Քևին Ֆոլանդ (գերմ.՝ Kevin Volland, հուլիսի 30, 1992, Մարքտոբերդորֆ, Գերմանիա), գերմանացի ֆուտբոլիստ, հարձակվող։ Հանդես է գալիս գերմանական «Բայեր 04»-ի և Գերմանիայի ազգային հավաքականի կազմում։

Քևին Ֆոլանդ
գերմ.՝ Kevin Volland
Քևին Ֆոլանդը Բայերի կազմում 2016 թվականին
Անձնական տվյալներ
Ամբողջական անուն Քևին Ֆոլանդ
Ազգությունը գերմանացի
Քաղաքացիությունը Գերմանիա Գերմանիա
Ծննդյան ամսաթիվ հուլիսի 30, 1992(1992-07-30)[1][2][3] (31 տարեկան)
Ծննդավայր Մարքտոբերդորֆ, Գերմանիա
Հասակ 179 սմ
Քաշ 75 կգ
Դիրք հարձակվող
Ակումբային տեղեկություններ
Ներկա ակումբ Գերմանիա Բայեր 04
Համար 31
Պատանեկան կարիերա
2007-2011 Գերմանիա Մյունխեն 1860
Մասնագիտական կարիերա*
Տարի Ակումբ Խաղ (Գոլ)
2010-2012 Գերմանիա Մյունխեն 1860 57 (20)
2012-2016 Գերմանիա Հոֆենհայմ 1899 132 (33)
2016-ներկա Գերմանիա Բայեր 04 23 (6)
Ազգային հավաքական
2012-2015 Գերմանիա Գերմանիա Մ21 22 (11)
2014-ներկա Գերմանիա Գերմանիա 10 (1)

* Մասնագիտական կարիերայում ընդգրկված են միայն առաջնության խաղերը և գոլերը 
ըստ մայիսի 7, 2017:

‡ Ազգային հավաքականի խաղերն ու գոլերը ըստ նոյեմբերի 15, 2016

Ակումբային կարիերա խմբագրել

«Մյունխեն 1860» խմբագրել

2007 թվականի ամռանը Ֆոլանդը միացել է գերմանական «Մյունխեն 1860»-ի ակադեմիային։ 2009/10 մրցաշրջանի ընթացքում «Մյունխեն 1860»-ի Մ19 թիմի կազմում Ֆոլանդը մասնակցել է 23 հանդիպման և դարձել 3 գոլի հեղինակ։

Գերմանական ակումբի հիմնական կազմ ֆուտբոլիստն առաջին անգամ հրավիրվել է 2010/11 մրցաշրջանում։ Թիմի կազմում իր նորամուտը նա նշել է 2010 թվականի սեպտեմբերի 26-ին՝ «Աուգսբուրգ»-ի դեմ խաղում։

2011 թվականի հունվարին թիմը նրա հետ կնքել է 4 տարվա պայմանագիր։ Հաջորդ մրցաշրջանի սկզբում Քևինը արդեն թիմի հիմնական կազմի առանցքային ֆուտբոլիստ էր։ 2010-2012 թվականների ընթացքում Ֆոլանդը մասնակցել է 57 հանդիպման և դարձել 20 գոլի հեղինակ։

«Հոֆենհայմ 1899» խմբագրել

2012 թվականի ամռանը Քևին Ֆոլանդը տեղափոխվել է «Հոֆենհայմ 1899»։ Բունդեսլիգայի շրջանակներում իր առաջին գոլը Ֆոլանդը խփել է 2012 թվականի նոյեմբերի 3-ին՝ «Շալկե 04»-ի դեմ խաղում։ Թիմի կազմում անցկացրած առաջին մրցաշրջանից հետո նա դարձել է թիմի առանցքային ֆուտբոլիստ։ 2012/13 մրցաշրջանի ընթացքում Ֆոլանդը կատարել է 12 գոլային փոխանցում և դարձել 6 գոլի հեղինակ։ 2013 թվականի հուլիսի 28-ին գերմանական ակումբը երկարաձգել է ֆուտբոլիստի գործող պայմանագիրը մինչև 2017 թվականը։

