Օքսանա Իգնաշչենկո
Օքսանա Անատոլևնա Իգնաշչենկո (կեղծանունը՝ Օքսանա Գնատ, սեպտեմբերի 5, 1960, Կիև, Ուկրաինական ԽՍՀ, ԽՍՀՄ), խորհրդային և ուկրաինացի նկարիչ, մանկական գրքերի նկարազարդող։ Ուկրաինայի նկարիչների միության անդամ, միջազգային ցուցահանդեսների մասնակից[1]։
Օքսանա Իգնաշչենկո | |
|---|---|
 | |
| Կեղծանուն | Оксана Гнат |
| Ծնվել է | սեպտեմբերի 5, 1960 (63 տարեկան) |
| Ծննդավայր | Կիև, Ուկրաինական ԽՍՀ, ԽՍՀՄ |
| Կրթություն | Գեղարվեստի և ճարտարապետության ազգային ակադեմիա և Տարաս Շևչենկոյի անվան գեղարվեստի դպրոց |
| Մասնագիտություն | նկարչուհի |
| Ժանր | նկարազարդող |
| Հայր | Անատոլի Իգնաշչենկո |
| Կայք | solncasvet.com |
Կենսագրություն խմբագրել
Նկարազարդող նկարիչ Օքսանա Իգնաշչենկոն ծնվել է 1960 թվականի սեպտեմբերի 5-ին Կիևում՝ ճարտարապետ Անատոլի Ֆեդորովիչ Իգնաշչենկոյի ընտանիքում[2][3]։ Ավարտել է Տարաս Շևչենկոյի անվան հանրապետական արվեստի դպրոցը, 1984 թվականին՝ Կիևի արվեստի ինստիտուտը, սովորել է գրաֆիկայի ֆակուլտետում, պրոֆեսոր Տիմոֆեյ Լյաշչուկի արվեստանոցում[1][2]։ 1984-1986 թվականներին աշխատել է Կիևի հանրապետական արվեստի դպրոցում որպես գեղանկարչության և կոմպոզիցիայի ուսուցչուհի[1][2]։ 1985 թվականից անցել է ստեղծագործական աշխատանքի[1]։ 1988 թվականին ընդունվել է Ուկրաինայի նկարիչների միություն[2]։ Համագործակցել է Կիևի «Վեսելկա» (1984 թվականից) և «A-ba-ba-ha-la-ma-ga» (1993 թվականից) հրատարակչությունների հետ[2]։
Ամենահայտնի նկարները՝ «Ձմեռը Անդրեևսկու զառիվայրի վրա», «Հետքեր ավազի վրա» (1996), «Մեխանիկական թռչուն» (1997), «Քամի», «Հին ամրոց» (1998), «Հին ամրոցի ստվերները» (1999), «Սպիտակ ձի» (2000), «Ստեպլ-չեզ» (2001), «Հետքեր ավազի վրա» (2006), «Սպիտակ վարդեր» (2007)[1]։
- Գրքերի նկարազարդումներ
- «Վեսելկա» հրատարակչություն՝ «Մուխա-Ցոկոտուխա» (1988), «Հրահան» (1989), «Ճրթճրթանը և Արջերի արքան» (1991), «Երեք շան ձագեր հեռանում են Փարիզից» (1991)[1],
- «A-ba-ba-ha-la-ma-ha» հրատարակչություն. «Սպիտակաձյունիկը և յոթ թզուկները» (1997), «Բրեմենյան երաժիշտները» (1993), «Տունը, որտեղ ոչ ոք չի քնում» (1993), «Ռոբին-Բոբին» (2001)[1]։
Աշխատանքների մի մասը պահվում է Ուկրաինայի գրքի և տպագրության պետական թանգարանում (Կիև) և Ալեքսանդր Պուշկինի տուն-թանգարաններում (Մոսկվա)[2]։
Մասնակցություն ցուցահանդեսներին խմբագրել
1990-ականներին մասնակցել է միջազգային ցուցահանդեսների[1][2]։
Անհատական ցուցահանդեսների շարք՝
- Կիևի ռուսական արվեստի ազգային թանգարան, 1998[1],
- Ազգային արգելոց «Սոֆիա Կիևսկայա», 2005[1],
- Ուկրաինայի տուն, 2007, 2008[1],
