Ֆիլդսյան մրցանակ
Ֆիլդսյան մրցանակ (անգլ.՝ Fields Medal), միջազգային մրցանակ և մեդալ, որը տրվում է չորս տարին մեկ անգամ Միջազգային մաթեմատիկական միության կոնգրեսի ժամանակ երկու, երեք կամ չորս երիտասարդ մաթեմատիկոսների, որոնց տարիքը չի գերազանցում 40-ը։
| Ֆիլդսյան մրցանակ | |
|---|---|
 | |
| Տեսակ | մրցանակ մաթեմատիկայի բնագավառում և գիտական մրցանակ |
| Հիմնադրվել է | 1936 |
| Պարգևադրող | Միջազգային մաթեմատիկական միություն |
| Շնորհվում է | Երիտասարդ գիտնականներին` մաթեմատիկայի բնագավառում նշանակալի ներդրումների համար |
| Անվանված է | Ջոն Չարլզ Ֆիլդս[1] |
| Կայք | Mathunion.org |
Անվանում
խմբագրելՄրցանակն ու մեդալն անվանվել են Ջոն Ֆիլդսի պատվին, որը 1924 թվականին Տորոնտոյում կայացած VII միջազգային մաթեմատիկական կոնգրեսի նախագահն էր։ Նա առաջարկել էր յուրաքանչյուր կոնգրեսի ժամանակ երկու մաթեմատիկոսի պարգևատրել մեդալով` ի նշան գնահատանքի և երևելի վաստակի։
Մրցանակի տեսք և արժեք
խմբագրել
Ֆիլդսյան մրցանակը կազմում է 15000 կանադական դոլար, իսկ մեդալը 583 հարգի ոսկուց է։ Մեդալի դիմերեսին Արքիմեդի կիսադեմն է, և լատիներեն գրված է «Transire suum pectus mundoque potiri» («Գերազանցել մարդկային սահմանափակումը և նվաճել Տիեզերքը»), իսկ դարձերեսին գրված է «Congregati ex toto orbe mathematici ob scripta insignia tribuere» («Մաթեմատիկոսները, բոլոր երկրներից, մեծարում են հիասքանչ ներդրումը իմացության մեջ»)։
Ֆիլդսյան և Նոբելյան մրցանակներ
խմբագրելՖիլդսյան մրցանակը համարվում է աշխարհում մաթեմատիկայի ասպարեզում ամենահեղինակավոր մրցանակը։ Քանի որ Նոբելյան մրցանակը մաթեմատիկոսներին չի տրվում, ֆիլդսյանը հաճախ անվանում են «նոբելյան մրցանակ մաթեմատիկոսների համար»[2], թեև երկու մրցանակների միջև կան մի շարք տարբերություններ։
Ծանոթագրություններ
խմբագրել- ↑ http://www.gf.org/fellows/fields-medal/
- ↑ Kenneth Chang (2007 թ․ մարտի 12). «Journeys to the Distant Fields of Prime». New York Times.
{{cite news}}: External link in|title=