2015 թվականի օգոստոսի 22-ին Քևին Ֆոլանդը խփել է Բունդեսլիգայի պատմության ամենաարագ գոլը՝ «Բավարիա»-ի դեմ խաղում[4]։

«Բայեր 04» խմբագրել

2016 թվականի մայիսի 20-ին 18 միլիոն եվրոյի դիմաց Քևին Ֆոլանդը տեղափոխվել է «Բայեր 04»։ Նա թիմի հետ կնքել է 5 տարվա պայմանագիր[5][6]։

Թիմի կազմում իր առաջին գոլը Ֆոլանդը խփել է 2016 թվականի հոկտեմբերի 26-ին՝ Գերմանիայի գավաթի խաղարկության շրջանակներում կայացած «Շփորթֆրոյնդե Լոտտե»-ի դեմ խաղում[7]։

Միջազգային կարիերա խմբագրել

Երիտասարդական խմբագրել

Գերմանիայի Մ17 հավաքականի կազմում իր նորամուտը Ֆոլանդը նշել է 2008 թվականի հոկտեմբերի 16-ին՝ Չեխիայի Մ17 հավաքականի դեմ խաղում։ Երեք օր անց նա մասնակցել է Ռուսաստանի Մ17 հավաքականի դեմ խաղին։ Այս ամենից հետո նա հրավիրվել է մասնակցելու 2009 թվականի Աշխարհի Մ17 առաջնությանը, որը պետք է կայանար Նիգերիայում։

2009 թվականի հուլիսին նա իր առաջին հրավիրն է ստացել Գերմանիայի Մ18 հավաքականից։ Հյուսիսային Իռլանդիայում կայացած NI Սուպերգավաթ միջազգային երիտասարդական գավաթի (նախկին Կաթի գավաթ) խաղարկության ընթացքում Ֆոլանդը մասնակցել է 3 հանդիպման և դարձել 1 գոլի հեղինակ։

Գերմանիայի Մ19 հավաքական Ֆոլանդն առաջին անգամ հրավիրվել է 2010 թվականի ամռանը։ Իր նորամուտը նա նշել է 2010 թվականի օգոստոսի 28-ին՝ Բելգիայի հավաքականի դեմ խաղում։ Իր առաջին գոլը խփել է սեպտեմբերի 3-ին՝ Հոլանդիայի հավաքականի դեմ խաղում։ Մինչև ձմեռ նա հավաքականի կազմում մասնակցել է 5 հանդիպման և դարձել 4 գոլի հեղինակ։

2010 թվականի օգոստոսի 31-ին նա իր առաջին հանդիպումն է անցկացրել Գերմանիայի Մ20 հավաքականի կազմում։ Այդ խաղում է նա խփել իր առաջին գոլը։

2015 թվականի հունիսին Գերմանիայի Մ21 հավաքականի կազմում Ֆոլանդը մասնակցել է Չեխիայում կայացած Եվրոպայի առաջնությանը։ Նա մասնակցել է բոլոր 5 հանդիպումներին։ Առաջնության վերջում նա ճանաչվել է մրցաշարի երկրորդ լավագույն ռմբարկու[8] և մտել առաջնության խորհրդանշական հավաքականի կազմի մեջ[9]։

Ավագ խմբագրել

Գերմանիայի ազգային հավաքական Ֆոլանդը առաջին անգամ հրավիրվել է 2014 թվականի մայիսի 8-ին։ Դրանից 5 օր անց նա նշել է իր նորամուտը՝ Լեհաստանի հավաքականի դեմ խաղում։

Հավաքականի կազմում իր առաջին գոլը Քևին Ֆոլանդը խփել է 2016 թվականի նոյեմբերի 11-ին՝ Սան Մարինոյի հավաքականի դեմ խաղում։ Այդ հանդիպումն ավարտվել է 8-0 հաշվով՝ գերմանացիների հաղթանակով[10]։

