Օկտավիան Գոգա

	Օկտավիան Գոգա
Կուսակցություն՝	Ռումինիայի ազգային կուսակցություն
Կրթություն՝	Բուդապեշտի համալսարան
Մասնագիտություն՝	քաղաքական գործիչ, բանաստեղծ, դրամատուրգ, լրագրող, թարգմանիչ և գրող
Դավանանք	աթեիզմ և ուղղափառություն
Ծննդյան օր	ապրիլի 1, 1881
Ծննդավայր	Ռեշինարի, Սիբիու, Ռումինիա
Վախճանի օր	մայիսի 7, 1938 (57 տարեկան)
Վախճանի վայր	Ciucea, Կլուժ, Ռումինիա
Թաղված	Ciucea
Քաղաքացիություն	Ռումինիա
Ամուսին	Veturia Goga?
Ինքնագիր
Octavian Goga

Օկտավիան Գոգա (ռումիներեն՝ Octavian Goga, ապրիլի 1, 1881(1881-04-01)^[1]^[2], Ռեշինարի, Սիբիու, Ռումինիա - մայիսի 7, 1938(1938-05-07)^[3]^[1]^[2], Ciucea, Կլուժ, Ռումինիա^[3]), ռումինացի պոետ, դրամատուրգ, ակադեմիկոս, աջ ծայրահեղական քաղաքական գործիչ։ 1937 թվականի դեկտեմբերի 28-ից մինչև 1938 թվականի փետրվարի 11-ը եղել է Ռումինիայի վարչապետ։ Ռումինական ակադեմիայի անդամ։

Կենսագրություն

Օկտավիան Գոգան ծնվել է Տրանսիլվանիայի Սիբիու քաղաքի Ռեշինարի գյուղում։ Ավարտել է Բուդապեշտի համալսարանը։ Եղել է ռումինական ազգայնական շարժման ակտիվ ներկայացուցիչ Տրանսիլվանիայում։ Մինչ Առաջին համաշխարհային պատերազմը, ձերբակալվել է հունգարական իշխանությունների կողմից։ Մի քանի անգամ, մինչև Ռումինիայի և Տրանսիլվանիայի միավորումը, թաքնվել է Ռումինիայում, որտեղ ակտիվ մասնակցություն է ունեցել երկրի գրական և քաղաքական կյանքում։ 1920 և 1926 թվականներին զբաղեցրել է Արվեստների և ներքին գործերի նախարարի պաշտոնները՝ գեներալ Ալեքսանդր Ավրեսկու կառավարությունում։ 1935 թվականին գլխավորել է պրոֆաշիստական Ազգային-քրիստոնեական կուսակցությունը։ 1930-ական թվականներին մասնակցել է ռումինական մի քանի բանկերի և մոնոպոլիաների կառավարմանը, որոնց միջոցով էլ կապ է հաստատել արտասահմանյան կապիտալի հետ։ 1937 թվականի դեկտեմբերի 28-ից մինչև 1938 թվականի փետրվարի 11-ը զբաղեցրել է Ռումինիայի վարչապետի պաշտոնը։ Գոգայի կառավարությունը, որի կազմի մեջ մտել է նաև Ալեքսանդր Կուզան, վարել է ազգայնական պրոֆաշիստական քաղաքականություն՝ արտաքին քաղաքականության մեջ ուղղված լինելով դեպի հիտլերյան Գերմանիա։ Ընդունել է մի քանի հակասեմական օրենքներ, որոնցով հրեաները զրկվում էին ռումինական քաղաքացիությունից։

Մահարձանը Դասականների ծառուղում

Իշխանությունից հեռացվելուց հետո՝ Օկտավիան Գոգան հաստատվել է Տրանսիլվանիայի իր կալվածքներում, որտեղ էլ 1938 թվականի մայիսի 7-ին մահացել է գլխուղեղի արյան զեղումից։

Ծանոթագրություններ

↑ ^1,0 ^1,1 ^1,2 ^1,3 ^1,4 Բրոքհաուզի հանրագիտարան (գերմ.)
↑ ^2,0 ^2,1 ^2,2 ^2,3 ^2,4 Proleksis enciklopedija, Opća i nacionalna enciklopedija (хорв.) — 2009.
↑ ^3,0 ^3,1 ^3,2 ^3,3 ^3,4 ^3,5 Гога Октавиан // Большая советская энциклопедия (ռուս.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.

Գրականություն

Ovidiu Papadima, Octavian Goga, ed. a II-a, Bucureşti, Fundaţia Regală pentru Literatură şi Artă, 1944
Ion Dodu Bălan, Octavian Goga (monografie), Bucureşti, Editura Minerva, 1971
Mircea Popa, Octavian Goga între colectivitate şi solitudine, Cluj, Editura Dacia, 1981
Ilie Guţan, Octavian Goga — răsfrângeri în evantai, Sibiu, Editura Imago, 2002
Gheorghe I. Bodea, Octavian Goga — o viaţă, un destin, Cluj, Editura Limes, 2004
Contribuţii la o bibliografie Octavian Goga (1965—2004), Cluj, Casa Cărţii de Ştiinţă, 2006.

Վիքիպահեստն ունի նյութեր, որոնք վերաբերում են «Օկտավիան Գոգա» հոդվածին։

[_cd65d23634551b9c-1] 1,0 ^1,1 ^1,2 ^1,3 ^1,4 Բրոքհաուզի հանրագիտարան (գերմ.)

[_6d37299c91d11148-2] 2,0 ^2,1 ^2,2 ^2,3 ^2,4 Proleksis enciklopedija, Opća i nacionalna enciklopedija (хорв.) — 2009.

[_4fb59bc130a0681b-3] 3,0 ^3,1 ^3,2 ^3,3 ^3,4 ^3,5 Гога Октавиан // Большая советская энциклопедия (ռուս.): [в 30 т.] / под ред. А. М. Прохорова — 3-е изд. — М.: Советская энциклопедия, 1969.

[1]

[2]

[3]