Օթյակ (նկար, Ռենուար)

Ռենուարի նկար

Օթյակ (ֆր.՝ La Loge), ֆրանսիացի նկարիչ Պիեռ-Օգյուստ Ռենուարի (ֆր.՝ Pierre-Auguste Renoir, 1841-1919) նկարը՝ ստեղծված 1874 թվականին։ Նկարի չափերը՝ 80×63.5 սմ, շրջանակի չափերը՝ 106.6×91×12.3 սմ[1]։ Օգտագործվում է նաև «Օթյակ օպերայում» անվանումը[2]։

Օթյակ
ֆր.՝ La Loge
տեսակգեղանկար
նկարիչՊիեռ-Օգյուստ Ռենուար
տարի1874
բարձրություն80
լայնություն63,5
ժանրդիմապատկեր
նյություղաներկ, կտավ
գտնվում էՔորթոուլդ պատկերասրահ
հավաքածուԿուրտոյի արվեստի ինստիտուտ
կայք
Ծանոթագրություններ
 La loge by Pierre-Auguste Renoir Վիքիպահեստում

«Օթյակ» նկարը պահվում է Լոնդոնում՝ Կուրտոյի արվեստի ինստիտուտում[3]։

Պատմություն խմբագրել

Նկարը հանրությանն է ներկայացվել Փարիզում 1874 թվականին անցկացված իմպրեսիոնիստների առաջին ցուցահանդեսում։ Այն եղել է Ռենուարի ամենահայտնի կտավներից մեկը 1870-ական թվականների կեսերին[4]։ Չնայած նրան, որ նկարն ստացել է դրական արձագանք, Ռենուարն այն կարողացել է վաճառել միայն 1875 թվականին՝ հարաբերականորեն ոչ մեծ գումարով՝ 475 ֆրանկով[5]։

Նկարագրություն խմբագրել

Նկարում պատկերված են օպերային թատրոնի օթյակում նստած կին (առջևի պլանում) և տղամարդ (հետին պլանում)։ Այս կտավի համար կեցվածք են ընդունել նկարչի հարազատ եղբայրը՝ լրագրող Էդմոն Ռենուարը (ֆր.՝ Edmond Renoir) և Մոնմարտրի բնորդուհի Նինի Լոպեսը (ֆր.՝ Nini Lopez)[4][6][7]:

Նկարն ստեղծված է մարգարտասպիտակ, դեղին և սև երանգներով։ Կնոջ հագին սև-սպիտակ զգեստ է, տղամարդու հագին՝ սև ֆրակ և սպիտակ վերնաշապիկ։ Կնոջ մարգարտե վզնոցը նկարված է սպիտակ փոքր փայլուն կետերով։ Կինը նայում է նկարը դիտողին, նրա թատերական հեռադիտակն իջեցված է և գտնվում է նրա ձեռքում։ Տղամարդը հեռադիտակով նայում է մյուս կողմ, հավանաբար օպերային թատրոնի բեմին[6][7]։

Ծանոթագրություններ խմբագրել

  1. «Gallery Collections: Pierre-Auguste Renoir — La Loge» (HTML). The Courtauld Gallery, www.artandarchitecture.org.uk. Արխիվացված օրիգինալից 2012 թ․ սեպտեմբերի 24-ին. Վերցված է 07.06.2012-ին.
  2. Жиль Нере. Ренуар. — Taschen / Арт-Родник, 2009. — 440 с. — ISBN 978-5-404-00066-5
  3. «Pierre-Auguste Renoir — La loge» (HTML). The Courtauld Gallery. Արխիվացված օրիգինալից 2012 թ․ սեպտեմբերի 24-ին. Վերցված է 07.06.2012-ին.
  4. 4,0 4,1 «Renoir at the Theatre — Looking at La loge» (HTML). The Courtauld Gallery. Արխիվացված օրիգինալից 2012 թ․ սեպտեմբերի 24-ին. Վերցված է 07.06.2012-ին.
  5. «Журнал "Художественная галерея" — «Ложа»». gallery.lariel.ru. Արխիվացված է օրիգինալից (HTML) 2012 թ․ սեպտեմբերի 24-ին. Վերցված է 07.06.2012-ին.
  6. 6,0 6,1 «Пьер Огюст Ренуар — "Ложа"» (HTML). impressionnisme.narod.ru. Արխիվացված օրիգինալից 2012 թ․ սեպտեմբերի 24-ին. Վերցված է 07.06.2012-ին.
  7. 7,0 7,1 М. С. Лебедянский. Портреты Ренуара. — Изобразительное искусство, 2002. — ISBN 5-85200-359-X

Արտաքին հղումներ խմբագրել