Օրենջ բոուլ մարզադաշտ
Այս հոդվածն աղբյուրների կարիք ունի։ Դուք կարող եք բարելավել հոդվածը՝ գտնելով բերված տեղեկությունների հաստատումը վստահելի աղբյուրներում և ավելացնելով դրանց հղումները հոդվածին։ Անհիմն հղումները ենթակա են հեռացման։ |
Մայամի օրենջ բոուլ մարզադաշտը (անգլ.՝ Miami Orange Bowl) մարզադաշտ էր ԱՄՆ-ի Ֆլորիդա նահանգի Մայամի քաղաքում, որը նախատեսված էր ռեգբիի և ֆուտբոլային հանդիպումների անցկացման համար։ Մարզադաշտը տեղավորում էր ավելի քան 74 հազար հանդիսականի։ 2005 թ. Օրանժ Բոուլը խիստ տուժեց Վիլմա փոթորկի պատճառով, և 2008 թ. մայիսի 14-ին քանդման ենթարկվեց։ 2009 թ. հուլիսի 1-ից քանդված մարզադաշտի տարածքում սկսվեց նոր բեյսբոլային մարզադաշտի կառուցման շինարարությունը։
Տեսակ | American football field? և գոյություն չունեցող շենք կամ կառույց |
---|---|
Մարզաձև | Ամերիկյան ֆուտբոլ |
Ամբողջական անվանում | Մայամի Օրենջ բոուլ |
Նախկին անվանումներ | Բերդին Ստեդիում |
Տեղագրություն | Մայամի |
Երկիր | ԱՄՆ |
Հիմնադրված | 1936 |
Բացված | 1937 դեկտեմբերի 10 |
Փակված | 2008 մայիսի 14 |
Կառուցման գին | $340,000 USD |
Սեփականատեր | Մայամի |
Տարողություն | 74 000 |
Տնային թիմ | Miami Hurricanes (NCAA) (1937-2007) FIU Golden Panthers (NCAA) (2007) Miami Tropics (football) (SFL) (2000) Miami Seahawks (AAFC) (1946) Miami Dolphins (AFL / NFL) (1966–86) Miami Toros (NASL) (1972–76) Miami Freedom (ASL / APSL) (1988–92) |
Miami Orange Bowl Վիքիպահեստում |
Պատմություն խմբագրել
Մարզադաշտի կառուցումը սկսվեց 1936 թ.։ Բացումը տեղի ունեցավ 1937 թ. դեկտեմբերի մեկին։ Նրան տրվեց Բերդին Ստեդիում (Burdine Stadium) անվանումը՝ ի պատիվ Մայամիի պատվավոր քաղաքացի Ռոբի Բերդինի։ 1939 թ. մարզադաշտն ստացավ Օրենջ բոուլ անվանումը ամերիկյան ֆուտբոլի «Օրենջ բոուլ» կոչվող քոլեջային թիմերի մրցաշարի ամենամյա անցկացման շնորհիվ։ Մարզադաշտում անց են կացվել Ֆուտբոլի ազգային լիգայի՝ NFL-ի ամերիկյան ֆուտբոլի հանդիպումներ, Ֆուտբոլի բարձրագույն լիգայի՝ MLS-ի, ԿՈՆԿԱԿԱՖ-ի ոսկե գավաթի խաղարկությունների, 1996 թ. ամառային օլիմպիական խաղերի ֆուտբոլային հանդիպումներ, 1990 թ. բեյսբոլի Կարիբյան սերիան։ Օրենջ բոուլը մեկն է այն երկու մարզադաշտերից, որտեղ անց են կացվել հինգ Սուպեր Բոուլներ (1968, 1969, 1971, 1976, 1979)։ Այստեղ անց են կացրել իրենց տնային հանդիպումները Մայամիի բազմաթիվ սպորտային ակումբներ և թիմեր։ Մասնավորապես մինչև 1987 թ. այն հանդիսանում էր Ֆուտբոլի ազգային լիգայի «Մայամի Դոլֆինս» ակումբի տնային մրցավայրը։ Այստեղ անցկացվել են բազմաթիվ համերգներ, տեղի են ունեցել գեղարվեստական ֆիլմերի նկարահանումներ։ 2008 թ. հունվարի 4-ին անցկացվեց վերջին մարզական միջոցառումը Օրենջ բոուլ մարզադաշտում. տեղի ունեցավ բարձրագույն դպրոցի սաների ամերիկյան ֆուտբոլի աստղերի թիմերի հանդիպումը։
Արտաքին հղումներ խմբագրել
- Օրենջ բոուլի պաշտոնական կայք orangebowlstadium.com Արխիվացված 2005-09-13 Wayback Machine (անգլ.)
- Տեղեկություններ Օրենջ բոուլի մասին hurricanesports.cstv.com Արխիվացված 2011-08-11 Wayback Machine, stadiumsofprofootball.com (անգլ.)
- Օրանժ Բոուլի լուսանկարներ hurricanesports.cstv.com Արխիվացված 2011-08-10 Wayback Machine (անգլ.)