Ձեռքբերումներ խմբագրել

  • Եվրոպայի առաջնության արծաթե խաղակոշիկի դափնեկիր (Մ21) - 2015
  • Եվրոպայի առաջնության խորհրդանշական հավաքականի անդամ (Մ21) - 2015

Վիճակագրություն խմբագրել

Ակումբային վիճակագրություն խմբագրել

2017 թվականի մայիսի 21-ի դրությամբ

Ակումբ Մրցաշրջան Առաջնություն Գավաթ Մայցամաքային Այլ Ընդհանուր
Առաջնություն Խաղեր Գոլեր Խաղեր Գոլեր Խաղեր Գոլեր Խաղեր Գոլեր Խաղեր Գոլեր
«Մյունխեն 1860 II» 2010–11 Ռեգիոնալլիգա Հարավ 5 4 5 4
«Մյունխեն 1860» 2010–11 Բունդեսլիգա 2 24 6 1 0 25 6
2011–12 33 14 2 1 35 14
Ընդհանուր 57 20 3 1 60 21
«Հոֆենհայմ 1899» 2012–13 Բունդեսլիգա 34 6 1 0 2 0 37 6
2013–14 33 11 4 1 37 12
2014–15 32 8 4 2 36 10
2015–16 33 8 1 0 34 8
Ընդհանուր 132 33 10 3 2 0 144 36
«Բայեր Լևերկուզեն» 2016–17 Բունդեսլիգա 23 6 2 2 6 1 31 9
Կարիերայի ընդհանուր 212 63 15 6 6 1 2 0 235 70

Միջազգային գոլերը խմբագրել

# Ամսաթիվ Վայր Մրցակից Արդյունք Հաշիվ Տեսակ
1. նոյեմբերի 11, 2016 «Սան Մարինո», Սերավալե, Սան Մարինո   Սան Մարինո 8–0 8–0 ԱԱ 2018, որակավորման փուլ

Ծանոթագրություններ խմբագրել

  1. Transfermarkt.com(բազմ․) — 2000.
  2. Արգենտինական ֆուտբոլի տվյալների շտեմարան (իսպ.)
  3. As (իսպ.)Madrid: Grupo Prisa, 1967. — ISSN 1888-6671
  4. «Hoffenheim equal league record for the fastest goal». The Irish Times. 2015 թ․ օգոստոսի 22. Վերցված է 2016 թ․ հոկտեմբերի 11-ին.
  5. «Bayer 04 verpflichtet Hoffenheimer Kevin Volland». Bayer 04 Leverkusen (German). 2016 թ․ մայիսի 20. Վերցված է 2016 թ․ հոկտեմբերի 11-ին.{{cite web}}: CS1 սպաս․ չճանաչված լեզու (link)
  6. Uersfeld, Stephan (2016 թ․ մայիսի 20). «Bayer Leverkusen sign forward Kevin Volland from Hoffenheim». ESPN FC. Վերցված է 2016 թ․ հոկտեմբերի 11-ին.
  7. «Leverkused Dumped Out By 10-Man Minnows». FourFourTwo. 2016 թ․ հոկտեմբերի 25. Արխիվացված է օրիգինալից 2017 թ․ հունվարի 1-ին. Վերցված է 2016 թ․ հոկտեմբերի 26-ին.
  8. Kell, Tom (2015 թ․ հունիսի 30). «Czech striker Kliment wins Golden Boot award». UEFA.com. Վերցված է 2016 թ․ հոկտեմբերի 11-ին.
  9. «The official Under-21 Team of the Tournament». UEFA.com. 2015 թ․ հուլիսի 1. Վերցված է 2016 թ․ հոկտեմբերի 11-ին.
  10. «San Marino 0–8 Germany». BBC Sport. 2016 թ․ նոյեմբերի 11. Վերցված է 2016 թ․ նոյեմբերի 12-ին.

Արտաքին հղումներ խմբագրել