Ֆիլա

Ֆիլա, նաև ֆիլե (հուն․՝ φυλή), Հին Հունաստանում տոհմացեղային միավորում, հետագայում՝ տերիտորիալ շրջան։

Հին տոհմական ֆիլան տոհմատիրական ժամանակաշրջանի Հունաստանի բնակչության քաղաքական, ռազմական և կրոնական կյանքի կենտրոնն էր։ Ֆիլաները բաժանված էին ֆրատրիաների։ Ֆիլայում իշխանությունը պատկանում էր ժողովրդական ժողովին, ավագների խորհրդին և կրոնական, դատական ու զինվորական իշխանությունը մեկ անձի մեջ միավորող ընտրովի ֆիլոբասիլևսին։

Ստրկատիրական պետությունների ձևավորման ընթացքում տոհմական ֆիլաները փոխարինվել են տերիտորիալ ֆիլներով։ Տերիտորիալ ֆիլաները Ատտիկայում դարձել են դեմոկրատական պետական կառուցվածքի հենարան։

Գրականություն

• Словарь античности, пер. с немецкого, СП «Внешсигма», Москва, 1992 г.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։