- «Միստեցկի զինանոց» պատկերասրահ, 2009 (ամուսնու[2]՝ Նիկոլայ Եսիպենկոյի հետ համատեղ)[1]։
Պարգևներ և մրցանակներ խմբագրել
- «Գրքի արվեստը» ազգային մրցույթի 1-ին մրցանակ՝ «Білосніжка та семеро гномів» գրքի համար[4],
- «Գրքի արվեստը» հանրապետական մրցույթի 1-ին մրցանակ «Улюблені вірші» գրքի համար (այլ նկարիչների համահեղինակությամբ)[5],
- «Գրքի արվեստը» ազգային մրցույթի 1-ին մրցանակ «Улюблені вірші—2» գրքի համար (այլ նկարիչների համահեղինակությամբ)[6],
- «Տարվա գիրք» ազգային մրցույթի «Մանկական տոն» անվանակարգում 2-րդ մրցանակ՝ «Білосніжка та семеро гномів» գրքի համար[7],
- «Գրքի արվեստը» ազգային մրցույթի 2-րդ մրցանակ «Կրեսալո» գրքի համար[8],
- «Գրքի արվեստը» ազգային մրցույթի 3-րդ մրցանակ «Լուսկունչիկը և արջ արքան» գրքի համար[8],
- «1996 թվականի լավագույն հրատարակություն» «Улюблені вірші» գրքի համար (այլ նկարիչների համագործակցությամբ), Ուկրաինայի գրողների ազգային միության մրցանակ[5],
- «Գրքերի աշխարհ» գրքի միջազգային փառատոնի մրցանակ,
- ԽՍՀՄ Մինիստրների խորհրդի հրատարակչությունների, տպագրության և գրքի առևտրի պետական կոմիտեի մրցանակ «Կրեսալո» գրքի համար,
- ԽՍՀՄ Մինիստրների խորհրդի հրատարակչությունների, տպագրության և գրքի առևտրի պետական կոմիտեի մրցանակ «Լուսկունչիկը և արջ արքան» գրքի համար։
Ծանոթագրություններ խմբագրել
- ↑ 1,00 1,01 1,02 1,03 1,04 1,05 1,06 1,07 1,08 1,09 1,10 1,11 «Игнащенко Оксана Анатольевна». Киевская Организация Национального Союза Художников Украини. Արխիվացված է օրիգինալից 2017 թ․ հուլիսի 20-ին.
- ↑ 2,0 2,1 2,2 2,3 2,4 2,5 2,6 2,7 Лисенко Л. О. «Ігнащенко Оксана Анатоліївна - Енциклопедія Сучасної України» (ուկրաիներեն). esu.com.ua. Վերցված է 2018 թ․ մայիսի 23-ին.
- ↑ «Оксана Игнащенко: «В годы войны папа уже был кормильцем семьи: 12-летний, он красками рисовал на...» (ռուսերեն). Վերցված է 2018 թ․ ապրիլի 17-ին.
- ↑ «Білосніжка та семеро гномів - Видавництво "А-БА-БА-ГА-ЛА-МА-ГА"» (ռուսերեն). ababahalamaha.com.ua. Վերցված է 2018 թ․ ապրիլի 4-ին.
- ↑ 5,0 5,1 «Улюблені вірші - Видавництво "А-БА-БА-ГА-ЛА-МА-ГА"» (ռուսերեն). ababahalamaha.com.ua. Վերցված է 2018 թ․ ապրիլի 4-ին.
- ↑ «Улюблені вірші-2 - Видавництво "А-БА-БА-ГА-ЛА-МА-ГА"» (ռուսերեն). ababahalamaha.com.ua. Վերցված է 2018 թ․ մայիսի 23-ին.
- ↑ «Білосніжка та семеро гномів/ Міні-диво - Видавництво "А-БА-БА-ГА-ЛА-МА-ГА"» (ռուսերեն). ababahalamaha.com.ua. Վերցված է 2018 թ․ ապրիլի 4-ին.
- ↑ 8,0 8,1 «Ігнащенко Оксана - Видавництво "А-БА-БА-ГА-ЛА-МА-ГА"» (ռուսերեն). ababahalamaha.com.ua. Վերցված է 2018 թ․ ապրիլի 4-ին.