 թվականին ձեռք բերեց նորվեգական Det Norske Myntverket AS ընկերության բաժնետոմսերի 50 տոկոսը, որը թողարկում է նորվեգական մետաղադրամներ, ինչպես նաև այլ պետությունների մետաղադրամներ[1]։
Ֆինլանդիայի Մեծ իշխանության օրոք մետաղադրամների վրա Ֆինլանդիայի դրամահատարանի ոչ մի նշում չի եղել, միայն դրվում էին մինցմեյստերի սկզբնատառերը։
Ներկայումս Ֆինլանդիայի դրամահատարանը թողարկում է եվրոյի մետաղադրամներ Էստոնիայի[2], Հունաստանի, Լյուքսեմբուրգի, Սլովենիայի, Կիպրոսի Հանրապետության և Իռլանդիայի համար[3][4], մետաղադրամներ Բոլիվիայի, Կոլումբիայի, Դոմինիկյան Հանրապետության համար, հավաքորդային մետաղադրամներ և այլն։
Ֆինլանդիայի դրամահատարանի գլխավոր տնօրենը 2016 թվականից Ջոն Հանկիմաան է (М. С. Jonne Hankimaa):
Ծանոթագրություններ խմբագրել
- ↑ The History of Mint of Finland Արխիվացված 2015-08-22 Wayback Machine, монетный двор Финляндии (անգլերեն)
- ↑ «Minting of Estonia's Euro Coins Begins in Finland». Yle Uutiset. 2010 թ․ հուլիսի 20. Վերցված է 2015 թ․ հոկտեմբերի 1-ին.
- ↑ Как тираж монеты изготовлены Արխիվացված 2014-05-27 Wayback Machine монетным двором Финляндии.
- ↑ «Finskt myntverk ska sätta prägel på svenska kronan» (շվեդերեն). Dagens Nyheter. 2007 թ․ նոյեմբերի 2. Վերցված է 2015 թ․ հոկտեմբերի 1-ին.